Onixiya

Onixiya (yunoncha, onyx, onychos — tirnoq), onixoz — qoʻl-oyoq tirnoqlarining kasalligi; bunda tirnoq plastinkasining rangi oʻzgarib, rang-barang dogʻ va hoshiyalar paydo boʻladi, tirnoqning shakli oʻzgaradi, qalinlashadi yoki yupqalashadi, yuzi gʻadir-budir boʻlib qoladi, koʻndalangiga yoki uzunasiga ketgan egatlar vujudga kelib, tirnoq joyidan kuchadi. Onixiya tugʻma boʻlishi yoki turli sabablar bilan (mas, tirnoq plastinkasi yoki tirnoq falangasining shikastlanishi natijasida) kelib chiqishi mumkin. Trixofitiya, kal yara zamburugʻlari, shuningdek, stafilokokk va streptokokklar. O.ga sabab boʻladi. Ichki aʼzolar, nerv sistemasining turli kasalliklari, moddalar almashinuvinchng buzilishi, ichki sekretsiya bezlari kasalliklarida, shuningdek, teri kasalliklaridan baʼzilari (ekzema, psoriaz va boshqalar)da ham kuzatiladi.