On Replay
| „On Replay“ | |
|---|---|
| Bzikebi qoʻshigʻi | |
| Chiqarilgan sanasi | 2026-yil 12-mart |
| Klipi | |
| "On Replay" YouTubeda | |
„On Replay“ — Giga Kuxianidze tomonidan bastalangan, soʻzlari Lisa Japaridze tomonidan yozilgan qoʻshiq. Qoʻshiq Bzikebi guruhi tomonidan ijro etilgan va Avstriyaning Vena shahrida oʻtkazilgan „Eurovision-2026“ qoʻshiq tanlovida Gruziya vakili boʻlgan.
Tarixi
Bzikebi guruhi avvalroq „Bolalar Eurovision-2008“ tanlovida gʻolib chiqqan edi. Guruh Gruziya radiosi tomonidan „Eurovision“ tanlovida ishtirok etish uchun ichki tanlov orqali saralangan.
Qoʻshiq Georgi Kuxianidze (Giga Kuxianidze nomi bilan ham tanilgan) tomonidan bastalangan. U avval ham „Bolalar Eurovision“ tanlovi bilan bogʻliq loyihalarda ishlagan. Kuxianidze qoʻshiqning mikslanishi, masteringi va prodyuserligini ham amalga oshirgan. Qoʻshiq matni Lisa Japaridze tomonidan yozilgan.
„On Replay“ ingliz tilidagi tez surʼatli qoʻshiq hisoblanadi[1][2]. U vokalizatsiyalardan iborat kirish qismi bilan boshlanadi, undan soʻng birinchi kuplet keladi. Qoʻshiqning asosiy naqorati „On Replay“ deb nomlanib, unda ham deyarli uzluksiz vokalizatsiyalar qoʻllanilgan. Ikkinchi kuplet birinchisidan ham ohangi, ham davomiyligi jihatidan farq qiladi. Naqorat ikkinchi marta takrorlangach, ulanish qismi yangraydi va yakunda naqorat yana bir bor takrorlanadi.
Qoʻshiq 2026-yil 12-martda eʼlon qilingan. Uning videoklipiga Sasa Orashvili rejissyorlik qilgan[3][4].
Eurovision
Gruziya 2026-yil may oyida boʻlib yetmishinchi marotaba oʻtgan „Eurovision“ qoʻshiq tanlovida ushbu qoʻshiq bilan ishtirok etdi. Mamlakat 12-may kuni boʻlib oʻtgan birinchi yarim finalda 6-raqam ostida chiqish qildi, biroq final bosqichiga yoʻl ololmadi[5][6].
Manbalar
- ↑ Anthony Granger. „🇬🇪 Georgia: Bzikebi Are Recording Their Eurovision Song“ (en-GB). Eurovoix (2026-yil 1-mart). Qaraldi: 2026-yil 5-iyun.
- ↑ „Bzikebi premiere 'On Replay' for Georgia“ (en). Eurovision Song Contest (2026-yil 30-mart). Qaraldi: 2026-yil 5-iyun.
- ↑ „Bzikebi - On Replay“ (en) (2026-yil 12-mart). Qaraldi: 2026-yil 19-aprel.
- ↑ Neil Farren. „🇬🇪 Georgia: Bzikebi Releases "On Replay"“ (en-GB). Eurovoix (2026-yil 11-mart). Qaraldi: 2026-yil 19-aprel.
- ↑ „Eurovision 2026: The First Semi-Final Qualifiers“ (en) (2026-yil 2-may). Qaraldi: 2026-yil 13-may.
- ↑ „Vienna 2026: Semi-Final Running Orders revealed“ (en) (2026-yil 2-aprel). Qaraldi: 2026-yil 3-aprel.