Oltiariq

Oltiariq
shahar
40°23′30″N 71°28′36″E
Mamlakat	Oʻzbekiston
viloyat	Fargʻona viloyati
tuman	Oltiariq tumani
Iqlim turi	quruq mo‘tadil
Rasmiy til(lar)i	O'zbek
Aholisi	18 800
Milliy tarkib	O'zbeklar,Ruslar
Konfessiyaviy tarkib	Islom
Vaqt mintaqasi	UTC+5
Avtomobil kodi	40

Oltiariq — Oʻzbekiston Respublikasi Fargʻona viloyati Oltiariq tumanidagi shahar (1980 yildan), tuman markazi. Dengiz sathidan oʻrtacha 470 m balandlikda. Viloyat markazi (Fargʻona shahri) dan 36 km uzoqlikda joylashgan, yaqin temir yoʻl stansiyasi — Oltiariq (6 km). Aholisi 11 ming kishini tashkil etadi (2003), asosan, oʻzbeklar, shuningdek, tojik, rus, uygʻur, tatar, ozarbayjon va boshqa millat vakillari ham yashaydi. Oltiariqdan Margʻilon—Qoʻqon, Vodil—Uchuy avtomagistrallari oʻtgan. Aholi orasidagi rivoyatda shaharchaning qadimiy nomi Laylakxona yoki Laklakxona (ahrli zich joylashgan yer maʼnosida) boʻlgan deyiladi. Oltiariqsoy Qapchigʻay darasida 6 shaharcha (Povulgʻon, Polosoy, Laylakxona, Yangiqoʻrgʻon, Joʻra va Kitkon) ariqlariga boʻlingan. Oltiariq nomi shundan kelib chiqqan va keyinroq shaharcha va tuman nomiga oʻtgan. Xonlik davrida (18— XIX asrlar) Oltiariq Margʻilon viloyati Oltiariq bekligining markazi boʻlgan.

Oltiariqning Bugʻdoychi mahallasida oʻtmishda xonlarning Kichik Oʻrda deb nomlangan yozgi qarorgohi joylashgan (hozirgi Oʻrdaning paxsa devori krldiklari saqlangan).

Shaharchada tuman hokimiyati binosi, maʼmuriy idoralar, 50 dan ziyod sanoat, transport, aloqa, qurilish korxonalari va boshqa muassasalar bor. „Paxta-bank“, „Asakabank“, Xalq banki, dehqon bozori, 3 ta umumiy taʼlim maktabi, madaniyat saroyi, 3 ta jamoat kutubxonasi, tuman tarixi muzeyi, tennis korti, markaziy kasalxona, savdo, madaniy va maishiy xizmat koʻrsatish shoxobchalari faoliyat koʻrsatadi. „Motamsaro ona“ haykali oʻrnatilgan markaziy xiyobon, Mustaqillik maydoni mavjud.

Manbalar

Hamza shaharchasi