Olta Boka
Olta Boka | |
|---|---|
 | |
| Tavalludi |
1991-yil 13-sentyabr |
| Kasbi | Qoʻshiqchi |
| Faoliyat yillari | 2001–hozirgacha |
Olta Boka (1991-yil 13-sentyabrda tugʻilgan)[1] — albaniyalik xonanda. U „Festivali i Këngës 46“ tanlovida gʻolib chiqqach, „Zemrën e lamë peng“ qoʻshigʻi bilan Albaniya nomidan „Eurovision–2008“ qoʻshiq tanlovida ishtirok etgan[2].
Karyerasi
Olta Boka Albaniyaning Tirana shahrida tugʻilgan. U yoshligidan qoʻshiq kuylash bilan shugʻullana boshlagan. Olta „Gjeniu i vogël“ isteʼdodlar tanlovida ishtirok etib, eng yaxshi ijrochi mukofotini qoʻlga kiritgan. Shuningdek, u „Ethet e së premtes mbrëma“ („Idol“ning albanchadagi talqini) koʻrsatuvida ham qatnashgan[3].
Olta Boka 2007-yilda „Festivali i Këngës“ tanlovida gʻolib chiqqach, keng shuhrat qozongan. Ushbu gʻalaba unga keyingi yili Albaniya nomidan „Eurovision“ qoʻshiq tanlovida ishtirok etish huquqini bergan[4]. Olta 22-may kuni oʻtkazilgan ikkinchi yarim finalda qatnashib, 24-maydagi final bosqichiga yoʻllanma olgan. Finalda esa 25 ishtirokchi orasida 55 ball bilan 17-oʻrinni egallagan. U „Eurovision“ qoʻshiq tanlovida Albaniya nomidan ishtirok etgan eng yosh xonanda hisoblanadi[5].
Olta Boka nufuzli „Kënga Magjike“ musiqiy tanlovida bir necha mukofotlarga sazovor boʻlgan[6]. Shuningdek, u „Top Fest 11“ tanlovida „Top Albania Radio mukofoti“ni qoʻlga kiritgan[7]. 2013-yilda Boka „Notre Dame de Paris“ myuziklining albanchadagi talqinida Esmeralda rolini ijro etgan. Bir yil oʻtib, u „Dance With Me“ raqs tanlovida ishtirok etib, aktyor Devis Muka bilan birgalikda toʻrtta mukofotni qoʻlga kiritgan[8][9][10].
Diskografiyasi
- 2001: Të dy prindërit i dua
- 2007: Zemrën e lamë peng
- 2009: S’duhet të dua
- 2009: Jepu me zemër
- 2010: Mbete një brengë
- 2011: Anna
- 2013: E fundit tango
- 2014: Ti më ke mua (ft. Erik Lloshi)
- 2014: Parfumi i tij
- 2016: Rri edhe pak
- 2017: Atij/asaj (ft. Stiv Boka)
Mukofotlar
| Yil | Nomzod / ish | Mukofot | Natija |
|---|---|---|---|
| 2009 | "Jepu me zemër" | AMC Prize | Gʻolib boʻlgan |
| 2010 | "Mbete një brengë" | Best Ballad | Gʻolib boʻlgan |
| 2011 | "Anna" | AMC Prize | Gʻolib boʻlgan |
| 2013 | "E fundit tango" | Best Performance | Gʻolib boʻlgan |
| Yil | Nomzod / ish | Mukofot | Natija |
|---|---|---|---|
| 2014 | "Ti më ke mua" (ft. Erik Lloshi) | Top Albania Radio Award | Gʻolib boʻlgan |
Manbalar
- ↑ „Olta Boka Biography“ (sq). Qaraldi: 2018-yil 27-mart.
- ↑ „Olta Boka to represent Albania in Eurovision“. Qaraldi: 2018-yil 27-mart.
- ↑ „Si kanë ndryshuar këngëtaret e Etheve“ (sq). 2018-yil 28-martda asl nusxadan arxivlangan. Qaraldi: 2018-yil 27-mart.
- ↑ „Olta Boka (Albania) message“. Qaraldi: 2018-yil 27-mart.
- ↑ „Olta Boka“ (en). eurovision.tv. 2023-yil 26-martda asl nusxadan arxivlangan. Qaraldi: 2023-yil 21-avgust.
- ↑ „Lista e fituesve të Top Fest 11“ (sq). Qaraldi: 2018-yil 27-mart.
- ↑ „Notre Dame de Paris“ (2013-yil 9-noyabr). 2018-yil 28-martda asl nusxadan arxivlangan. Qaraldi: 2018-yil 27-mart.
- ↑ „Çiftet e Dance With Me“ (sq) (2014-yil 20-sentyabr). Qaraldi: 2018-yil 27-mart.
- ↑ „Eurovision's Olta Boka take to the stage in Dance With Me“ (2014-yil 8-oktyabr). Qaraldi: 2018-yil 27-mart.
- ↑ „Çmimi Albtelecom u fitua nga Olta dhe Devisi“ (sq). Qaraldi: 2018-yil 27-mart.
Havolalar
- Olta Boka zbulon problemin shëndetësor nga i cili vuan (Albanchada). 2023-yil 31-avgust