Olmazor

Olmazor (1963-yilgacha — Vrevskiy) — Oʻzbekiston Respublikasi Toshkent viloyati Chinoz tumanidagi shaharcha (1937-yildan). Chirchiqdaryosining oʻng sohilida. Toshkentdan 50 km janubi-gʻarbda joylashgan. Toshkent — Sirdaryo temir yoʻldagi stansiya. Aholisi 9,1 ming kishidan ziyod (2003). Olmazorda 13 ta tashkilot va korxona bor, shulardan, qurilish materiallari kombinati, gʻisht zavodi, mebel fabrikasi va boshqa faoliyat koʻrsatadi. 2 ta umumiy taʼlim maktabi, 2 ta kutubxona, klub, kasalxona, 3 ta dorixona, savdo, madaniy va maishiy xizmat koʻrsatish shoxobchalari mavjud.