Kontent qismiga oʻtish

Olivia Benson (mushuk)

ZiyoSfera, erkin ensiklopediya

Olivia Benson – amerikalik qoʻshiqchi Taylor Swiftning Scottish Fold zotli mushugi. U 2014-yilning iyun oyida asrab olingan va Law & Order serialidagi qahramon sharafiga Olivia deb laqab qoʻyilgan. Shundan soʻng Olivia Swiftning „Blank Space“ (2014), „Me!“ (2019) va „Karma“ (2023) kliplarida, shuningdek Miss Americana (2020) hujjatli filmida suratga tushgan.

Olivia Keds, Diet Coke, AT&T va DirecTV brendlarining reklama roliklarida ishtirok etgan hamda Taylor Swiftning shaxsiy media-studiyasi — Taylor Swift Productions logotipi hisoblanadi. Swiftning Instagram sahifalarida tez-tez koʻrinib turishi Olivianing omma orasida Scottish Fold zotiga qiziqishni oshirishga hissa qoʻshdi. Comparethemarket.com 2018-yilda Olivianing boyligini 97 million AQSH dollari deb baholab, uni dunyodagi eng boy mushuklar roʻyxatida marhum Grumpy Catdan keyin ikkinchi oʻringa qoʻydi. Deadpool 2 (2018) va Argylle (2024) kabi filmlarda ham Oliviaga ishoralar uchraydi.

Bolaligi

Taylor Swift 2014-yil iyun oyida Olivia Bensonni hali mitti mushukcha paytida sotib olgan[1]. U barcha Scottish Fold zotli mushuklarga xos boʻlgan osteoxondrodisplaziya – boʻgʻimlarning degenerativ kasalligi bilan tugʻilgan[2][3]. Oliviaga, xuddi Swiftning boshqa ikki mushugi singari, badiiy obraz sharafiga laqab berilgan. Uning ismi Law & Order: Special Victims Unit kriminal serialining bosh qahramoni — Mariska Hargitay ijro etgan Olivia Bensondan olingan[1] . Swiftning eng katta mushugi Meredith Grey ham Scottish Fold boʻlib[4][5], Grey’s Anatomy seriali qahramoni nomi bilan atalgan. Eng kichik mushugi esa Benjamin Button – Ragdoll zotli boʻlib, The Curious Case of Benjamin Button asari bosh qahramoni nomini olgan[6]. 2014-yil sentyabrida Swift Rolling Stone jurnaliga bergan intervyusida Meredith va Olivia laqablariga „kuchli, murakkab va mustaqil ayollar“ obrazlari ilhom boʻlganini aytgan. 2014-yil sentabr oyida Swift Oliviani New York koʻchalarida qoʻlida koʻtarib yurgani aks etgan suratlari tarqalgan. Qoʻshiqchi buni Olivianing mushuk tashish sumkasida yurishga koʻnika olmagani bilan izohlagan[7].

Karyerasi

2014-yil oktyabr oyida Keds kompaniyasi „Sneaky Cat“ nomli poyabzallari uchun Olivia ishtirokida reklama kampaniyasini taqdim etdi. Unda poyabzalning orqa qismiga Swiftning tugʻilgan sanasi tushirilgan boʻlib, kampaniya 1989 albomini targʻib qilishga qaratilgan edi[8]. Oʻsha oyning oʻzida Olivia Diet Coke reklamasida ham paydo boʻldi. Unda Taylor Swift har safar Diet Coke ichganida, yonida yanada koʻproq mushukchalar paydo boʻlib borardi.

2014-yil noyabr oyida Olivia ilk bor Taylor Swiftning „Blank Space“ musiqiy klipida chiqdi[9]. 2015-yilda Olivia Law & Order serialida Olivia Benson obrazini ijro etgan amerikalik aktrisa Mariska Hargitay bilan uchrashdi[10]. 2017-yilda Ed Sheeran Taylor Swiftning mushuklariga mos kelishi uchun oʻziga Calippo[11] laqabli Scottish Fold sotib oldi[12][13]. Swift va Sheeran mushuklarining suratlarini Instagramda tez-tez joylashtirgani bu zotga boʻlgan qiziqishni oshirib yubordi. Buning ortidan Britaniya Veterinariya Assotsiatsiyasi bu zotni koʻpaytirishni taqiqlashga chaqirdi, Veterinary Record jurnali esa Scottish Fold zotining reklamalarda ishlatilishini qayta koʻrib chiqishni taklif qildi[14]. Oʻsha yil davomida Olivia AT&T reklamasining sahna orti lavhasida, keyingi yili esa DirecTV reklamasi roligida paydo boʻldi. Unda Taylor Swift Olivianing ulkan „caticorn“ (mushuk + yakka shoxli ot) koʻrinishidagi obrazini minib tasvirlangan edi[15].

2018-yilda Comparethemarket.com Eng boy uy hayvonlari roʻyxatini eʼlon qildi va unda Olivianing boyligi 97 000 000 AQSH dollari deya baholandi. Bu uni dunyodagi eng boy mushuklar orasida ikkinchi oʻringa olib chiqdi. Birinchi oʻrinni esa Grumpy Cat egallagan edi[16]. 2019-yil aprel oyida Olivia Taylor Swiftning „Me!“ musiqiy klipida Meredithm va keyinchalik Swift tomonidan asrab olingan Benjamin bilan birga suratga tushdi[17][18]. Mushuklar, shuningdek, Swiftning 2020-yilda chiqqan avtobiografik hujjatli filmi Miss Americanada ham koʻrinish bergan[19][20]. 2023-yil may oyida esa uxlab yotgan Olivia Swiftning „Karma“ musiqiy klipida ham namoyon boʻldi[21].

Manbalar

  1. ↑ 1,0 1,1 „Taylor Swift's cat, Meredith, owes her $40 million“ (en-GB). Glamour UK (2015-yil 16-mart). 2023-yil 15-iyulda asl nusxadan arxivlangan. Qaraldi: 2023-yil 15-iyul.
  2. ↑ „John Cleese: 'Taylor Swift's cat is the weirdest thing I've ever seen'“ (en). Independent.ie (2014-yil 12-oktyabr). 2023-yil 15-iyulda asl nusxadan arxivlangan. Qaraldi: 2023-yil 15-iyul.
  3. ↑ Suzuki, H.; Fukaya, S.; Saito, K.; Suzuki, K. (June 2000). "A locus responsible for osteochondrodysplasia (ocd) is located on rat chromosome 11". Mammalian Genome 11 (6): 464–465. doi:10.1007/s003350010088. ISSN 0938-8990. PMID 10818212. 
  4. ↑ „Scottish Fold Disease - International Cat Care“. Scottish Fold disease – osteochondrodysplasia. International Cat Care. 2024-yil 15-fevralda asl nusxadan arxivlangan. Qaraldi: 2023-yil 12-dekabr.
  5. ↑ Addley, Esther. „Taylor Swift's cats have condition that causes constant pain, say experts“ (2024-yil 24-may). 2024-yil 8-iyunda asl nusxadan arxivlangan. Qaraldi: 2024-yil 8-iyun.
  6. ↑ „Taylor Swift's Cats: All About Meredith Grey, Olivia Benson and Benjamin Button“ (en). Peoplemag. 2023-yil 15-iyulda asl nusxadan arxivlangan. Qaraldi: 2023-yil 15-iyul.
  7. ↑ „Taylor Swift Explains Why She Carries Cat Olivia Benson Around New York City!“. E! Online (2014-yil 26-sentyabr). 2023-yil 15-iyulda asl nusxadan arxivlangan. Qaraldi: 2023-yil 15-iyul.
  8. ↑ „Taylor Swift's Cat, Olivia Benson, is a Shoe Model“. Vanity Fair (ingliz (Amerika)). 2014-10-02. May 31, 2023da asl nusxadan arxivlandi. Qaraldi: 2023-07-15.
  9. ↑ „The BEST Moments From Taylor's 'Blank Space' Video“ (en). BigTop40. 2023-yil 15-iyulda asl nusxadan arxivlangan. Qaraldi: 2023-yil 15-iyul.
  10. ↑ „Swift's cat Olivia Benson meets her namesake“ (en-GB). Digital Spy (2015-yil 14-iyun). 2023-yil 15-iyulda asl nusxadan arxivlangan. Qaraldi: 2023-yil 15-iyul.
  11. ↑ „Breeders of designer pets such as Ed Sheeran's Scottish fold cat could face prosecution“ (en). East Anglian Daily Times (2017-yil 23-oktyabr). 2023-yil 24-avgustda asl nusxadan arxivlangan. Qaraldi: 2023-yil 15-iyul.
  12. ↑ „Ed Sheeran: I will always stick up for my friend Taylor Swift“ (en). Halesowen News (2017-yil 7-mart). 2023-yil 15-iyulda asl nusxadan arxivlangan. Qaraldi: 2023-yil 15-iyul.
  13. ↑ „Ed Sheeran Is Taking A Page From Taylor Swift's Cat-Crazy Playbook“ (en). MTV. 2023-yil 15-iyulda asl nusxadan arxivlangan. Qaraldi: 2023-yil 15-iyul.
  14. ↑ „Should Scottish fold cats be banned?“ (en-GB). BBC News (2017-yil 26-aprel). 2023-yil 15-iyulda asl nusxadan arxivlangan. Qaraldi: 2023-yil 15-iyul.
  15. ↑ „Taylor Swift Goes on a 'Caticorn' Adventure Days Before Kicking Off Reputation Stadium Tour“ (en). Peoplemag. 2023-yil 15-iyulda asl nusxadan arxivlangan. Qaraldi: 2023-yil 15-iyul.
  16. ↑ „Pet Rich List 2018 reveals the wealthiest pets in the world“ (en-GB). Country Living (2018-yil 12-avgust). 2023-yil 15-iyulda asl nusxadan arxivlangan. Qaraldi: 2023-yil 15-iyul.
  17. ↑ „TayTay's cats made a guest appearance in the new music video for ME!“ (en). Heart (2019-yil 26-aprel). 2023-yil 15-iyulda asl nusxadan arxivlangan. Qaraldi: 2023-yil 15-iyul.
  18. ↑ Kiefer, Halle „The True Star of Taylor Swift's 'ME!' Video? Benjamin Button.“ (en-us). Vulture (2019-yil 26-aprel). 2023-yil 15-iyulda asl nusxadan arxivlangan. Qaraldi: 2023-yil 15-iyul.
  19. ↑ Stern, Marlow (2024-01-16). „'Argylle' Director Shoots Down Taylor Swift Conspiracy Theory“. Rolling Stone (ingliz (Amerika)). January 24, 2024da asl nusxadan arxivlandi. Qaraldi: 2024-01-16.
  20. ↑ „No, Taylor Swift Is Not Secretly Behind Upcoming Spy Movie Argylle“. Vanity Fair (ingliz (Amerika)). 2023-10-24. February 26, 2024da asl nusxadan arxivlandi. Qaraldi: 2024-01-16.
  21. ↑ „The hidden meaning behind Taylor Swift's 'Karma' music video“ (en). Capital. 2023-yil 15-iyulda asl nusxadan arxivlangan. Qaraldi: 2023-yil 15-iyul. 
"https://ziyosfera.uz/index.php?title=Olivia_Benson_(mushuk)&oldid=676790" dan olindi