Olimpiya (stadion, Samarqand)
|
Afrosiyob stadioni | |
 | |
| Manzili | Samarqand, O'zbekiston |
|---|---|
| Sigʻimi | 12,500 |
| Maydon oʻlchami | 112x72 |
| Chim turi | tabiiy chim |
| Konstruksiya | |
| Qurilgan | 1989 |
| Ochilgan | 1989 |
| Yangilangan | 2003, 2020, 2025 |
| Ijarachilar | |
| Kattaqoʻrgʻon | |
Afrosiyob arena — Oʻzbekistonning Samarqand shahridagi koʻp maqsadli stadion. 12.500 tomoshabinga moʻljallangan bu stadion Samarqanddagi 13800 tomoshabinga moʻljallangan „Dinamo“ stadionidan keyin ikkinchi oʻrinda turadi. Bu stadiondan mahalliy „Sherdor“ futbol klublari va „Dinamo“ klublari uy maydoni sifatida foydalangan. 2015-yilgacha Samarqandning yana bir klubi „Registon“ oʻz uy uchrashuvlarini shu stadionda oʻtkazgan.
Stadion 1989-yilda qurilgan va Samarqand viloyatidagi eng yirik stadionning biri. Oʻzbekistondagi zamonaviy stadionlaridan biri boʻlib, turli musoboqa, turnirlar, yoki madaniy tadbirlar oʻtkazilinuvchi joylardan biridir.
Tarixi
„Afrosiyob arena“ stadioni Samarqanddagi Respublika olimpiya zaxiralari kollejiga qarashli yirik sport majmuasining bir qismidir. Samarqandning shimoliy qismida, Ibn Sino koʻchasining gʻarbiy va shimoliy qismlarida, janub tomondan Rudakiy koʻchasida joylashgan. Stadion Sovet davrida, baʼzi maʼlumotlarga koʻra, 1989-yilda qurilgan.
Bir muddat „Registon“ va „Sherdor“ futbol klublari oʻz uyida boʻlgan uchrashuvlarini stadionda oʻtkazishgan. 2011-yilda „Dinamo“ stadioni kapital taʼmirlanayotgan vaqtida „Dinamo“ futbol klubi oʻz uyida boʻlgan uchrashuvlarini shu stadionda oʻtkazgan. Stadion olimpiya zaxiralari kollejining mahalliy jamoalarining oʻyinlariga ham mezbonlik qiladi. 2026-yilda Kattaqoʻrgʻon klubi oʻz uy uchrashuvlarini shu stadionda oʻtkazishi maʼlum qilingan[1].
Olimpiya zaxiralari kolleji oʻquvchilari futbol oʻyinlaridan tashqari stadionda mashgʻulotlar olib borishadi, shahar, viloyat, respublika miqyosida turli sport musobaqalari va tadbirlari (futbol, yengil atletika va boshqalar) oʻtkaziladi.
Tavsifi
Xalqaro oʻyinlar
2007-yil Afrosiyob stadionida London-2008 Olimpiada oʻyinlar saralash bosqchi doirasida Oʻzbekiston olimpiya terma jamoasi Suriya olimpya terma jamasini qabul qilgan[2].
Yana qarang
Manbalar
- ↑ „“Kattaqo'rg'on” uy uchrashuvlarini “Afrosiyob Arena”da o'tkazadi.“ (2026-yil 21-aprel).
- ↑ „Ретро! 13 йил аввал Самарқандда ўтган ва нурсиз дуранг билан якунига етган Ўзбекистон - Сурия ўйинини эслаймиз!“ (11 окт 2021). 2022-yil 13-avgustda asl nusxadan arxivlangan. Qaraldi: 2022-yil 11-avgust.
Havolalar
- Futbolfacts.ru sayti asosida stadion haqida maʼlumot Arxivnaya kopiya
- Stadion haqida maʼlumot wildstat.ru saytida (Wayback Machine saytida 2014-12-18 sanasida arxivlangan) Arxivnaya kopiya -da arxivlangan
- Stadion haqida maʼlumot wikimapia.org saytida