Olga Timofeyeva
| Olga Timofeyeva | |
|---|---|
ruscha: Ольга Тимофеева | |
 | |
| Sevastopol gubernatori oʻrinbosari | |
|
Mansab davri 2019-yil 30-sentyabr – 2019-yil 8-oktyabr | |
| Oʻtmishdoshi | Andrey Shishkin |
| Rossiya Federatisiyasining Sevastopoldan hokimi | |
|
Mansab davri 2014-yil 24-oktyabr – 2019-yil 14-sentyabr | |
| Oʻtmishdoshi | Yekaterina Altabayeva |
| Sevastopol Qonunchilik Assambleyasi aʼzosi | |
|
Mansab davri 2014-yil 14-sentyabr – 2014-yil 24-oktyabr | |
| Sevastopol shahrining Leninskiy tuman kengashi aʼzosi. | |
|
Mansab davri 2006 – 2010 | |
| Shaxsiy maʼlumotlari | |
| Tavalludi |
Olga Leonidovna Timofeyeva 1967-yil 28-aprel Gorky, Rossiya imperiyasi |
| Siyosiy partiyasi |
Rodina (2019-yildan beri) Yagona Rossiya (2014-2019) |
Olga Leonidovna Timofeyeva (ruscha: Ольга Леонидовна Тимофеева; 1967-yil 28-apreda tugʻilgan) – rossiyalik siyosatchi. 2019-yil 8-oktyabrdan beri Sevastopol shahrining gubernator oʻrinbosari lavozimida faoliyat yuritmoqda. 2014-yil 24-oktyabrdan 2019-yil 14-sentyabrga qadar Sevastopol Qonunchilik Assambleyasi tomonidan tayinlangan Rossiya Federatsiyasi Federal majlisining Federatsiya kengashida senator sifatida xizmat qilgan. Shuningdek, 2014-yil 14-sentyabrdan 24-oktyabrgacha Sevastopol Qonunchilik Assambleyasining aʼzosi boʻlgan.
Biografiyasi
Olga Timofeyeva 1967-yil 28-aprelda Gorky (hozirgi Nijniy Novgorod) shahrida dunyoga kelgan.
1990-yilda Sevastopol Asbobsozlik instituti (hozirgi Sevastopol Milliy Texnika universiteti)ni Maʼlumotlarni qayta ishlash va taqdim etishni avtomatlashtirish va mexanizatsiyalash mutaxassisligi boʻyicha tamomlagan. Shundan soʻng Sevastopol Milliy Texnika universitetining Axborot tizimlari kafedrasida faoliyat yuritgan[1].
2006-yildan 2010-yilgacha Sevastopol shahrining Leninskiy tumani Kengashining 5-chaqiriq deputati boʻlgan. 2013-yil 19-noyabrda Timofeyeva 69 nafar faollar qatorida Sevastopoldagi barcha darajadagi deputatlarga murojaat qilgan. Ular bu murojaatda deputatlardan Ukraina Yevropa Ittifoqiga qoʻshilish (yaʼni Yevropa integratsiyasi) bilan bogʻliq talablar borasida oʻz fikrlarini ochiqchasiga (xalq oldida) aytishni soʻragan[2].
2014-yilda Sevastopol Milliy Texnika universiteti axborot tizimlari kafedrasida katta oʻqituvchi boʻlib ishlagan.
2014-yil 23-fevral kuni Timofeyeva Sevastopoldagi Naximov maydonida boʻlib oʻtgan „Narodnaya Volya“ (Xalq irodasi) mitingida ishtirok etgan, mitingda shahar ijroiya qoʻmitasi raisligiga Aleksey Chaly saylanishini qoʻllab-quvvatlab nutq soʻzlagan. Chaly shu yerning oʻzida, miting davomida ovoz berish yoʻli bilan saylangach, Timofeyeva shahar hokimiyatining barcha vakolati endi ijroiya qoʻmitasiga oʻtganini eʼlon qilgan. Timofeyeva „Ravelin“ inson huquqlari guruhiga va Sevastopoldagi Umumrossiya xalq fronti (ONF) mintaqaviy shtabiga rahbarlik qiladi[3].
Manbalar
- ↑ „Тимофеева Ольга Леонидовна“. ForPost. 2017-yil 4-fevralda asl nusxadan arxivlangan. Qaraldi: 2017-yil 7-yanvar.
- ↑ „Севастопольцы призывают депутатов вспомнить о своих избирателях и твердо обозначить позицию города-героя по вопросу Евроинтеграции Украины“. ForPost (2013-yil 19-noyabr). 2017-yil 19-aprelda asl nusxadan arxivlangan. Qaraldi: 2017-yil 7-yanvar.
- ↑ „Сенатором от Законодательного собрания Севастополя избрана педагог Ольга Тимофеева“. КрымИнформ (2014-yil 21-oktyabr). 2015-yil 7-iyulda asl nusxadan arxivlangan. Qaraldi: 2017-yil 7-yanvar.