Oleksandr Ponomaryov

Oleksandr Ponomaryov
Oleksandr Ponomaryov
Tavalludi	1973-yil 9-avgust (53 yosh); Xmelnitskiy, Ukraina SSR, SSSR
Janrlar	pop
Kasbi	estrada xonandasi, bastakor, aktyor, prodyuser, qoʻshiqnavis
Faoliyat yillari	1992—hozirgacha
Fuqaroligi	Ukraina
Veb-sayt	ponomaryov.com

Oleksandr Valeriyevich Ponomaryov (ukraincha: Олександр Валерійович Пономарьов; 1973-yil 9-avgust, Xmelnitskiy, Ukraina SSR, SSSR) – ukrainalik estrada xonandasi, bastakor, aktyor, prodyuser, qoʻshiqnavis. Ukraina xalq artisti (2006)^[1].

2003-yilda xonanda „Hasta la vista“ qoʻshigʻi bilan Eurovison xalqaro teletanlovida Ukraina nomidan qatnashgan birinchi birinchi qoʻshiqichi boʻlib, unda 14-oʻrinni egallagan.

Hayoti

Oleksandrning otasi Valeriy Ponomaryov Xmelnitskiydan, onasi Lyubov Anatolyevna Ponomaryova esa Donetskdan^[2].

6 yoshida professional boks bilan shugʻullana boshlagan.

Keyinchalik Oleksandr musiqiy isteʼdodni namoyon etadi, lekin oilada qoʻshiqchini musiqa maktabiga berishaga pul yoʻq boʻlgan va sakkizinchi sinfni tugatganida birinchi fortepianoni sotib olib berishgan. Shuning uchun uning birinchi musiqiy asbobi gitara boʻlgan boʻlib, uni chalib, qoʻshiq kuylagan. 12 yoshida „Svyataya Anna“ qoʻshigʻini yozgan.

Boks uchrashuvlaridan birida boshiga zarba olgan. Jarohat tufayli koʻrishida muammolar paydo boʻla boshlagan va shifokorlar maslahati bilan boksni tark etgan.

Sakkizinchi sinfdan soʻng Xmelnitskiy nomidagi musiqa bilim yurtining dirijyorlik va xor boʻlimiga oʻqishga kirgan.

Bilim yurtini tugatgach, Lvov konservatoriyasining vokal fakultetiga oʻqishga kirgan.

Faoliyati

1993-yilda Donetskda boʻlib oʻtgan „Chervona Ruta“ yosh ijrochilarning Butun Ukraina tanlovida debyut qilib, u yerda birinchi oʻrinni egallagan.

1995-yilda Chernovtsi shahrida boʻlib oʻtgan Volodimir Ivasyuk nomidagi zamonaviy ukrain qoʻshiqlari yosh ijrochilarining xalqaro tanlovida Gran-priga sazovor boʻlgan.

1997-yil 23-dekabrda Oleksandr Ponomaryovga Ukrainada xizmat koʻrsatgan artist unvoni berilgan^[3].

1998-yilda ovoz yozish, aranjirovka va dublyajga ixtisoslashgan „Z ranku do nochi“ prodyuserlik markaziga asos solgan.

2003-yil 24-mayda Latviyada Eurovision qoʻshiq tanlovi boʻlib oʻtgan, u yerda Ukraina nomidan qatnashgan Oleksandr Ponomaryov „Hasta la vista“ qoʻshigʻi bilan chiqish qilgan. Natijada tanlovda 14-oʻrinni egallagan. Oʻsha yili Villen Novakning „Osobiste jittya“ toʻrt qismli filmida debyut qilgan, unda qoʻshiqchi Vladislav Xmelnitskiy rolini oʻynagan.

2006-yil 18-avgustda Ponomaryovga Ukraina xalq artisti unvoni berilgan.

2007-yilda „Yulduzlar bilan raqs“ televizion loyihasida ishtirok etgan.

2011-yil may oyida Ukrainaning „1+1“ kanalining „Golos strani“ musiqiy shou loyihasida murabbiy sifatida ishtirok etgan. Tanlov 11-sentyabr kuni Ivan Ganzeraning gʻalabasi bilan yakunlangan. Ponomaryovning shogirdi Vladislav Sitnik finalda 3-oʻrinni egallagan.

„Golos Strani. Novaya istoriya“ telekoʻrsatuvining ikkinchi fasli 2012-yil 8-yanvarda chiqqan. Unda Ponomaryov shogirdi Mariya Yaremchuk finalda 4-oʻrinni egallagan.

2012-yil yanvar oyida 1+1 kanalida „Zvezdi v Opere“ shousi boshlanadi, unda Ponomaryov Irina Kulik bilan juftlikda ishtirok etgan. Tomoshabinlar ovozi va hakamlar hay’ati baholariga koʻra ular birinchi oʻrinni egallashgan.

2015-yilda „Ukraina“ milliy sanʼat saroyida Oleksandr Ponomaryovning „Ya lyublyu tebe“ yubiley kontserti boʻlib oʻtgan^[4].

2018-yilda Ponomaryov „Naykrasha“ videosini chiqargan, raqs singli esa 2017-yil dekabr oyida taqdim etilgan. Oʻsha yili Aleksandr „M1 Music Awards“ marosimida taklif etilgan taniqli mehmon sifatida ishtirok etgan. 2018-yil yanvar oyida xonanda „Zima“ nomli yangi trekini chiqargan.

2021-yilda Ukraina telekanalidagi „Maska“ musiqiy loyihasida ishtirok etgan. 2021-yil 1-martda Alekseev, Dzidzio va Artem Pivovarov bilan kvartetda „Chomu“ qoʻshigʻini chiqargan.

Jamoatchilik faoliyati

1999-yilda ikkinchi muddatga nomzod boʻlgan Ukraina prezidenti Leonid Kuchmaning saylovoldi kampaniyasida ishtirok etgan va uni qoʻllab-quvvatlagan konsertlarda qatnashgan.

2004-yilgi „Zargʻaldoq inqilobi“ning faol ishtirokchisi boʻlgan va Maydanda Ukraina madhiyasini ijro etgan.

2010-yilgi prezidentlik saylovlarida Yuliya Timoshenkoni qoʻllab-quvvatlagan^[5].

2022-yil fevral oyida Rossiyaning Ukrainaga bostirib kirishini qoralab, faol xayriya konsertlari bera boshlagan^[6].

Shaxsiy hayoti

10 yil davomida ukrainalik bastakor va qoʻshiqchi Nikolay Mozgovoyning qizi Alyona bilan fuqarolik nikohida boʻlgan, ularning Yevgeniya (1998-yilda tugʻilgan) ismli qizi bor.

2006-yilda Viktoriya Martinyukka uylangan, ularning oʻgʻli Oleksandr Belous (keyinchalik oʻgʻli familiyasini onasining familiyasiga oʻzgartirgan) imsli oʻgʻli bor. Er-xotin 2011-yilda ajrashishgan.

Ishlari

Diskografiyasi

1996 – Z ranku do nochі
1997 – Persha і ostannya lyubov
2000 – Vona
2001 – Vіn
2004 – Krashe
2006 – Ya lyublyu tіlki tebe
2007 – Zolotі xіti
2007 – Nіchenkoyu
2016 – Naykrashe

Ponomarevning birinchi toʻrtta albomi 2006-yilda qayta chiqarilgan.

Videografiyasi

Zіronka (1996)
Serdenko (1997)
Nіjnimi vustami (1998)
Ti moya (1999)
Chomus tak gіrko plakala vona (2000)
Ti moya (Natalya Mogilevskaya bilan duet, 2000)
Vіn chekaє na neї (2001)
Minaye den (2001)
Krila (2001)
Vogon (2001)
Choven (2002)
Hasta La Vista, Baby (2003)
Baby Ticket (2004)
Serse (2004)
Varto chi nі? (2005)
100 Kisses (Ani Lorak bilan duet, 2005)
Ti dochekaysya mene (2006)
Nіchenkoyu temnoyu (2007)
Ya tvіy Dіd Moroz (2007)
Lyubov-vіyna (2008)
Lyubish ti mene? (2008)
Nіkoli (2009)
Do You Want It? (2010)
Ya vdoma, mamo (2010)
Ya znaydu tebe, koxana (2011)
Mamma, I Fell In Love (2012)
Poloneniy (2017)
Naykrasha (2018)
Neymovіrna (2018)
Ofіseri (Zіrki v armії, 2018)
Zima (2018)

Filmografiyasi

2001 – Vechera na xutore bliz Dikanki (myuzikl)
2016 – Konkursant. Smertonosnoe shou
2017 – SOTKA

Mukofotlari

1997 – Ukrainada xizmat koʻrsatgan artist
2006 – Ukraina xalq artisit
2011 – Yigirma yillikning eng yaxshi ijrochisi (YUNA milliy musiqa mukofoti)
2017 – Musiqiy platforma mukofoti
2022 – 3-darajali „Xizmatlari uchun“ ordeni^[7]

Manbalar

↑ Указ Президента Украины № 694/2006 «О награждении государственными наградами Украины работников предприятий, учреждений и организаций по случаю Дня независимости Украины» (Wayback Machine saytida 2015-02-18 sanasida arxivlangan)
↑ „Александр Пономарёв // www.UMKA.com.ua“. 2011-yil 24-avgustda asl nusxadan arxivlangan. Qaraldi: 2011-yil 3-iyul.
↑ Нагороджений Указом Президента України від 23 грудня 1997 року № 1378
↑ В Киеве состоялся юбилейный концерт Александра Пономарева
↑ „На Майдане всплыло: «с Украиною в сердце»“. // УНИАН. 2009-yil 27-oktyabrda asl nusxadan arxivlangan. Qaraldi: 2009-yil 24-oktyabr.
↑ Где сейчас Александр Пономарёв // 24 канал
↑ Ukaz Prezidenta Ukraїni № 593/2022 vіd 23 serpnya 2022 roku „Pro vіdznachennya derjavnimi nagorodami Ukraїni z nagodi Dnya Nezalejnostі Ukraїni“ Wayback Machinedagi asl nusxadan arxivlangan arxiv nusxasi.

[1] Указ Президента Украины № 694/2006 «О награждении государственными наградами Украины работников предприятий, учреждений и организаций по случаю Дня независимости Украины» (Wayback Machine saytida 2015-02-18 sanasida arxivlangan)

[2] „Александр Пономарёв // www.UMKA.com.ua“. 2011-yil 24-avgustda asl nusxadan arxivlangan. Qaraldi: 2011-yil 3-iyul.

[3] Нагороджений Указом Президента України від 23 грудня 1997 року № 1378

[4] В Киеве состоялся юбилейный концерт Александра Пономарева

[5] „На Майдане всплыло: «с Украиною в сердце»“. // УНИАН. 2009-yil 27-oktyabrda asl nusxadan arxivlangan. Qaraldi: 2009-yil 24-oktyabr.

[6] Где сейчас Александр Пономарёв // 24 канал

[7] Ukaz Prezidenta Ukraїni № 593/2022 vіd 23 serpnya 2022 roku „Pro vіdznachennya derjavnimi nagorodami Ukraїni z nagodi Dnya Nezalejnostі Ukraїni“ Wayback Machinedagi asl nusxadan arxivlangan arxiv nusxasi.

[1]

[2]

[3]

[4]

[5]

[6]

[7]