Kontent qismiga oʻtish

Old Spice

ZiyoSfera, erkin ensiklopediya
Old Spice
Mahsulot turi Erkaklar uchun parvarish mahsulotlari
Egasi Procter & Gamble
Mamlakat Amerika Qoʻshma Shtatlari
Ishlab chiqariladi 1937-yil 19-iyun; 88 yil oldin
(Early American Old Spice sifatida)
Bozorlar Jahon boʻylab
Avvalgi egalari Shulton Company
Veb-sayt oldspice.com

Old Spice – erkaklar uchun moʻljallangan gigiyena va parvarish mahsulotlarini, jumladan soqol olgandan soʻng ishlatiladigan gel, dezodorant va antiperspirantlar, shampunlar, dush uchun gel, soqol olish kremlari va sovunlarni taklif qiluvchi Amerika brendi. Uni Procter & Gamble kompaniyasi ishlab chiqaradi.

Old Spice dastlab Early American Old Spice nomi bilan William Lightfoot Schultzning sovun va gigiyena vositalari ishlab chiqaruvchi kompaniyasi Shulton Inc. tomonidan 1937-yilda ishga tushirilgan. Brend avval ayollar uchun moʻljallangan boʻlib, erkaklar uchun mahsulot esa 1937-yil oxirida, Rojdestvo oldidan taqdim etilgan[1].

Tarixi

1944-yilda turli xil Old Spice mahsulotlari reklamasi

Old Spice mahsulotlari dastlab William Lightfoot Schultz tomonidan 1937-yilda asos solingan Shulton Company tomonidan ishlab chiqarilgan[2]. Los-Anjelesdagi Bullock's doʻkonining xarid boʻlimi rahbari Schultzni oʻsha paytda mashhur boʻlib borayotgan kolonial Amerika uslubidagi mebel trendi haqida xabardor qilgan. Bu ommaboplik yaqinda ochilgan Colonial Williamsburg muzey kompleksi taʼsirida yuzaga kelgan edi. Schultz shundan kelib chiqib, Early Amerikana mavzusidagi kosmetika liniyasi ham xaridorlarga maʼqul boʻlishi mumkin deb oʻylagan[3]. Nyu-Yorkdagi Metropolitan Museum of Art kolleksiyasidagi ilk Amerika davri buyumlari Old Spice uchun qadoqlash dizaynida ilhom manbai boʻlgan. Hid yaratishda esa Schultz oʻz onasining potpourri (quritilgan gul aralashmasi) hididan ilhomlangan. Natijada 1937-yilda ishlab chiqarilgan birinchi Old Spice mahsuloti ayollar uchun moʻljallangan Early American Old Spice boʻlgan. Mahsulot yaxshi qabul qilingani sababli, 1938-yilda Old Spice for men chiqdi[4].

Erkaklar uchun moʻljallangan mahsulotlar tarkibiga soqol olish sovuni va soqol olgandan keyin surtiladigan suyuqlik kirgan va ular dengizchilik mavzusi asosida reklama qilingan. Brend qadoqlarida ayniqsa yelkanli kemalar tasviri ishlatilgan. Qadoqlarda tasvirlangan ilk kemalar Grand Turk va Friendship boʻlgan. Keyinchalik quyidagi kemalar ham Old Spice qadoqlarida ishlatilgan: John Wesley, Salem, Birmingham, Maria Teresa, Propontis, Recovery, Sooloo, Star of the West, Constitution, Java, United States va Hamilton.

1970-yillarga kelib Old Spice soqol olish brendidan koʻproq atir brendiga aylana boshladi va Old Spice Burley kabi oʻziga xos hidlarni taqdim etdi[5].

1990-yil iyun oyida Procter & Gamble Shulton Company’dan Old Spicening atirlar, teri parvarishi hamda antiperspirant va dezodorant brendlarini sotib oldi[6]. Shundan soʻng qadoqlardagi yelkanli kema tasviri yelkanli qayiq bilan almashtirildi. Eau de toilette va soqol olgandan keyin surtiladigan suyuqlikning shisha idishlari esa plastik tugmachali qopqoq bilan jihozlandi. Idishlarning rangi 1992-yilda och kulrangdan oq rangga oʻzgardi.

2000-yillar davomida Procter & Gamble Old Spice nomi ostida turli hidlardagi koʻplab dezodorant, tanani yuvish geli, tana uchun sprey kabi mahsulotlarni taqdim etdi.

2008-yil boshida asl Old Spice hidi soqol olgandan keyin surtiladigan suyuqlik va odekolon versiyalarida „Classic Scent“ nomi bilan qayta qadoqlanib sotuvga chiqarildi. Oq shisha idishlar oʻrniga plastik idishlar, kulrang qopqoqlar oʻrniga esa qizil qopqoqlar qoʻyildi. Old Spice Classic dush geli „The original. If your grandfather hadnʼt worn it, you wouldnʼt exist.“ („Asl mahsulot. Agar bobongiz buni ishlatmaganida, siz mavjud boʻlmas edingiz.“) shiori ostida sotilgan.

2016-yil yanvar oyida Procter & Gamble Old Spice Classic After Shavening hidini oʻzgartirdi.

Yana qarang

Manbalar

  1. ↑ „How Old Spice Has Always Remained New ~ Fragrance Reviews ~ Fragrantica“. Qaraldi: 2016-yil 2-avgust.
  2. ↑ „How Your Favorite Brands Reinvented Themselves and Made Big Money“ (en). GOBankingRates (2021-yil 27-aprel). Qaraldi: 2021-yil 13-avgust.
  3. ↑ „Shulton“ (en). Cosmetics and Skin. Qaraldi: 2020-yil 3-dekabr.
  4. ↑ Studios, Fastco „The Brand Your Brand Could Be Like: How Old Spice Went Viral“ (en-US). Fast Company (2014-yil 18-dekabr). Qaraldi: 2016-yil 9-sentyabr.
  5. ↑ Hirschman, Elizabeth C.. Branding Masculinity: Tracing the Cultural Foundations of Brand Meaning (en). Routledge, 2016-01-22. ISBN 9781317386056. 
  6. ↑ „P&G buys Old Spice, Santa Fe lines for $300 million“ (en). UPI. Qaraldi: 2019-yil 27-avgust.

Havolalar

Vikiomborda „Old Spice“ mavzusi boʻyicha mediafayllar bor. 
"https://ziyosfera.uz/index.php?title=Old_Spice&oldid=675800" dan olindi