Oksiprolin

Oksiprolin (gidroksiprolin, 4-gidroksipirolidin −2-karbon kislota) — aminokislota, rangsiz kristall modda. Molyar massasi 131,13. 4 ta optik faol stereoizomerlari mavjud. L-O.ning suyuqlanish temperaturasi 274°. Suvda, etanolda oz eriydi. Biriktiruvchi toʻqimalardagi oqsillar — kollagen (13% gacha), shuningdek, elastin tarkibiga kiradi. L-O — almashtirib boʻlmaydigan aminokislota, biosintez jarayonida peptid zanjirga qoʻshilmaydi, prolin krldiklarining fermentativ gidroksillanishida hosil boʻladi. Oksiprolinning organizmdagi metabolizm mahsulotlari — pirrol −2-karbon va glutamin kislotalar. Kollagen va boshqa oqsillarning gidrolizatorlaridan olinadi. Oksiprolinni ilk bor 1902-yilda nemis olimi E. Fisher jelatindan ajratib olgan.