Oksana Selexmeteva
| Oksana Selexmeteva | |
|---|---|
_(52143032722).jpg) Selexmeteva 2022-yilgi Fransiya Ochiq chempionatida | |
| Toʻliq ismi | Oksana Olegovna Selexmeteva |
| Mamlakat |
 Rossiya |
| Tugʻilishi |
2003-yil 13-yanvar Kamenka, Penza viloyati, Rossiya |
| Boʻyi | 1,72 sm |
| Professionallik | 2018-yil 29-oktyabr |
| Ishlatadigan qoʻli | Chapaqay |
| Olgan jami pul mukofot(lar)i miqdori | $1 040 970 |
| Yakkalik bahslar | |
| Jami titullari | 3 WTA chaqiruv turniri, 3 ITF |
| Eng yuqori pozitsiyasi | 74-oʻrin (2026-yil 16-fevral) |
| Joriy pozitsiyasi | 76-oʻrin (2026-yil 23-fevral) |
| „Katta dubulgʻa“ turniri yakkalik bahslari natijalari | |
| Australian Open | 3-bosqich (2026) |
| French Open | 1-bosqich (2022, 2025) |
| Wimbledon | 2-saralash bosqichi (2024, 2025) |
| US Open | 1-bosqich (2025) |
| Juftlik bahslari | |
| Jami titullari | 1 WTA 125, 8 ITF |
| Eng yuqori pozitsiyasi | 150-oʻrin (2022-yil 11-iyul) |
| Soʻnggi marta yangilandi: 2026-yil 23-fevral. | |
Oksana Olegovna Selexmeteva (ruscha: Окса́на Оле́говна Селехме́тьева; 2003-yil 13-yanvarda tugʻilgan) — rossiyalik tennischi. 2026-yil 16-fevralda WTA reytingida yakkalik bahslarida faoliyatidagi eng yuqori 74-oʻringa koʻtarilgan, juftlik bahslarida esa 2022-yil 11-iyulda 150-oʻringa chiqqan.
Selexmeteva juftlik bahslarida ikki marotaba oʻsmirlar oʻrtasida „Katta dubulgʻa“ turnirlari chempioni boʻlgan. Ilk bor 2019-yilgi AQSh Ochiq chempionati, soʻngra 2021-yilgi Fransiya Ochiq chempionatida gʻalabani qoʻlga kiritgan. Shuningdek, sportchi 2019-yilgi „Wimbledon“ qizlar oʻrtasida juftlik bahslari turniri finaliga chiqqan[1].
Oʻsmirlik yillari
Oʻsmirlar oʻrtasida Selexmeteva yakkalik bahslarida 78 ta gʻalaba, 44 ta magʻlubiyat, juftlik bahslarida esa 83 ta gʻalaba, 31 ta magʻlubiyatni qayd etgan. Sportchi 2021-yil yanvar oyida oʻsmirlar boʻyicha umumiy reytingda dunyoning 7-raqamli tennischisiga aylangan[2].
Sportchi ikki tennischi bilan juftlik bahslarida (har ikkisi ikki xil qoplamada) oʻsmirlar oʻrtasida oʻtkazilgan „Katta dubulgʻa“ bahslarida gʻoliblikni qoʻlga kiritgan. Jumladan, 2019-yilgi AQSh Ochiq chempionatida Kamilla Bartone bilan[3], 2021-yilgi Fransiya Ochiq chempionatida esa Alexandra Eala bilan gʻalabaga erishgan[4][5][6]. Shuningdek, sportchi Bartone bilan juftlik bahsida 2019-yilgi „Wimbledon“ chempionatida ikkinchi oʻrinni egallagan.
Selexmetova Rossiya terma jamoasi tarkibida 2018-yilgi Yozgi oʻsmirlar Olimpiya oʻyinlarida qatnashib, chorak finalga qadar yetib borgan va yakunda oltin medali sohibi boʻlgan Kaja Yuvandan set yutgan yagona oʻyinchiga aylangan[7].
Professional faoliyati
2018–2019: ITF va WTA Tourdagi debyutlar
2018-yilda Selexmeteva ilk professional turnirini Sant Kugatdagi 15 ming dollarlik musobaqada oʻtkazdi. Hali reytingga kirmagan boʻlishiga qaramay, saralash bahsida 800 talikdan joy olgan ikki raqibini magʻlub etib, asosiy toʻrga yoʻllanma oldi[8]. Bu uning yil davomida ishtirok etgan yagona professional turniri edi.
2019-yilda Selexmetova oʻsmirlar oʻrtasidagi musobaqalarda qatnashishni davom ettirgan holda koʻproq ITF turnirlarida ishtirok etdi. U ilk bor WTA turi doirasida — Sankt-Peterburg kubogi musobaqasida maydonga tushdi. Biroq dunyoning 194-raqamli tennischisi Magdalena Fręchga uch setlik keskin bahsda magʻlub boʻldi[9]. Shundan soʻng, sportchi 25 ming dollarlik turnirda ilk bor chorak finalga chiqdi, uchinchi raqam ostida saralangan Olga Yanchukni magʻlub etib, RWB Ladies Cup musobaqasida chorak finalgacha yetib borishga erishdi.
Rossiyalik tennischi ikkinchi marta WTA turi — Kreml kubogida ishtirok etdi. Saralash bosqichida oʻzining yaqin doʻsti Polina Kudermetovaga ikkita setda oʻyinni boy berdi[10].
Selexmeteva yilni 781-oʻrinda professional darajada 10 ta gʻalaba, 8 ta magʻlubiyat bilan yakunladi[11].
Manbalar
- ↑ „Raleigh teen tennis player Abigail Forbes wins at Wimbledon“. ABC11 Raleigh-Durham (2019-yil 15-iyul).
- ↑ „Oksana Selekhmeteva Juniors Singles Overview“. www.itftennis.com. Qaraldi: 2021-yil 15-dekabr.
- ↑ „'This is just the beginningʻ - Osorio Serrano ends 'unreal' junior career with US Open title, gives Federer shoutout“ (en). Women's Tennis Association. Qaraldi: 2021-yil 15-dekabr.
- ↑ „Alex Eala, Selekhmeteva crowned 2021 French Open girls doubles champions“ (en-US). RAPPLER (2021-yil 12-iyun). Qaraldi: 2021-yil 15-dekabr.
- ↑ „Alex Eala, Oksana Selekhmeteva win French Open girls' doubles title“. ESPN (2021-yil 12-iyun). Qaraldi: 2024-yil 13-dekabr.
- ↑ „Alex Eala, Russia's Selekhmeteva win French Open girls' doubles title“. abs-cbn. Qaraldi: 2024-yil 13-dekabr.
- ↑ „Argentina earns shot at tennis doubles gold at Buenos Aires 2018 - Xinhua | English.news.cn“. www.xinhuanet.com. 2020-yil 13-avgustda asl nusxadan arxivlangan. Qaraldi: 2021-yil 15-dekabr.
- ↑ „Oksana Selekhmeteva Matches | Past Tournaments & More — WTA Official“ (en). Women's Tennis Association. Qaraldi: 2021-yil 15-dekabr.
- ↑ „SIX RUSSIANS PURSUE THEIR RUN IN ST. PETERSBURG LADIES TROPHY QUALLIES“ (en-US). ST. PETERSBURG LADIES TROPHY 2022 (2019-yil 26-yanvar). 2019-yil 6-iyunda asl nusxadan arxivlangan. Qaraldi: 2021-yil 15-dekabr.
- ↑ „Polina Kudermetova: "I really want my sister Veronika to support me tomorrow from the stands!"“ (en). kremlincup.ru. Qaraldi: 2021-yil 15-dekabr.
- ↑ „Oksana Selekhmeteva | Ranking History | Weekly & Yearly Rankings — WTA Official“ (en). Women's Tennis Association. Qaraldi: 2021-yil 15-dekabr.