Kontent qismiga oʻtish

Oʻzbekiston texnologik metallar kombinati

ZiyoSfera, erkin ensiklopediya
Oʻzbekiston texnologik metallar kombinati
Turi Aksiyadorlik jamiyati
Tarmogʻi Kritik minerallar va texnologik metallar
Qachon asos solingan 2024-yil
Joylashuvi Chirchiq, Toshkent viloyati, Oʻzbekiston
Asoschi(lari) Oʻzbekiston Respublikasi Prezidenti Shavkat Mirziyoyev
Boshqaruv raisi Farhod Abdullayev
Mahsulot(lar)i Volfram, molibden va reniy mahsulotlari
Vebsayti uztmk.uz

Oʻzbekiston texnologik metallar kombinati (TMK) — Oʻzbekistonda kritik minerallar va texnologik metallar boʻyicha faoliyat yuritadi. 2024-yilda tashkil etilgan. Bosh ofisi Toshkent viloyatining Chirchiq shahrida joylashgan.

Faoliyati

Geologik qidiruv, foydali qazilmalarni qazib olish, boyitish, qayta ishlash hamda metallurgiya bilan bogʻliq sanoat loyihalarini amalga oshiradi.

Kombinat volfram, molibden, grafit, litiy, reniy va nodir yer elementlari yoʻnalishlarda geologik qidiruv, xomashyoni qayta ishlash va sanoat mahsulotlari ishlab chiqarishga oid loyihalarni amalga oshiradi.[1]

Asosiy loyihalari

Volfram sanoat klasteri

Volfram sanoat klasteri volfram xomashyosini qazib olish, qayta ishlash va volfram mahsulotlarini ishlab chiqarishni qamrab olgan loyihalar majmuasi.[2]

Loyiha doirasida volfram konsentrati, volfram angidridi va metall volfram ishlab chiqarish quvvatlari yaratiladi hamda kengaytiriladi.[3] [4]

Molibden xomashyosini chuqur qayta ishlash klasteri

Mazkur loyiha molibden tarkibli xomashyoni qayta ishlash hamda molibden asosidagi sanoat mahsulotlarini ishlab chiqarishga moʻljallangan loyihalarni oʻz ichiga oladi.[5]

Loyiha doirasida yiliga 5 000 tonna molibden tarkibli xomashyoni qayta ishlash, 2 500 tonna molibden uch oksidi (MoO₃) hamda keyingi bosqichda yiliga 1 600 tonna molibden kukuni ishlab chiqarish rejalashtirilgan. Mazkur mahsulotlar metallurgiya va boshqa sanoat tarmoqlarida xomashyo sifatida qoʻllaniladi.[6] [7]

Kelajak metallari texnoparki

Kelajak metallari texnoparki — TMK tarkibidagi sanoat va innovatsion ishlab chiqarish majmuasi. Joylashuvi Toshkent viloyatining Chirchiq va Ohangaron hududlari hamda Samarqand viloyatining Nurobod tumani. Loyiha qiymati 841 million AQSH dollarini tashkil etadi va 50 dan ortiq investitsiya loyihasini oʻz ichiga oladi.[8]

Texnopark kritik va nodir metallarni chuqur qayta ishlash, ilmiy tadqiqotlarni ishlab chiqarish bilan integratsiyalash hamda tayyor sanoat mahsulotlari ishlab chiqarishga ixtisoslashgan.[9]

Toshkent xalqaro investitsiya forumi (2025-yil)dagi nutqida Prezident Shavkat Mirziyoyev Toshkent va Samarqand viloyatlarida Kelajak metallari texnoparklari tashkil etilayotganini maʼlum qilgan.[10]

R&D Park

R&D Park TMKning ilmiy-tadqiqot va texnologiyalarni rivojlantirish markazi. Joylashuvi Toshkent viloyatining Chirchiq shahri. Markaz laboratoriya tadqiqotlari, texnologik sinovlar hamda ilmiy ishlanmalarni sanoatda qoʻllash va tijoratlashtirish yoʻnalishlarida faoliyat yuritadi. [11]

R&D Park tarkibida Markaziy nano-tahlil laboratoriyasi, Texnologik sinov markazi hamda Innovatsion loyihalarni tijoratlashtirish markazi bor. Unda materiallarning fizik-kimyoviy xususiyatlarini tahlil qilish, rudalar va konsentratlarni laboratoriya hamda tajriba-sanoat sharoitida sinovdan oʻtkazish, shuningdek ilmiy ishlanmalarni sanoat amaliyotiga joriy etish boʻyicha ishlar olib boriladi.[12]

Miskon loyihasi

Miskon loyihasi Toshkent viloyatining Piskent tumanida amalga oshirilayotgan kon-metallurgiya loyihasi. Loyiha molibden, reniy hamda boshqa kritik minerallarni geologik oʻrganish, qazib olish va qayta ishlashni qamrab oladi.[13]

Shuningdek, loyiha oltin, kumush va mis zaxiralarini oʻzlashtirishni ham nazarda tutadi.[14]

Miskon mineral xomashyoni qayta ishlash va tayyor sanoat mahsulotlari ishlab chiqarish yoʻnalishidagi loyiha.[15]

Xalqaro hamkorlik

TMK kritik minerallar va texnologik metallar sohasida xorijiy kompaniyalar, ilmiy muassasalar hamda xalqaro tashkilotlar bilan hamkorlik qiladi.

Hamkorlikning asosiy yoʻnalishlari geologik qidiruv, mineral resurslarni qayta ishlash, texnologiyalar transferi, ilmiy tadqiqotlar, investitsiya loyihalarini amalga oshirish hamda mutaxassislar tayyorlashni qamrab oladi. [16]

Manbalar

  1. ↑ „Biz haqimizda“. UzTMK.
  2. ↑ „Kritik minerallar xomashyo bazasi kengaytirilib, yuqori qoʻshilgan qiymatli mahsulotlar ishlab chiqariladi“. Prezident.uz.
  3. ↑ „Uzbekistan's 'Metals of the Future' Mining Opportunities and Untapped Source of Critical Minerals“. Mining Journal.
  4. ↑ „TMK (Uzbekistan Technological Metals Complex)“. MINEX Europe.
  5. ↑ „Kritik minerallar xomashyo bazasi kengaytirilib, yuqori qoʻshilgan qiymatli mahsulotlar ishlab chiqariladi“.
  6. ↑ „Session 2: Uzbekistan in Global Critical Minerals Supply Chains“. MINEX Central Asia.
  7. ↑ „Uzbekistan Technological Metals Complex joins the MMTA“. MMTA.
  8. ↑ „Kelajak metallari texnoparki“. uzkmt.uz.
  9. ↑ „Kelajak metallari texnoparki“.
  10. ↑ „Prezident Shavkat Mirziyoyevning IV Toshkent xalqaro investitsiya forumidagi nutqi“. Prezident.uz.
  11. ↑ „R&D Park“.
  12. ↑ „R&D Park“.
  13. ↑ „Kritik minerallar xomashyo bazasi kengaytirilib, yuqori qoʻshilgan qiymatli mahsulotlar ishlab chiqariladi“. Prezident.uz.
  14. ↑ „Miskon loyihasi“.
  15. ↑ „Uzbekistan's $4.2 Billion Critical Minerals Plan Aims to Turn Raw Materials Into Industry“. Times of Central Asia.
  16. ↑ „Xalqaro hamkorlik“. UzTMK. 
"https://ziyosfera.uz/index.php?title=Oʻzbekiston_texnologik_metallar_kombinati&oldid=687951" dan olindi