Oʻzbekiston mahallalari uyushmasi
 Oʻzbekiston mahallalari uyushmasi binosi | |
 | |
| Turi | davlat boshqaruvi idorasi |
|---|---|
| Maqomi | amalda |
| Ishga tushgan sanasi | 2024-yil |
| Joylashuvi |
 Toshkent |
| Hududiy xizmati | Respublika boʻyicha |
| Rais | Qahramon Quronboyev |
| Oʻrinbosar | Jovdatxon Inagamov |
| Til(lar)i | Oʻzbek, Rus |
| Vebsayti | mahallas.uz |
 | |
Oʻzbekiston mahallalari uyushmasi — Oʻzbekistondagi davlat boshqaruv idoralaridan biri[1]. Uyushma Oʻzbekistondagi mahallalarning jamiyat hayotidagi oʻrnini oshirish hamda sohada boshqaruv tizimini takomillashtirish maqsadida faoliyat yuritadi. Qoraqalpogʻiston Respublikasi, viloyatlar va Toshkent shahri boʻyicha boshqarmalari, shuningdek, tumanlar (shaharlar) boʻlimlari mavjud[2][3].
Tarixi
2023-yil 21-dekabrda qabul qilingan PF-209-sonli „Mahalla institutining jamiyatdagi rolini tubdan oshirish va uning aholi muammolarini hal etishda birinchi boʻgʻin sifatida ishlashini taʼminlashga qaratilgan chora-tadbirlar toʻgʻrisida“ farmon hamda PQ-402-sonli „Oʻzbekiston mahallalari uyushmasi faoliyatini yoʻlga qoʻyish va mahallalarda boshqaruv tizimini takomillashtirishga oid qoʻshimcha chora-tadbirlar toʻgʻrisida“ qarorga muvofiq 2024-yil 17-yanvar kuni Oʻzbekiston mahallalari uyushmasi tashkil qilindi. Tashkilotning taʼsis konferensiyasida Qahramon Quronboyev uyushma raisi etib saylandi[4][5]. 2024-yil 18-yanvar kuni Oʻzbekiston mahallalari uyushmasi taʼsis konferensiyasi ishtirokchilarining mahallalar faollariga murojaati eʼlon qilindi[6].
Maqsad va vazifalari
- Mahallani xalq bilan davlat oʻrtasidagi aloqalarini mustahkamlash;
- Mahalla boshqaruvida aholining ishtirokini taʼminlash;
- Fuqarolarda masʼuliyat hissini oshirish;
- „Mahalla yettiligi“ orqali ichki resurslarni safarbar etish;
- Mahallalarning moddiy-texnik bazasini yaxshilash;
- Mahalla masʼullarining malakasini oshirish[7].
Rahbariyati
Oʻzbekiston mahallalari uyushmasi raisi Qahramon Quronboyev, birinchi oʻrinbosari Jovdatxon Inogʻomov, rais oʻrinbosari Dolli Allayev hisoblanadi[8].
| Lavozim | Ism-familya | Faoliyat davri |
|---|---|---|
| Rais | Qahramon Quronboyev | 2022-yil 25-mart – hozirga qadar |
| Birinchi oʻrinbosari | Jovdatxon Inogʻomov | 2024-yil 17-yanvar — hozirga qadar |
| Oʻrinbosar | Dolli Allayev | 2025-yil 17-fevral[9] — hozirga qadar |
Tuzilmasi
Oʻzbekiston mahallalari uyushmasi tarkibiga hududlardagi 9300 dan ortiq mahalla kiradi. Uyushma raisi maqomi tibbiy, transport va maishiy taʼminot sharoitlari boʻyicha bosh vazir oʻrinbosariga tenglashtirilgan[10]. 982 ta shtat birligidan iborat. Tarkibi „Mahalla“ xayriya jamoat fondi, Kambagʻallikni qisqartirish va bandlik vazirligining qisqartirilgan shtatlari hisobidan shakllantirilgan[11][12].
Yana qarang
Manbalar
- ↑ Oʻzbekiston mahallalari uyushmasi faoliyatini yoʻlga qoʻyish va mahallalarda boshqaruv tizimini takomillashtirishga oid qoʻshimcha chora-tadbirlar toʻgʻrisida
- ↑ „Oʻzbekiston mahallalari uyushmasi tuzildi“. Zarafshon. № 7 (23.884). 2024-01-18. 4-bet.
- ↑ „Oʻzbekiston mahallalari uyushmasi va uning hududiy boʻlimlari tashkil etiladi“. www.yuz.uz. Qaraldi: 2026-yil 26-mart.
- ↑ „Qahramon Quronboyev O‘zbekiston mahallalari uyushmasi raisi bo‘ldi“. www.daryo.uz. Qaraldi: 2026-yil 26-mart.
- ↑ „Qahramon Quronboyev Oʻzbekiston mahallalari uyushmasining raisi lavozimiga saylandi“. www.oyina.uz. Qaraldi: 2026-yil 26-mart.
- ↑ „O‘zbekiston mahallalari uyushmasi ta’sis konferensiyasi ishtirokchilarining mahallalar faollariga murojaati“. www.gov.uz. Qaraldi: 2026-yil 26-mart.
- ↑ „Uyushmaning asosiy vazifalari:“. www.mahallas.uz. Qaraldi: 2026-yil 26-mart.
- ↑ „Oʻzbekiston mahallalari uyushmasi rahbariyati“. www.mahallas.uz. Qaraldi: 2026-yil 26-mart.
- ↑ „O‘zbekiston mahallalari uyushmasi raisiga o‘rinbosar tayinlandi“. www.kun.uz. Qaraldi: 2026-yil 27-mart.
- ↑ „O‘zbekistonda mahallalar uyushmasi tashkil etilmoqda“ (2023-yil 28-dekabr). Qaraldi: 2026-yil 23-mart.
- ↑ „Mahallalar uyushmasi Bandlik vazirligi va “Mahalla” fondi shtatlarini qisqartirish hisobiga tashkil etilmoqda“. www.gazeta.uz. Qaraldi: 2026-yil 26-mart.
- ↑ Oʻzbekiston mahallalari uyushmasi tashkil etiladi