Oʻzbekiston Respublikasi uy-joy kommunal xizmat koʻrsatish sohasi xodimlari kuni
Oʻzbekiston Respublikasining „Oʻzbekiston Respublikasi uy-joy kommunal xizmat koʻrsatish sohasi xodimlari kunini belgilash toʻgʻrisida“ 2018-yil 2-apreldagi OʻRQ-464-son[1] Qonuniga muvofiq, har yilning 18-aprel kuni Oʻzbekiston Respublikasi uy-joy kommunal xizmat koʻrsatish sohasi xodimlari kuni sifatida nishonlanadi.
Kasb bayrami munosabati bilan uy-joy kommunal xizmat koʻrsatish sohasida samarali faoliyat olib borayotgan bir qator xodimlar Vazirlar Mahkamasining 2018-yil 11-dekabrdagi 1004-son qarori bilan taʼsis etilgan "Uy-joy kommunal xizmat koʻrsatish aʼlochisi" koʻkrak nishoni bilan taqdirlanadi[2].
Shuningdek, respublikamizda uy-joy kommunal xizmat koʻrsatish sohasida amalga oshirilayotgan islohotlar hamda sohadagi ilgʻor yutuqlarni oʻzida aks ettirgan telekoʻrsatuvlar, lavhalar, radio eshittirishlar va internet nashrlarida turkum maqolalar tayyorlangan holda jamoatchilikka yetkaziladi.
Manbalar
- ↑ „Oʻzbekiston Respublikasining Qonuni, 02.04.2018-yildagi O‘RQ-464-son“ (toshkent sh., 2018-yil 2-aprel, oʻrq-464-son). 2025-yil 31-mayda asl nusxadan arxivlangan. Qaraldi: toshkent sh., 2018-yil 2-aprel, oʻrq-464-son.
- ↑ „Oʻzbekiston Respublikasi Vazirlar Mahkamasining qarori, 11.12.2018 yildagi 1004-son“ (toshkent sh., 2018-yil 11-dekabr, 1004-son). 2025-yil 22-mayda asl nusxadan arxivlangan. Qaraldi: toshkent sh., 2018-yil 11-dekabr, 1004-son.