Oʻzbekiston PFL kubogi
 | |
| Tashkiliy organ | Oʻzbekiston Pro ligasi |
|---|---|
| Asos solindi | 2007-yil |
| Bekor qilindi | 1-yanvar, 2020-yil |
| Hudud | Oʻzbekiston |
| Jamoalar soni | Turli xil |
| Oxirgi chempionlar | Shoʻrtan (Gʻuzor) (1-marta) |
| Eng muvaffaqiyatli klub(lar) | Soʻgʻdiyona (Jizzax) (2 marta) |
| Telekoʻrsatuvchilar |
 MTRK hududiy telekanallari |
| Vebsayt | pfl.uz |
Oʻzbekiston PFL kubogi (Ўзбекистон ПФЛ кубоги) — Oʻzbekiston Professional futbol ligasi va Oʻzbekiston Oʻzbekiston futbol assotsiatsiyasi hamkorligida tashkil etilgan futbol turniri. 2010-yilda birinchi marta oʻtkazilgan. Turnirning soʻnggi qura tashlash marosimi 2019-yilda boʻlib oʻtgan.
Tarix
Oʻzbekiston Professional futbol ligasi kubogi (Oʻzbekiston PFL kubogi) avvalgi Oʻzbekiston futbol federatsiyasi kubogining (OʻFF kubogi) davomchisi hisoblanadi. 2010-yilgi mavsum avvalida Oʻzbekiston Professional futbol ligasi OʻzPFL kubogini tashkil etgan. Kubok anʼanaviy ravishda qishda (yanvarda yoki fevralda), Superliganing yangi mavsumi arafasida oʻtkazilib, koʻplab manfaatdor klublarga mavsumoldi tayyorgarlikni oʻtkazish imkoniyatini berar edi. Qoidaga koʻra, turnir Toshkent shahrida boʻlib oʻtgan. Ayrim yillarda oʻyinlarning bir qismi Toshkent viloyatining ayrim shaharlarida (Qibray, Yangibozor) va Yangiyerda (Sirdaryo viloyati) oʻtkazilgan.
Asosan, xorijda yigʻin oʻtkazish imkoniyati boʻlmagan, shu bois mamlakatda xorij klublari va kuchli jamoalar bilan oʻrtoqlik oʻyinlari oʻtkazish imkoniyatiga ega boʻlmagan klublar, yetakchi klublarnining oʻrinbosarlar tarkibi, Farm klublar Oʻzbekiston PFL kubogida qatnashib kelgan. Turnirda Superliga jamoalaridan asosan „oʻrta darajalilar“ va „autsayderlar“ ishtirok etgan. Turnir ishtirokchilarining asosiy qismini Oʻzbekiston chempionati quyi liga klublari tashkil etadi.
Turnirda Oʻzbekistonning har bir futbol klubi ishtirok etishga haqli, bular Oʻzbekiston Superligasi, yoki Oʻzbekiston Pro-ligasi klublari, Oʻzbekiston Ikkinchi ligasi ishtirokchilari, shuningdek, mamlakatning tuman yoki shahar chempionatlari ishtirokchi klublari boʻlishi mumkin. Oʻzbekiston PFL kubogida xorijiy futbol klublari ham ishtirok etishgan. Shunday qilib, 2011-yilgi Oʻzbekiston PFL kubogi turnirida Qozogʻistonning „Ordabasi“ klubi, 2012-yilgi turnirda Qozogʻistonning yana bir klubi „Oq bulaq“ ishtirok etgan.
Barcha finallar
| Turnir. | Yil | Gʻolib | Natija | Finalchi | Manba. |
|---|---|---|---|---|---|
| 1 | 2010-yil | Xorazm (Urganch) | 2:1 | Bunyodkor (Toshkent) | |
| 2 | 2011-yil | Soʻgʻdiyona (Jizzax) | 1:1 (4:3 pen.) | Lokomotiv (Toshkent) | |
| 3 | 2012-yil | Soʻgʻdiyona (Jizzax) | 3:1 q.v. | Olmaliq FK | |
| 4 | 2013-yil | Olmaliq FK | 3:0 | Paxtakor-2 (Toshkent) | |
| 5 | 2014-yil | Mashal (Muborak) | 3:1 | Obod (Toshkent) | |
| 6 | 2015-yil | Shoʻrtan (Gʻuzor) | 2:2 (4:2 pen.) | Mashal (Muborak) | |
| 7 | 2019-yil | Iftixor (Fargʻona) | 2:2 (4:2 pen.) | Oqtepa (Toshkent) |
Barcha gʻoliblar
| Jamoa | Golib | Yillar | Ikkinchi oʻrin | Yillar | Manba. |
|---|---|---|---|---|---|
| Soʻgʻdiyona (Jizzax) | 2 | 2011, 2012 | — | — | |
| Olmaliq | 1 | 2013-yil | 1 | 2012-yil | |
| Mash’al (Muborak) | 1 | 2014-yil | 1 | 2015-yil | |
| Xorazm (Urganch) | 1 | 2010-yil | — | — | |
| Shoʻrtan (Gʻuzor) | 1 | 2015-yil | — | — | |
| Iftixor (Fargʻona) | 1 | 2019-yil | — | — | |
| Bunyodkor (Toshkent) | — | — | 1 | 2010-yil | |
| Lokomotiv (Toshkent) | — | — | 1 | 2011-yil | |
| Paxtakor-2 (Toshkent) | — | — | 1 | 2013-yil | |
| Obod (Toshkent) | — | — | 1 | 2014-yil | |
| Oqtepa (Toshkent) | — | — | 1 | 2019-yil |
Havolalar
- Oʻzbekiston PFL rasmiy sayti (Wayback Machine saytida 2020-02-29 sanasida arxivlangan)