Oʻsimliklar karantini va himoyasi agentligi
O‘simliklar karantini va himoyasi agentiligi - O‘zbekiston Respublikasi Prezidentining 2021-yil 15-iyuldagi “Respublikada o‘simliklar karantini va himoyasi tizimini tubdan takomillashtirish chora-tadbirlari to‘g‘risida” PF-6262-son Farmoni[1] va “O‘zbekiston Respublikasi O‘simliklar karantini va himoyasi agentligini tashkil etish to‘g‘risida”gi PQ-5185-son qarori[2]ga muvofiq Vazirlar Mahkamasi huzuridagi O‘simliklar karantini davlat inspeksiyasi negizida tashkil etilgan.
Tarkibi
Qoraqalpog‘iston Respublikasi O‘simliklar karantini va himoyasi agentligi, viloyatlar va Toshkent shahrida hududiy boshqarmalar;
O‘simliklar karantini va himoyasi ilmiy-tadqiqot instituti;
Respublika agrokimyoviy tahlil markazi;
“Biosifat” respublika markazi;
Qoraqalpog‘iston Respublikasi hamda viloyatlar Chigirtka va tut parvonasiga qarshi kurash xizmatlari kiradi.
Vazifalari
- mamlakatimiz uchun o‘simliklar karantinida bo‘lgan zararli organizmlar, chetdan kiritilishi mumkin bo‘lmagan ekish materiallari, o‘simliklar karantini ostidagi, mahsulotlar, respublikamiz hududidan olib chiqilishi mumkin bo‘lmagan o‘simliklar karantini ostidagi mahsulotlar ro‘yxatini tasdiqlaydi;
- o‘simliklar karantini va himoyasi sohasidagi xalqaro konvensiyalar va boshqa davlatlar bilan tuzilgan shartnomalardan kelib chiqadigan tadbirlar amalga oshirilishiga mas’ul;
- fitosanitar sertifikati va karantin ruxsatnomasini beradi;
- o‘simliklar karantini ostidagi mahsulotlar turlari, urug‘liklar, o‘simliklar, o‘simlik mahsulotlari va boshqa materiallarni karantin tekshiruvini hamda laboratoriya ekspertizasidan o‘tkazadi;
- urug‘liklar, o‘simliklar, o‘simlik xom ashyosi, boshqa o‘simlik mahsulotlari va xalq iste’mol tovarlarini mamlakat ichida tashish, eksport qilish uchun olib chiqishning karantin qoidalari hamda ulardan foydalanish shartlarini tasdiqlaydi;
- karantin o‘rnatish (uni bekor qilish) to‘g‘risida taqdimnomalar kiritadi;
- o‘simlik mahsulotlari va boshqa materiallarni sog‘lomlashtirishni tashkil etadi;
- pestitsidlarni zararsizlantirish tartibini, shuningdek, maxsus saqlash muassasalarini tegishli holatda saqlash shartlarini belgilaydi;
- fitosanitariya tadbirlarni amalga oshirish tartibi, uslublari va tavsiyalarini tasdiqlaydi;
- mineral o‘g‘itlarga qo‘yiladigan ilmiy talablarni va ularni qishloq xo‘jalik ekinlariga tatbiq etishni tasdiqlaydi;
- eksport bozorlari uchun organik va an’anaviy qishloq xo‘jaligida ruxsat etilgan o‘simliklarni himoya qilish vositalari va o‘g‘itlarni belgilaydi;
- respublika hududida sezilarli iqtisodiy zarar yetkazishi mumkin bo‘lgan zararli organizmlarning fitosanitariya xavfini tahlil qiladi va ular kirib kelishining oldini olishga qaratilgan ilmiy asoslangan fitosanitariya tadbirlarini ishlab chiqadi;
- o‘simliklar klinikalari va biolaboratoriyalar tizimini rivojlantiradi hamda ularning faoliyatini muvofiqlashtiradi;
- zararli organizmlarga qarshi kurashning biologik usulini keng qo‘llash choralarini ko‘radi;
- o‘simliklarni himoya qilish vositalari (pestitsidlar) importiga, shuningdek, o‘simliklarni himoya qilish vositalari (pestitsidlar), mineral o‘g‘itlarning ulgurji va chakana savdosiga litsenziyalar beradi;
- pestitsidlarni davlat ro‘yxatidan o‘tkazish va pestitsidlar uchun ro‘yxatga olish guvohnomalarini berishni amalga oshiradi;
- qishloq xo‘jaligida foydalanishga ruxsat etilgan zararkunandalarga qarshi kimyoviy va biologik vositalar, o‘simlik kasalliklari va begona o‘tlar, defoliantlar hamda o‘simliklarni o‘sish regulyatorlari ro‘yxatini yuritadi va e’lon qilib boradi;
- iste’dodli yosh olimlar, magistrlar, doktarantlarning o‘simliklar karantini bo‘yicha ilmiy-tadqiqot ishlariga rahbarlik qiladi;
- respublika hududida mavjud bo‘lmagan va cheklangan darajada tarqalgan zararkunandalar, o‘simliklar kasalliklari hamda begona o‘tlarning turlari va bioekologiyasini o‘rganadi;
- xalqaro tashkilotlarda o‘simliklar karantini va himoyasi bo‘yicha respublika manfaatlarini ifoda etadi;
- xorijiy davlatlarning vakolatli idoralari bilan o‘simliklar karantini va fitosanitariya xavfsizligi to‘g‘risida zarur axborotlarni almashadi;
- import bo‘lgan yoki tranzit tarzida olib o‘tiladigan o‘simlik mahsulotlari milliy fitosanitariya talablariga mos kelmasa xalqaro standartlarga muvofiq choralar ko‘radi va bu haqida tegishli xorijiy davlat karantin xizmatini xabardor qiladi;
- xorijiy davlatlarning o‘simliklar karantini ostidagi mahsulotlarga qo‘yiladigan talablar va cheklovlar to‘g‘risida xabardor qiladi[3].
Rahbariyat
Agentlik drektori: Ergashev Ibrohim Kenjaboyevich
Agentlik direktorining birinchi o‘rinbosari: Xamrayev Bobir Zoxirovich[4]
Agentlik direktori o‘rinbosari: Yunusov Ulug‘bek Mamadjanovich