Oʻlmas Saidjonov
Saidjonov Oʻlmas (1951-yil 10-yanvar, Kitob tumani, Tuyaboshi qishlogʻi 2016-yil 13-fevral, Toshkent[1]) — Oʻzbekiston xalq hofizi (1993). Qarshi davlat pedagogika instituni (1974), Toshkent irrigatsiya va qishloq xoʻjaligini mexanizatsiyalash muhandislari institutini tugatgan (1981). 1994-yildan Muhiddin Qoriyoqubov nomidagi Oʻzbek davlat filarmoniyasi (1996-yildan akademik va xalq badiiy jamoalar direksiyasi)ning direktori, ayni paytda, 1996—2001-yillar „Oʻzbeknavo“ birlashmasi direktori oʻrinbosari. Kuchli, yorqin va jozibali ovoz sohibi. Repertuaridan oʻzbek mumtoz ashulalari („Feruz“, „Guluzorim“, „Mustahzod“, „Girya“ va boshqalar) va zamonaviy bastakorlar asarlari („Onajonim“, „Furqat nidosi“, „Temur bobom“, „Bogʻi jahonnoma“, „Beminnat“, „Nigorim“, „Surating“ kabi) oʻrin olgan. 2-chaqiriq Oʻzbekiston Respublikasi Oliy Majlisi deputati. „Sharq taronalari“ xalqaro musiqa festivali YUNESKOning maxsus mukofoti sovrindori. Saidjonov ijodiga bagʻishlangan telefilm („Oʻzbekiston xalq hofizi Oʻlmas Saidjonov kuylaydi“) ishlangan (1996, Oʻzbekiston televideniyesi). "El-yurt hurmati" ordeni bilan mukofotlangan (1998)[2]. 2026-yil 28-mayda Mehnat shuhrati ordeni bilan taqdirlangan[3].
Manbalar
- ↑ „daryo.uz“. 4-avgust 2018-yilda asl nusxadan arxivlangan. Qaraldi: 4-avgust 2018-yil.
- ↑ OʻzME. Birinchi jild. Toshkent, 2000-yil
- ↑ „O‘zbekiston Respublikasi Prezidentining 2026-yil 28-maydagi „Mamlakatimizda madaniyat, san’at va adabiyot sohalarini rivojlantirishga ulkan hissa qo‘shgan bir guruh marhum ijodkorlarni mukofotlash to‘g‘risida“gi farmoni“. president.uz (2026-yil 28-may). 2026-yil 28-mayda asl nusxadan arxivlangan. Qaraldi: 2026-yil 28-may.
 | Ushbu maqolada Oʻzbekiston milliy ensiklopediyasi (2000-2005) maʼlumotlaridan foydalanilgan. |
 | Musiqachi haqidagi ushbu maqola chaladir. Siz uni boyitib, ZiyoSferaga yordam berishingiz mumkin. |
 | Shaxsiyat haqidagi ushbu maqola chaladir. Siz uni boyitib, ZiyoSferaga yordam berishingiz mumkin. |