OʻZBEKISTON RESPUBLIKASI QURILISH SOHASI XODIMLARI KUNI
Oʻzbekiston Respublikasining „Oʻzbekiston Respublikasi qurilish sohasi xodimlari kunini belgilash toʻgʻrisida“gi Qonuniga muvofiq, avgust oyining ikkinchi yakshanbasi – Oʻzbekiston Respublikasi qurilish sohasi xodimlari kuni etib belgilangan[1].
Har yili ushbu sana munosabati bilan soha rivojiga munosib hissa qoʻshganlarni ijtimoiy qoʻllab-quvvatlash maqsadida, samarali faoliyat koʻrsatib kelayotgan bir qator quruvchilar taqdirlanib boriladi.
Shuningdek, respublikada amalga oshirilayotgan ulkan qurilish va bunyodkorlik ishlari namunalari hamda sohada qoʻlga kiritilgan ilgʻor yutuqlarni oʻzida aks ettirgan televizion koʻrsatuvlar, lavhalar, eshittirishlar hamda maqolalar tayyorlangan holda keng jamoatchilikka yetkaziladi.
- ↑ „Oʻzbekiston Respublikasining Qonuni, 21.12.2017-yildagi O‘RQ-450-son“ (toshkent sh., 2017-yil 21-dekabr, oʻrq-450-son). 2025-yil 31-mayda asl nusxadan arxivlangan. Qaraldi: toshkent sh., 2017-yil 21-dekabr, oʻrq-450-son.