Oğuz Aydın
| Shaxsiy maʼlumot | |||
|---|---|---|---|
| Tavallud sanasi | 2000-yil 27-oktyabr | ||
| Tavallud joyi | Gaaga, Niderlandiya | ||
| Boʻyi | 1.78m | ||
| Ampluasi | Vinger | ||
| Klub maʼlumoti | |||
Joriy klub | Fenerbahçe | ||
| Raqami | 70 | ||
| Yoshligida aʼzo boʻlgan klublar | |||
| 2011–2016 | AZ Alkmaar | ||
| 2016–2018 | Bucaspor | ||
| Professional faoliyati* | |||
| Yillar | Jamoa | Isht. | (Gol.) |
| 2018–2019 | Bucaspor | 42 | (5) |
| 2019–2021 | Bucaspor 1928 | 46 | (12) |
| 2019–2020 | → Karacabey Belediyespor (ijara) | 6 | (0) |
| 2021–2024 | Alanyaspor | 83 | (20) |
| 2024– | Fenerbahçe | 39 | (7) |
|
*Professional klublardagi gollari (ichki chempionat) (2025-yil 20-dekabr uchun) ‡ Milliy terma jamoadagi gollari (2025-yil 15-noyabr uchun) | |||
Oğuz Aydın (2000-yil 27-oktyabrda tugʻilgan) – professional futbolchi boʻlib, „Fenerbahçe“ klubi safida qanot hujumchisi sifatida toʻp suradi. U Niderlandiyada Redur Kaya nomi bilan tugʻilgan boʻlib, xalqaro miqyosda Turkiya milliy terma jamoasi sharafini himoya qiladi[1].
Klublardagi karyerasi
Yoshlik yillari
Aydın futbolchilik faoliyatini 2011-yilda „AZ Alkmaar“ klubida boshlagan, 2016-yilda esa Turkiyaga koʻchib oʻtgan. U 2016–2017-yilgi mavsumdan 2018-yil yanvariga qadar „Bucaspor“ akademiyasida toʻp surgan.
2018-yil yanvar oyida Aydın „Bucaspor“ safida professional faoliyatini boshlagan va 2019-yil 7-avgust kuni „Bucaspor 1928“ klubiga koʻchib oʻtgan. 2019–2020-yilgi mavsumning birinchi yarmida u „Karacabey Belediyespor“ jamoasida ijara asosida oʻynagan, mavsumning ikkinchi yarmida esa yana „Bucaspor 1928“ safiga qaytgan[2].
Ikkinchi mavsumida Aydın „Bucaspor 1928“ tarkibida koʻp qirrali futbolchi sifatida namoyon boʻlib, asosiy tarkibda turli pozitsiyalarda, asosan ikkala qanot hujumchisi sifatida harakat qilgan. U mavsumni barcha musobaqalarda 11 ta gol va 3 ta golli uzatma bilan yakunlagan[3].
Alanyaspor
2021-yil 24-iyun kuni futbolchining „Alanyaspor“ klubiga transferi eʼlon qilingan. Aydın ushbu jamoa bilan besh yillik shartnoma imzolagan[4]. 2021-yil 18-oktyabr kuni u „Kayserispor“ga qarshi Turkiya Superligasi doirasidagi 6:3 hisobi bilan yakunlangan uchrashuvda klub safidagi professional debyutini amalga oshirgan[5].
U klub safida uch mavsum davomida barcha musobaqalarda 77 ta uchrashuvda maydonga tushib, 13 ta gol muallifi boʻlgan hamda muvaffaqiyatli oʻyinlari orqali milliy terma jamoaga ham chaqiruv olgan.
Fenerbahçe
2024-yil 16-iyul kuni Aydın «Fenerbahçe» klubiga to‘rt yillik shartnoma asosida transfer qilingan[6]. U 2024-yil 6-avgust kuni Fransiyada bo‘lib o‘tgan UEFA Chempionlar Ligasi 2024–2025-yilgi mavsumi uchinchi saralash bosqichida «Lille»ga qarshi 1:2 hisobida yakunlangan uchrashuvda qit’a miqyosidagi musobaqalaridagi debyutini amalga oshirgan[7].
2024-yil 10-avgust kuni Aydın «Şükrü Saraçoğlu» stadionida «Adana Demirspor»ga qarshi 1:0 hisobida yakunlangan uy uchrashuvida Turkiya Superligasidagi ilk o‘yinini o‘tkazgan[8].
2024-yil 23-noyabr kuni safardagi «Kayserispor»ga qarshi bahsda Aydın ilk bor asosiy tarkibda maydonga tushib, atigi 11 daqiqa ichida 2 ta gol urishga muvaffaq bo‘lgan[9]. Oradan bir hafta o‘tib, 2024-yil 2-dekabr kuni u «Gaziantep FK»ga qarshi Superliga uchrashuvining 2-daqiqasidayoq gol urib, jamoasining 3:1 hisobidagi g‘alabasiga munosib hissa qo‘shgan[10].
2025-yil 5-fevral kuni Aydın Turkiya Kubogi doirasida «Erzurumspor»ga qarshi o‘yinda 61-daqiqada zaxiradan maydonga tushgan hamda 78-, 81- va 89-daqiqalarda uchta golli uzatma muallifi bo‘lgan[11].
Manbalar
- ↑ „Selecties jeugdelftallen 2013-2014“. www.azfanpage.nl (2013-yil 5-iyun).
- ↑ „Oğuz Aydın kimdir? İşte futbol kariyer bilgileri“. Hürriyet (2024-yil 24-oktyabr).
- ↑ „Bucaspor'un genç golcüsü Oğuz Aydın, Alanyaspor'a“. Sabah (2021-yil 8-iyun).
- ↑ „Oğuz Aydın Alanyaspor'da“. haberturk.com (2021-yil 24-iyun).
- ↑ „Alanyaspor vs. Kayserispor - 18 October 2021 - Soccerway“. int.soccerway.com.
- ↑ „Ailemize hoş geldin Oğuz Aydın“. Fenerbahçe SK (2024-yil 15-iyul). Qaraldi: 2025-yil 6-fevral.
- ↑ „LOSC Lille 2-1 Fenerbahçe“. Fenerbahçe SK (2024-yil 6-avgust). Qaraldi: 2024-yil 6-avgust.
- ↑ „Fenerbahçemiz lige Adana Demirspor galibiyetiyle başladı“. Fenerbahçe SK (2024-yil 10-avgust). Qaraldi: 2025-yil 17-mart.
- ↑ „Hoca şans verdi, elimden geleni yaptım“. NtvSpor (2024-yil 24-noyabr). Qaraldi: 2024-yil 25-noyabr.
- ↑ „Fenerbahçe 3-1 Gaziantep FK“. Fenerbahçe SK (2024-yil 2-dekabr). Qaraldi: 2024-yil 3-dekabr.
- ↑ „Fenerbahçe 5-0 Erzurumspor FK“. Fenerbahçe SK (2025-yil 5-fevral). Qaraldi: 2025-yil 6-fevral.