Nusrat Rahmat

Vikipediyada ismi Nusrat boʻlgan boshqa kishilar haqida ham maqolalar mavjud.

Nusrat Rahmat
Shaxsiy maʼlumotlari
Tavalludi	1941-yil 3-iyul (1941-07-03) Qoʻshmachit qishlogʻi, Samarqand tumani, Samarqand viloyati, OʻzSSR
Fuqaroligi	Oʻzbekiston
Millati	oʻzbek
Kasbi	Publitsist, yozuvchi va jurnalist
Dini	islom
Mashhur ishlari	Men kashf etgan Hindiston maqolasi va Omadsizlik hikoyasi
Maʼlumoti	oliy
Unvoni

Nusrat Rahmat – oʻzbekistonlik publitsist, yozuvchi va jurnalist. 2004-yil Oʻzbekistonda xizmat koʻrsatgan jurnalist unvoni bilan taqdirlangan.

Hayoti

1941-yilning 3-iyul kuni Samarqand tumanida joylashgan Qoʻshmachit qishlogʻida tavallud topgan. „Lenin yoʻli“ gazetasida ishlagan, „Qishloq haqiqati“ gazetasining Samarqand, Buxoro viloyatlari boʻyicha muxbiri boʻlgan. Keyin Toshkentga koʻchib „Oʻzbekiston adabiyoti va sanʼati“ gazetasi,"Mehnat" nashriyoti, Oʻzbekiston tabiatni muhofaza qilish qoʻmitasida xizmat qilgan.

Ijodi

Nusrat Rahmatning ilk kitobi 1975-yilda „Agar tabiatni sevsangiz“ nomi ostida bosib chiqariladi. Keyinchalik adibning „Chanqovuz“, „Olis-olis soʻqmoqlar“, „Dasht“, „Zamondosh oʻylari“, „Selektsiya moʻjizasi“, „Soʻqmoqlar va saboqlar“ kabi yigirmadan ortiq hikoya va ocherklardan tashkil topgan kitob va kitobchalari dunyo yuzini koʻradi. Bundan tashqari „Taqdimot“ sheʼrlar toʻplami, „Fojia“ deb nomlangan hikoyalar toʻplami, shuningdek, „Men muxbirman“, „Men redaksiyadanman“, „Eng ashaddiy kallakesar“, „Asqad Muxtor dedilar“ singari kitoblari ham allaqachon xalqimiz qalbini zabt etgan. Nusrat Rahmat faqatgina bu bilan cheklanib qolmasdan gazeta, jurnal va hatto internet saytlarida yuzdan ortiq maqolalarini chop ettirgan. Bu esa uning xalqimizning jonkuyar farzandlaridan biri ekanligini isbotlaydi. Shunday buyuk xizmatlari sababli Nusrat Rahmat 2004-yilda „Oʻzbekistonda xizmat koʻrsatgan jurnalist“ unvoni bilan taqdirlanadi.