Normurod Norqobilov
| Normurod Norqobilov | |
|---|---|
| Tavalludi |
1953-yil 7-iyun Qashqadaryo viloyati, Yakkabogʻ tumani, Qishliq qishlogʻi |
| Kasbi | yozuvchi |
| Ijod qilgan tillari | oʻzbek tili |
| Fuqaroligi |
 Oʻzbekiston |
| Taʼlimi | OʻzMU |
| Janr | nasr |
| Mukofotlari |
   |
Normurod Norqobilov (1953-yil 7-iyun Qashqadaryo viloyati, Yakkabogʻ tumani, Qishliq qishlogʻi) — taniqli oʻzbek adabiyotshunosi[1].
Tarjimai holi
Normurod Norqobilov 1953-yil 7-iyun kuni Qashqadaryo viloyati Yakkabogʻ tumani Qishliq qishlogʻida dunyoga keldi. U harbiy xizmatdan qaytgach (1971—1973), bir muncha vaqt zavod-fabrikalarda chilangarlik[2], temiryoʻl vagonlarida vagon tuzatuvchi, stansiyalarda yuk tushiruvchi vazifalarida xizmat qildi. Toshkent davlat universiteti (hozirgi OʻzMU)ning jurnalistika fakultetida taʼlim oldi (1976—1982).
Faoliyati
Normurod Norqobilov 1982—1983-yillarda „Toshkent oqshomi“ gazetasida oʻz faoliyatini boshladi. 1983-yildan hozirgi kungacha Oʻzbekiston Milliy teleradiokompaniyasida faoliyat yuritib keladi.
Ijodi
Adib „Temur gʻori“, „Ikki daryo oraligʻida“, „Tamaddun izlari“ nomli ekspeditsiya yoʻnalishidagi koʻrsatuvlar tayyorlash jarayonida Oʻzbekistonning bir qancha togʻ-adirlari, qirlari, dala-dashtlarini kezib chiqdi. Bu orqali hayvonot olamini oʻrgandi. Bu ekspeditsiya keyinchalik „Changalzor iti“, „Oqboʻyin“, „Togʻ odami“, „Paxmoq“, „Ovul oralagan boʻri“ nomli qissalarida oʻz aksini topdi. Bulardan tashqari yana „Unutilgan qoʻshiq“, „Zangori qoʻl“, „Yuzma-yuz“, „Temur gʻori“, „Arazchi chumchuq“, „Sariqgul“, „Joʻshqin daryo“, „Bekatdan oq uycha“, „Dasht-u dalalarda“, „Togʻdagi yolgʻiz odam“ nomli roman, qissa, hikoya va maqolalar toʻplamlari chop etildi. Yana bir qator asarlari esa rus, qozoq, qirgʻiz, turk, tatar, ingliz, arab tillariga tarjima qilib oʻgirildi. Bolalarga atalgan hikoyalari qirgʻiz va qozoq maktablari boshlangʻich sinf darsliklariga kiritildi. „Quyosh botmaydigan yurt“, „Belbogʻ“, „Shim yoxud xotinlar janjali“ shu kabi videofilmlar uning asarlari asaosida suratga olindi[3].
Mukofotlari
Normurod Norqobilov „Oʻzbekistonda xizmat koʻrsatgan madaniyat xodimi“ unvoni va „Shuhrat“ medali bilan mukofotlangan. 2026-yil 28-mayda Mehnat shuhrati ordeni bilan taqdirlangan[4].
Manbalar
- ↑ "Ziyo istagan qalblar uchun! - Normurod Norqobilov (1953)" https://www.ziyouz.com/portal-haqida/xarita/uzbek-nasri/normurod-norqobilov-1953
- ↑ Chilangarlik — mayda buyumlar (ustara, qaychi, bigiz, arra nomli ish asboblari)ni yasash kasbi.
- ↑ "Norqobilov Normurod" https://arboblar.uz/uz/people/norkobilov-normurod
- ↑ „O‘zbekiston Respublikasi Prezidentining 2026-yil 28-maydagi „Madaniyat, san’at va adabiyot sohalari xodimlaridan bir guruhini mukofotlash to‘g‘risida“gi farmoni“. president.uz (2026-yil 28-may). 2026-yil 28-mayda asl nusxadan arxivlangan. Qaraldi: 2026-yil 28-may.