Nodirxon Hasanov

Ziyosferada ismi Nodirxon va familiyasi Hasanov boʻlgan boshqa kishilar haqida ham maqolalar mavjud.

Nodirxon Hasanov — (1971, Toshkent) adabiyotshunos, tasavvufshunos olim, Filologiya fanlari nomzodi (1999).

Faoliyati

Toshkent Davlat universiteti (Hozirgi Oʻzbekiston Milliy universiteti) Oʻzbek filologiyasi fakultetini tugatgan (1994). Oʻzbekiston Fanlar akademiyasi Alisher Navoiy nomidagi Til va adabiyot institutida ishlagan (1995).

Tarjimalari

Muhiddin ibn Arobiyning „Shaytonning hiylalari“ (1996), Usmon Turarning „Turkiyada yassaviyshunoslik“, „Tasavvuf tarixi“ (1999), Mahmud Asad Joʻshonning „Tasavvuf va nafs tarbiyasi“ (2000), Ahmad Lutfiy Qozonchining „Saodat asri qissalari“ (I,II kitob, 2002—2003), Muhammad Zohid Qutquning „Moʻminning sifatlari“ kabi tarjima asarlari bor.

Asarlari

„Ahmad Mahmud Haziniy“ (2001), „Xoja Ahmad Yassaviy: hayoti, ijodi va anʼanalari“ (2001), "Xoja Ahmad Yassaviy „Devoni hikmat“ (yangi topilgan hikmatlar, 2004), "Xoja Ahmad Yassaviy „Devoni hikmat“ (I.Haqqul bilan hamkorlikda, 2006) kitoblari nashr etilgan.