Nodirabegim Ibrohimova
| Nodirabegim Ibrohimova | |
|---|---|
| Tavalludi |
1989-yil 18-iyul |
| Fuqaroligi |
 Oʻzbekiston |
| Kasbi | yozuvchi, tarjimon |
| Mashhur ishlari | „Anna Dostoyevskaya xotiralari“ tarjimasi |
| Mukofotlari | O‘zbekiston Yozuvchilar uyushmasining Xalqaro „Ogahiy“ mukofoti |
Nodirabegim Ibrohimova (toʻliq ismi: Nodirabegim Ibrohimova; 1989-yil 18-iyul; Oltiariq tumani, Farg‘ona viloyati, Oʻzbekiston) – oʻzbek yozuvchisi[1], tarjimon. Xalqaro jurnalist va adabiyotshunos. Falsafa fanlari bo‘yicha falsafa doktori. Oʻzbekiston yozuvchilari uyushmasi aʼzosi (2021). Roald Dalning „Bahaybat va mehribon devqomat“ asarini o‘zbek tiliga tarjima qilgani uchun Xalqaro Ogahiy mukofotining 2025-yilgi g‘olibi [2].
Nodirabegim Ibrohimova 2011-yil O‘zbekiston davlat jahon tillari universiteti Xalqaro jurnalistika fakultetida bakalavr va magistura bosqichlarini, Ijtimoiy ma'naviy tadqiqotlar institutining esa doktorantura bosqichini tamomlagan. Qisqa hikoyalari Rossiya, AQSh, Hindiston, Turkiya turli nashrlarida bir necha bor e’lon qilingan.
Ijodi
Nodirabegim Yozuvchilar uyushmasining 2016-yilgi „Isteʼdod maktabi“ VIII yosh ijodkorlar seminari nasr yoʻnalishi ishtirokchisi. Ijod fondi tomonidan 2017-yilda „Yoningdagi baxt“ hikoyalar toʻplami 10 ming nusxada chop etilgan. Shuningdek, „Jodugar yoxud ming yillik hayot“ va „Zulm va muhabbat“ nomli mualliflik qissalari, „Dunyodagi eng baxtli odam“, „Toʻy sovgʻasi“, „Hayotning besh tortigʻi“ nomli tarjimalar toʻplami nashr etilgan. 2018-yilda chop etilgan „Mitti hikoyalar: kecha va bugun“ nomli kitobning toʻplovchisi va soʻzi boshi muallifi. 2018-yilda „Amarantus“ adabiy agentligi tomonidan oʻtkazilgan tanlovda oʻzbek tilidan ingliz tiliga oʻgirilgan „Eng yaxshi tarjima“ nominatsiyasida 1-oʻrinni egallagan. 2017-yil noyabr oyida Shvetsiya davlatida oʻtkazilgan „Yevropa ochiq adabiyot festivali va kitob forumi“da finalchilar qatoridan joy olgan. Shu yil soʻnggida Yoshlar ittifoqi mukofotining nasr yoʻnalishi boʻyicha „Yilning eng yaxshi yosh ijodkori“ yoʻnalishida gʻoliblikni qoʻlga kiritgan.
Asarlari ro‘yxati
NASR:
- „Jodugar yoxud ming yillik hayot“
- „Yoningdagi baxt“
- „Men, dadam va Alsgeymer“
- „Oysiz tunlar“
NAZM:
- „Oqdan qizilga“[3]
TARJIMA:
- „Xotiralar“ – Anna Dostoyevskaya
- „Shaxsiy xona“ – Virjiniya Vulf
- „Forrest Gamp“ –Uinston Grum
- „Bolani qanday sevish kerak“ – Yanush Korchak
- „G‘ildiraklar ostida“ – Hermann Hesse
- „Orol“ – Oldos Haksli
- „Momaqaldiroqli dovon“ – Emili Bronte
- „So‘ng“ – Stiven King
- „Mayoq sari“ – Virjiniya Vulf
- „Orlando“ – Virjiniya Vulf
- „Milenaga maktublar“ – Franz Kafka
- „Ijarachi“ – Anna Bronte
- „Shovqin va g‘azab“ – Uilyam Folkner
- „Ezgulik va yovuzlikdan tashqarida“ – Fridrix Nitshe
- „D.ga maktub“ – Andre Gors
- „Jeyms va ulkan shaftoli“ – Roald Dal
- „Meni qo‘yib yuborma“ – Kadzuo Ishiguro
Manbalar
- ↑ O‘zbekiston Yozuvchilar uyushmasi. Dorilamon kunlar keldi. Toshkent: Adabiyot — 672-bet.
- ↑ „Ogahiy nomidagi xalqaro mukofot tanlovi g‘oliblari taqdirlandi“. Oyina.uz (2025-yil 24-dekabr). Qaraldi: 2025-yil 25-dekabr.
- ↑ Sirojiddin Sayyid, Farida Afro‘z. Dorilamon kunlar keldi. Toshkent: Adabiyot — 672-bet.