Nina Ananiashvili
| Nina Ananiashvili | |
|---|---|
 | |
| Tavalludi |
1963-yil 19-mart |
| Kasbi | balerina |
| Faoliyat yillari | 1981–hozirgacha |
| Turmush oʻrtogʻi | Grigol Vashadze (nikohi: 1988–hozirgacha) |
| Bolalari | 2 nafar |
Nina Ananiashvili (gruzincha: ნინო ანანიაშვილი; 1963-yil 19-martda tugʻilgan) – gruziyalik taniqli balerina, Gruziniya Davlat Balet truppasi badiiy rahbari. Daily Telegraph tomonidan „barcha davrlarning eng buyuk oʻn ikki balerinasi“ qatorida tilga olingan[1]. 2002-yilda esa AQShning „Dance Magazine“ jurnali tomonidan „Yilning eng yaxshi balerinasi“ deb eʼtirof etilgan. Ananiashvili oʻnlab yillar davomida Sovet, Rossiya va Gruziya balet sahnasida yetakchi ijrochilardan biri boʻlib kelgan.
Yoshlik yillari
Nina Ananiashvili 1963-yil 19-martda Gruziya SSRning Tbilisi shahrida dunyoga kelgan. Otasi Gedevan, ikki akasi George hamda Levanlar geolog boʻlishgan. Onasi Lia Gogolashvili esa filolog edi. Bolaligida Ananiashvilining sogʻligʻi zaif boʻlgan. Shu sababli 4 yoshida ota-onasi uning sogʻligini mustahkamlash maqsadida figurali uchish sportiga olib borishni boshlashgan. Ushbu sport boʻyicha oʻz iqtidorini namoyon etib, 10 yoshida oʻz yosh toifasida Gruziya chempioni boʻlgan.
1969-yilda Nina Ananiashvili Gruziya Davlat xoreografiya institutiga oʻqishga kirgan. U yerda Ananiashvilining birinchi ustozi Tamara Vykhodtseva edi. Shuningdek, Vaxtang Chabukiani ham Nina bilan shugʻullana boshladi. Keyinchalik uning iqtidori Moskva xoreografiya instituti oʻqituvchilarining ham eʼtiborini tortdi va ular Ninaning ota-onasini farzandinining tahsilni Moskvada davom ettirishiga koʻndirishdi. 1976-yilda Ananiashvili Moskva xoreografiya institutiga oʻqishga kirdi va u yerda Ninaga Natalya Zolotova ustozlik qildi. 1980-yilda Nina Ananiashvili ilk bor sahnaga chiqdi va „Coppélia“ baletida rol ijro etdi. 1981-yilda esa institutni tamomlab, Bolshoy teatrga ishga qabul qilindi.
Manbalar
- ↑ „12 of the greatest ballerinas of all time“ (2015-yil 8-dekabr). Qaraldi: 2018-yil 10-iyun.
Havolalar
- Rasmiy sayti
- Nina Ananiashvili IMDbda
- Uning uzun tarjimai holi va repertuarlari
- Nina Giselle (Wayback Machine saytida 2006-02-04 sanasida arxivlangan)
- Don Kixot Nina
- Balerina galereyasi – Nina Ananiashvili (Wayback Machine saytida 2016-03-08 sanasida arxivlangan)
- 1999-yilda „Yakoʻb yostigi“da „Manierizmning sehrlari“ni ijro etuvchi Nina Ananiashvili va „Bolshoi baletining prinsiplari“ arxiv tasvirlari
- 2010-yilda „Thai Pas de Deux“da „Jacob’s Pillow“da ijro etadigan Nina Ananiashvili va Gruziya davlat baletining arxivda koʻrinadigan tasvirlari
