Nikolay Stasyuk

Nikolay Stasyuk
Shaxsiy maʼlumot
Toʻliq ismi	Nikolay Nikolayevich Stasyuk
Tavallud sanasi	1956-yil 11-dekabr (69 yosh)
Tavallud joyi	Krasnodar oʻlkasi
Boʻyi	175 sm
Ampluasi	Darvozabon
Professional faoliyati*
Yillar	Jamoa
1979	Kolos (Oktyabrskiy)
1980—1981	Mashuk
1983—1992	Neftchi
1993	Kolos (Krasnodar)
1994	Kolos (Pavlovskaya)
1996	Rasvet (Troitskoe)
Boshqargan klublari
2000	Dinamo(Poltavskaya)
2002	Rus (Коrenovsk)
2004	Chernomorets
2006	Sochi-04
2011—2013	Slavyanskiy
2013—2015	Vityaz (Кrimsk)
	*Professional klublardagi gollari (ichki chempionat)

Nikolay Nikolayevich Stasyuk (ruscha: Стасюк, Николай Николаевич 1956-yil 11-dekabrda, Krasnodar oʻlkasining, Yekaterinovskayada tugʻilgan) – sovet, oʻzbek va rus futbolchisi, darvozabon hamda rossiyalik murabbiy.

Futbolchilik faoliyati

1979-yilda Oktabrskiy qishlogʻining „Kolos“ jamoasi safida oʻynagan. 1980-yildan 1981-yilgacha „Mashuk“ (Pyatigorsk) jamoasi sharafini himoya qilgan. SSSR Ikkinchi ligasining 2-mavsumida 25 ta oʻyinda maydonga tushgan. 1983-1992-yillar davomida Fargʻonaning "Neftchi" jamoasi safida toʻp surgan. "Neftchi" tarkibida SSSR chempionati ikkinchi va birinchi ligasida 269 ta, shuningdek, Oʻzbekiston oliy ligasida 24 ta oʻyinda maydonga tushib, 7 ta gol oʻtkazib yuborgan. Fargʻonaliklar tarkibida 1983, 1987, 1988, 1989 va 1990-yilgi mavsumlarida 5 marta SSSR ikkinchi ligasi zonasi gʻolibligini qoʻlga kiritgan. 1992-yilgi mavsumda ham 1 marta Oʻzbekiston chempioni boʻlgan.

1993-yilda oʻzbek klublarini tark etib, Krasnodarning „Kolos“ jamoasi safiga oʻtgan^[1]. 1993-yilgi mavsumda Rossiya Birinchi ligasining 25 oʻyinida maydonga tushib 30 ta gol oʻtkazib yuboradi. 1994 va 1996-yillarda havaskor jamoalar safida oʻynagan. Pavlovskaya qishlogʻining „Kolos“ jamoasi darvozasini himoya qilgan. Jamoa safida 7 ta uchrashuvda maydonga tushib, 10 ta gol oʻtkazib yuborgan. Shundan soʻng Troitskiy qishlogʻining „Rassvet“ klubi tarkibiga qoʻshilib, 18 ta uchrashuvda maydonga tushgan va 16 ta gol oʻtkazib yuborgan.

Murabbiylik faoliyati

Nikolay Stasyuk futbolchilik faoliyatini yakunlaganidan soʻng, murabbiylik bilan shugʻullana boshlagan. Stasyuk dastlab 2000-yilda Poltavskayaning „Dinamo“ klubini boshqargan. Oradan ikki yil oʻtib, 2002-yilda Korenovskning „Rus“ jamoasiga murabbiy etib tayinlangan. 2004-yilda Novorossiyskning „Chernomorets“ va 2006-yilda Sochining „Sochi-04“ klublarida murabbiy boʻlib ishlagan. Slavyansk-na-Kubanning „Slavyanskiy“ jamoasini 2011-2013-yillarda boshqargan. 2013-2015-yillarda Krimskning „Vityaze“ klubida murabbiylik faoliyatini davom ettirgan.

Yutuqlari

1 Oʻzbekiston chempioni: 1992-yil.

1 SSSR Ikkinchi ligasi zona gʻolibi: 1983, 1987, 1988, 1989, 1990-yillar.

Manbalar

↑ „1994.02.04: «Спартак» vs «Нефтчи» (Фергана, Узбекистан), Кубок ЧС“ (ru). WildStat.ru. 2014-yil 29-avgustda asl nusxadan arxivlangan. Qaraldi: 2022-yil 15-iyul.

Havolalar

Profil trenera na ofitsialnom sayte FK „Chernomores“^{[sayt ishlamaydi]}

[1] „1994.02.04: «Спартак» vs «Нефтчи» (Фергана, Узбекистан), Кубок ЧС“ (ru). WildStat.ru. 2014-yil 29-avgustda asl nusxadan arxivlangan. Qaraldi: 2022-yil 15-iyul.

[1]