Nikolay Chipev
| Shaxsiy maʼlumot | |||
|---|---|---|---|
| Tavallud sanasi | 20-fevral, 1989-yil | ||
| Tavallud joyi | Sofiya, Bolgariya | ||
| Boʻyi | 1.78 m | ||
| Ampluasi | Yarim himoyachi | ||
| Vazni | 71 kg | ||
Nikolay Chipev (bulg‘orcha: Николай Чипев; 1989-yil 20-fevralda tugʻilgan[1]; Sofiya, Bolgariya) — bolgariyalik futbolchi. Hozirda „Buxoro“ futbol klubi yarim himoyachisi.
Faoliyati
Nikolay Chipev Sofiyaning SSKA klubi tarbiyalanuvchisi. Chipev professional faoliyatini 2007-yilda aynan shu klubda boshlagan. „Armiyachilar“ tarkibida u bir mavsum oʻynadi. U yerda 21ta oʻyin oʻtkazdi va birorta ham gol ura olmadi (2008 va 2009-yillarda u „Bero“ va „Sportist“ da ijara asosida harakat qilgan). 2010-yilgi mavsumda Nikolay Chipev Plovdivning "Lokomotiv" klubiga oʻtdi va yerda bir mavsum davomida harakat qildi. 12 oʻyinda maydonga tushib, bitta gol urdi.
2011-yilda u Maltaning Hamrun Spartans klubi bilan shartnoma imzoladi. Hamrun Spartans klubi jamoasi tarkibida Chipev 6 oy oʻynadi va toʻqqizta oʻyinda maydonga tushib, bitta gol urdi. 2011-yilning ikkinchi yarmida Bolgariyaga qaytib, Montana safiga qoʻshildi. 2012-yilda yana ikki marta klubini almashtirib, „Vidima-Rakovski“ va „Slaviya Sofiya“da oʻynadi. Keyingi 2013—2014-yilgi mavsuda u Bolgariyaning turli ligalarda ishtirok etadigan klublari sharafini himoya qildi.
2014-yilning ikkinchi yarmida u Varnaning „Spartak“ jamoasida harakat qildi. 2015-yil boshida Nikolay Chipev Samarqandning „Dinamo“ jamoasi safiga oʻtgan[2]. Oʻsha yilning iyul oyida u Oʻzbekistonning boshqa klubi — „Buxoro“ga oʻtdi.
Terma jamoadagi faoliyati
2006-yilda Nikolay Chipev Bolgariya yoshlar terma jamoasidan taklif oldi. 2008-yilda esa Bolgariya yoshlar terma jamoasiga a‘zo boʻldi va yoshlar jamoasida sakkizta oʻyinda maydonga tushib, bitta gol urishga muvaffaq boʻldi.
Yutuqlari
- 2007-08-mavsmda Bolgariya chempioni
- 2008-yilda Bolgariya Superkubogi sohibi
Manbalar
- ↑ „Nikolay Chipev“. Qaraldi: 2023-yil 24-iyun.
- ↑ „«Динамо» Футбол клуби расмий веб сайти“. 2015-yil 2-aprelda asl nusxadan arxivlangan. Qaraldi: 2023-yil 1-iyul.