Nikolay Belov (muhandis)
| Nikolay Ivanovich Belov | |
|---|---|
| Tavalludi |
22-may 1912-yil Samarqand viloyati, Turkiston general-gubernatorligi |
| Vafoti |
11-fevral 1982-yil (69 yoshda) Moskva, SSSR |
| Fuqaroligi |
 SSSR |
| Sohasi | muhandis |
| Taʼlimi | Moskva energetika instituti |
| Mukofotlari |
 |
Nikolay Ivanovich Belov ( 22.5.1912, Rossiya imperiyasi, Samarqand viloyati, Romanovka qishlogʻi — 1982-yil, 2-noyabr, Moskva, SSSR) — raketalarni boshqarish tizimi sohasidagi sovet olimi, SSSR Artilleriya fanlari akademiyasi aʼzosi (19.12.1949), ikki marta Stalin mukofoti laureati (1943, 1946), RSFSRda xizmat koʻrsatgan fan va texnika arbobi (1975), texnika fanlari doktori (1946), professor (1950).
Hayoti
Nikolay Belov 1930-yil may oyida Moskva energetika institutining radio fakulteti talabasi boʻlgan. 1930-yil iyun-noyabr oylarida Germaniyadagi Telefunken zavodida ishchi boʻlib ishladi. 1931-yil yanvar oyida Moskvaga qaytib, oʻqishni davom ettirdi. 1934-yil dekabrdan SSSR Mudofaa Xalq Komissarligi Maxsus Texnik Byurosining texnik xodimi. 1937-yil noyabrdan laboratoriya mudirining oʻrinbosari, 1938-yil maydan Moskvadagi 20-sonli ilmiy-tadqiqot instituti laboratoriyasining katta muhandisi boʻlib ishlagan. Shu bilan birga, 1936—1941-yillarda Moskva energetika instituti aspiranturasida sirtdan o‘qigan. 1941-yil oktyabrdan Barnauldagi institut laboratoriyasining katta muhandisi. 1943-yil iyuldan katta ilmiy xodim, 1945-yil dekabrdan Moskvadagi elektrotexnika sanoat xalq komissarligining 20-sonli ilmiy-tadqiqot instituti laboratoriya mudiri boʻldi. 1945-yil iyun-oktyabr oylarida Germaniyada nemis reaktiv texnikasini oʻrganish uchun yuborildi. 20-sonli ilmiy-tadqiqot institutida ishlaganida u ikki marta Stalin mukofoti bilan taqdirlangan. Havo hujumida mudofaa zenit artilleriyasining maqsadli oʻq otishini ta'minlash uchun SON-2 oʻq-yoʻriqchi stansiyasini yaratish ishlarida qatnashgan.
1946-yil may oyida u M.S.Ryazanskiy bilan birgalikda NII-885ning (hozirgi "Rossiya kosmik asboblar muhandisligi ilmiy-tadqiqot instituti" Federal davlat unitar korxonasi) radioaloqa boʻlimiga koʻchib oʻtdi. 1946-yil iyun oyidan Aloqa sanoati vazirligining 885-sonli ilmiy-tadqiqot instituti boʻlim boshligʻi lavozimida ishlagan[1].
1953-yil iyun oyidan Radiotexnika sanoati vazirligining 648-sonli ilmiy-tadqiqot institutid ilmaiy ishlar boʻyicha direktor oʻrinbosari va bosh konstruktor lavozimida ishlagan.
Nikolay Belov Moskvada, Novodevichy qabristonida, oʻzining katta singlisi, fuqarolar urushi qatnashchisi, Qizil Bayroq ordeni bilan taqdirlangan birinchi ayollardan biri E.I.Belovaning yoniga dafn etilgan (45-qator, joy 36)[2].
Manbalar
- ↑ Академия артиллерийских наук Министерства вооруженных сил СССР. 1946-1953 гг.: краткая история. Документы и материалы, 2010.
- ↑ „сайт «Космический мемориал»“. 2022-yil 18-yanvarda asl nusxadan arxivlangan. Qaraldi: 2022-yil 17-yanvar.
Adabiyotlar
- Академия артиллерийских наук Министерства вооруженных сил СССР. 1946-1953 гг.: краткая история. Документы и материалы.
- РГАСПИ. Ф. 17. Оп. 100. Д. 329310 (личное дело); учётная карточка члена КПСС № 06112899 (образца 1973 г.);
- Архив РАН. Ф. 524. Оп. 9. Д. 45. Л. 1-28 (личное дело).