Nervizm

Nervizm — odam va yuqori darajada tuzilgan umurtqali hayvonlar organizmidagi barcha funksiyalar va fiziologik jarayonlarni boshqaruvchi bosh omil — nerv sistemasi degan gʻoyaga asoslangan yoʻnalish. Nervizm terminini fanga I. P. Pavlov kiritgan (1883-yil), S. P. Botkin, I. M. Sechenov va uning izdoshlari ham asarlarida nervizm gʻoyasiga asos solgan. Asosiy N. I. P. Pavlovning oliy nerv sistemasi, shartsiz reflekslar va shartli reflekslar haqidagi taʼlimotidir. Hozirgi neyrogumoral regulyasiya haqidagi tushunchaga koʻra, organizmdagi fiziologik jarayonlarni boshqarishda nafaqat nerv sistemasi, balki boshqa nerv va gumoral omillar ham ishtirok etadi.