Natalia Kałucka
| Natalia Kałucka | |
|---|---|
.jpg) Natalia Kałucka 2020-yilda | |
| Shaxsiy maʼlumotlari | |
| Fuqaroligi |
 Polsha |
| Tavallud sanasi |
2001-yil 25-dekabr Tarnów, Polsha |
| Boʻyi | 165 cm |
| Sport | |
| Qaysi sport | Qoyaga chiqish |
| Sport mukofotlari | ||
|---|---|---|
| Butunjahon o‘yinlari | ||
| Kumush | Birmingham | Tezlik |
| IFSC qoyaga chiqish bo‘yicha jahon chempionati | ||
| Oltin | Moskva 2021 | Tezlik |
Natalia Kałucka (2001-yil 25-dekabrda tugʻilgan) – polshalik qoyaga chiqish sporti bilan shugʻullanadi, asosan tezlik yoʻnalishida musobaqalarda ishtirok etadi[1][2][3]. U Jahon chempionati, Yevropa chempionati hamda Yevropa oʻyinlari gʻolibi, shuningdek, Butunjahon oʻyinlari kumush medali sohibasi[4].
Kałucka ayollar oʻrtasida qoyaga chiqish sportining tezlik yoʻnalishi boʻyicha quyidagi yirik musobaqalarda oltin medalga sazovor boʻlgan: 2021-yilgi Jahon chempionati, 2023-yilgi Yevropa oʻyinlari hamda 2024-yilgi Yevropa chempionati. Uning egizak singlisi Aleksandra Kałucka ham tezlik boʻyicha qoyaga chiqish sportida faoliyat olib boradi[5].
Faoliyati
Natalia Kałucka ilk bor 8 yoshida qoyaga chiqish sportida oʻzini sinab koʻrgan.
U xalqaro miqyosdagi debyutini 2015-yilda oʻtkazgan. Tarnów shahrida oʻtkazilgan yoshlar oʻrtasidagi Yevropa kubogida tezlik boʻyicha 14-oʻrinni egallagan. 2016-yilda xuddi shu musobaqada u kumush medalni qoʻlga kiritgan.
2018-yilgi yoshlar oʻrtasidagi Yevropa kubogi bosqichlarida – Vuaronda va Bolonyada oltin, Medzolombardoda esa kumush medalga sazovor boʻlgan. Shuningdek, u Imstdagi Yevropa chempionatida va Moskvadagi yoshlar oʻrtasidagi jahon chempionatida tezlik boʻyicha chempionlikni qoʻlga kiritgan. Shu yili u kattalar oʻrtasidagi Jahon kubogida Shamonida debyut qilgan: tezlikda 20-oʻrinni, murakkablik (lead) yoʻnalishida esa 84-oʻrinni egallagan.
2020-yilda Tarnówdagi Yevropa yoshlar kubogida tezlik boʻyicha yana kumush medalni qoʻlga kiritgan.
2021-yildan boshlab Kałucka musobaqalarda faqat tezlik yoʻnalishida ishtirok eta boshlagan. Moskva shahrida oʻtkazilgan Jahon chempionatida u oltin medalni qoʻlga kiritgan. Shu yili Insbrukda oʻtkazilgan talabalar oʻrtasidagi jahon chempionatida uchinchi oʻrinni egallagan.
2022-yilda Salt Lake City (AQSH)dagi Jahon kubogi bosqichida bronza medalini qoʻlga kiritgan. Butunjahon oʻyinlarida ikkinchi oʻrinni egallagan. Myunxendagi Yevropa chempionatida bronza medali, Tarnówdagi Yevropa kubogi bosqichida kumush medal, Edinburg va Jakartadagi Jahon kubogi bosqichlarida esa ikkita kumush medalni qoʻlga kiritgan.
2023-yilda u Yevropa kubogida Tarnów va Bolonyadagi bosqichlarda ikkinchi oʻrinni egallagan. Seul va Uszyandagi Jahon kubogi bosqichlarida kumush medal, Villardagi bosqichda esa oltin medalni qoʻlga kiritgan. Yil yakunida u Jahon kubogining tezlik yoʻnalishidagi umumiy reytingida gʻolib deb eʼlon qilingan.
Yutuqlari
IFSC qoyaga chiqish bo‘yicha jahon chempionati
| Yo‘nalish | 2018[6] | 2019[6] | 2021[7] | 2023[6] |
|---|---|---|---|---|
| Tezlik | 10 | 10 | 1 | 9 |
| Xarsangtosh | 92 | |||
| Qiyalik | 75 | |||
| Kombinatsiyalangan | 36 |
Manbalar
- ↑ „Natalia Kałucka is a world champion!“ (Polish) (2018-yil 9-avgust). Qaraldi: 2022-yil 26-may.
- ↑ Shefferd, Neil „Boldyrev and Kalucka take speed titles on opening day of IFSC World Championships“. Inside the Games (2021-yil 16-sentyabr). Qaraldi: 2022-yil 26-may.
- ↑ „World Cup Moscow 2021: Natalia Kalutska is the world champion! Ola Mirosław with bronze“ (2021-yil sentyabr). Qaraldi: 2022-yil 26-may.
- ↑ „IFSC Climbing World Championships Results“, International Federation of Sport Climbing
- ↑ Kalemba, Thomas „An amazing story of Polish twin sisters. One of them became a world champion“. Onet Sport (2021-yil 25-sentyabr). Qaraldi: 2022-yil 26-may.
- ↑ 6,0 6,1 6,2 „Sport toqqa chiqish xalqaro federatsiyasi rasmiy vebsayti“ (en). www.ifsc-climbing.org. Qaraldi: 2024-yil 2-may.
- ↑ Gunston, Jo „Polyak egizak alpinistlar: Natalya va Aleksandra Kalutska — og‘ir tug‘ilgan kunlardan jahon chempionligigacha“.
Havolalar
Natalia Kałucka IFSCda[sayt ishlamaydi]