Natalia Barbu
| Natalia Barbu | |
|---|---|
.jpg) Barbu 2024 -yilda | |
| Tavalludi |
1979-yil 22-avgust |
| Kasbi |
|
| Faoliyat yillari | 2001-yildan hozirgacha |
| Mukofotlari | |
| Veb-sayti | barbunatalia.com |
Natalia Barbu (1979-yil 22-avgustda tugʻilgan) — [[moldovalik qo‘shiqchi va qo‘shiq muallifi. U Moldova nomidan Eurovision qoʻshiq tanlovi 2007da „Fight“ qoʻshigʻi bilan ishtirok etgan[1]. Bundan tashqari yana 2024-yilda Eurovision qoʻshiq tanlovi 2024da „In the Middle“ qoʻshigʻi bilan mamlakati nomidan chiqqan.
Musiqa faoliyati
Faoliyati davomida Barbu moldovalik Trigon guruhi bilan alternativ jazz-folk tajribalarida ham hamkorlik qilgan. U oʻz qoʻshiqlarining matnlarini yozadi, musiqasini bastalaydi va oʻz jamoasi bilan ishlagan. 2006-yilda u Buxarestdagi Sony Music ofisiga qarashli Cat Music Records bilan uch yillik shartnoma imzolagan.
Barbuning eng katta muvaffaqiyatlaridan biri — Ruminiyada chiqqan „Îngerul meu“ („Mening farishtam“) qoʻshigʻi. Ushbu qoʻshiq Ruminiya Top 100 chartida birinchi oʻrinni egallab, 11 hafta davomida reytinglarda yuqori pogʻonada turgan.
.jpg)
2006-yil 14-dekabrda Barbu Moldova nomidan Eurovision qoʻshiq tanlovi 2007da ishtirok etish uchun tanlangan. U „Fight“ qoʻshigʻini ijro etgan[2]. Yarim finaldan oʻtib, 2007-yil 12-may kuni boʻlib oʻtgan finalda u 10-oʻrinni egallagan va 109 ball toʻplagan[3].
2012-yilda Barbu prodyuser Radu Sîrbu va qoʻshiq muallifi Ana Sîrbu bilan hamkorlikni boshlagan. Oʻsha yil yozida u „I Said Itʼs Sad“ qoʻshigʻini chiqargan va bu uning uslubidagi muhim oʻzgarish sifatida baholangan. Qoʻshiq Moldova Top 10 Airplay chartida 1-oʻrinni egallagan. Keyinchalik u „Iubire Cu Aroma De Cafea“ va „Confession“ qoʻshiqlarini chiqargan. Ular Eurovision qoʻshiq tanlovi 2013 Moldova milliy tanlovida ishtirok etgan[4].
Barbu Etapa națională 2024 — Moldova milliy tanlovida „In the Middle“ qoʻshigʻi bilan ishtirok etgan[5]. U 2024-yil 13-yanvar kuni saralash bosqichida 1-oʻrinni egallab, yarim final bosqichiga yoʻllanmani qoʻlga kiritgan[6]. Finalda u Moldova vakili sifatida tanlangan. Biroq, Eurovision qoʻshiq tanlovi 2024 ning birinchi yarim finalida 15 ishtirokchi orasida 13-oʻrinni egallab, finalga chiqa olmagan.
Shaxsiy hayoti
2011-yilda Barbu ruminiyalik biznesmen bilan turmush qurgan va hozirda u bilan Ruminiyada yashaydi[7]. Ularning ikki farzandi bor.
Diskografiyasi
- Între ieri și azi (soʻzma-soʻz tarjimasi — „Kecha va bugun o‘rtasida“) (2001)
- Zbor de dor (2003)
- Interpreta Natalia Barbu (2009)
- La capătul cerului (2021)
Intervyusi
Barbu Vikipediya uchun intervyu bergan: <phonos file="Natalia.Barbu-interview-by-Tronic-2007-06-22.ogg">tinglash</phonos>
Manbalar
- ↑ „Natalia Barbu not participating again in ESC 2008 because of cost“. Oiko Times. 2008-yil 14-iyunda asl nusxadan arxivlangan.
- ↑ Viniker, Barry „Exclusive: It's Natalia Barbu For Moldova“. ESC Today (2006-yil 14-dekabr). Qaraldi: 2013-yil 8-iyun.
- ↑ „Eurovision Song Contest 2007 Final“. Eurovision Song Contest. Qaraldi: 2013-yil 7-iyun.
- ↑ „Bio of Natalia Barbu“. Rassada Music.
- ↑ Farren, Neil „Moldova: Etapa Națională 2024 Audition Participants Revealed“ (2023-yil 26-dekabr).
- ↑ Farren, Neil „Moldova: Etapa Națională 2024 Finalists Selected“ (2024-yil 13-yanvar).
- ↑ „Romania: Natalia Barbu Wants To Represent Her New Home“.