Narniya yilnomalari (filmlar seriyasi)
| Narniya yilnomalari | |
|---|---|
| Narniya yilnomalari | |
 Rasmiy film seriyasi logotipi | |
| Rejissyor(lar) |
Andrew Adamson (1–2) Michael Apted (3) |
| Prodyuser(lar) |
Mark Johnson (1–3) Philip Steuer (1–3) Andrew Adamson (2–3) |
| Ssenariy muallif(lar)i |
Ann Peacock (1) Andrew Adamson (1–2) Christopher Markus (1–3) Stephen McFeely (1–3) Michael Petroni (3) |
| Qaysi asarga asoslangan |
Narniya yilnomalari, muallif: C. S. Lewis |
| Rollarda |
Georgie Henley Skandar Keynes William Moseley Anna Popplewell Ben Barnes Will Poulter Tilda Swinton Liam Neeson |
| Bastakor(lar) |
Harry Gregson-Williams (1–2) David Arnold (3) |
| Operator(lar) |
Donald McAlpine (1) Karl Walter Lindenlaub (2) Dante Spinotti (3) |
| Montajyor(lar) |
Sim Evan-Jones (1–2) Rick Shaine (3) |
| Studiya |
Walden Media (1–3) Fox 2000 Pictures (3) Walt Disney Pictures (1–2) |
| Distribyutor |
20th Century Fox (3) Walt Disney Studios Motion Pictures (1–2) |
| Premyera sanasi |
2005–2010 |
| Davomiylik | 406 daqiqa (1–3) |
| Mamlakatlar |
.svg){kind=small} Buyuk Britaniya  AQSH |
| Til | inglizcha |
| Byudjet | Umumiy (3 film): $560 000 000 |
| Daromad | Umumiy (3 film): 1 580 364 900 |
Narniya yilnomalari – yozuvchi C. S. Lewisning xuddi shu nomdagi romanlari asosida yaratilgan fantastik film seriyasi va media franshizasidir. Seriya Narniya olamidagi bolalar sarguzashtlari haqida boʻlib, ularga Narniyaning haqiqiy hukmdori, dono va qudratli, soʻzlash qobiliyatiga ega boʻlgan arslon Aslan yoʻl koʻrsatadi. Filmlarda asosiy qahramonlar sifatida Pevensie aka-singillar koʻzga tashlanadi, asosiy salbiy qahramon esa Oq jodugar (Qirolicha Jadis nomi bilan ham tanilgan) hisoblanadi. Franshiza, shuningdek, qisqa metrajli filmlar, raqamli seriallar va video oʻyinlarni ham oʻz ichiga oladi.
Yetti kitobdan uchtasi – Arslon, jodugar va javon (2005), Shahzoda Caspian (2008) va Ezgulik kurashchilarining sayohati (2010) ekranlashtirilib, ular butun dunyo boʻylab 1,5 milliard dollardan ortiq daromad keltirdi (garchi har bir film chiqarilishi bilan tanqidga uchragan va tijorat muvaffaqiyati pasayib borgan boʻlsa-da). Dastlabki ikkita filmni Andrew Adamson, uchinchi filmni esa Michael Apted suratga olgan. Barchasi Walden Media tomonidan ishlab chiqarilgan. 2018-yilda Netflix uchun yangi ekranizatsiyalar yaratilishi eʼlon qilingach, Walden seriyasidagi toʻrtinchi film rejasi bekor qilindi[1].
Yaratilish tarixi
C. S. Lewis hayotligida Narniya yilnomalari romanlari asosida film suratga olish huquqlarini hech kimga sotmagan, chunki u oʻsha davr texnologiyasi bilan asaridagi moʻjizaviy elementlar va sehrli mavjudotlarni ishonarli tarzda aks ettirish imkonsiz deb hisoblagan. Faqat kompyuter grafikasidagi hayvonlar ishtirokidagi namunaviy lavhani koʻrgach, uning oʻgay oʻgʻli va adabiy meros boshqaruvchisi Douglas Gresham film ekranlashtirishiga ruxsat bergan.
Dastlab film seriyasi kitoblar chop etilgan tartibda suratga olinishi rejalashtirilgan edi. Biroq keyinchalik xabar berilishicha, The Silver Chair oʻrniga Narniya yaratilishini hikoya qiluvchi Jodugarning jiyani toʻrtinchi film sifatida tanlangan. Bu qaror, ehtimol, The Voyage of the Dawn Treader oldingi ikki filmga nisbatan kamroq daromad keltirgani sababli, seriyani „qayta boshlash“ maqsadida qabul qilingan boʻlishi mumkin[2]. 2011-yil mart oyida Walden Media The Magicianʼs Nephew seriyadagi keyingi film boʻlishi rejalashtirilganini tasdiqlagan, biroq loyiha hali ishlab chiqilish bosqichiga kiritilmaganini bildirgan[3].
2011-yil oktyabr oyida Douglas Gresham maʼlum qilishicha, Walden Medianing C. S. Lewis merosi bilan tuzilgan shartnomasi muddati tugagan. U, shuningdek, shartnomani qayta uzaytirishdagi tanaffus kelajakdagi filmlar yoʻnalishiga oid qarashlar oʻrtasidagi kelishmovchiliklar bilan bogʻliq boʻlganini taxmin qilgan[4]. Keyinchalik, 2013-yil 1-oktabrda The C. S. Lewis Company yangi hamkorlikni eʼlon qildi. Ular The Mark Gordon Company bilan qoʻshma ishlab chiqarish shartnomasini imzolashdi va shu bilan birga The Chronicles of Narnia: The Silver Chair filmi rasmiy ravishda ishlab chiqishdan oldingi bosqichga kirgani haqida eʼlon qilindi[5].
Netflix tomonidan qayta ekranlashtirish
2018-yil 3-oktabrda Netflix va The C. S. Lewis Company oʻrtasida Narniya yilnomalari asarlari asosida yangi filmlar va teleseriallar seriyasini yaratish boʻyicha koʻp yillik hamkorlik shartnomasi imzolangani eʼlon qilindi[6]. Ushbu eʼlon bilan „The Silver Chair“ haqida ilgari maʼlum qilingan barcha rejalar oʻz kuchini yoʻqotdi[7][8][9][10].
Yana qarang
- Narniya haqida umumiy maʼlumot
- The Chronicles of Narnia (serial, 1988–1990-yillar)
- The Lion, the Witch and the Wardrobe (1979-yilgi film)
Manbalar
- ↑ „Netflix to develop series and films based on C.S. Lewis' beloved THE CHRONICLES OF NARNIA“ (en). Netflix Media Center. Qaraldi: 2019-yil 5-may.
- ↑ Moring, Mark „The Lion, the Witch, and the Box Office“. Christianity Today (2011-yil 7-aprel). Qaraldi: 2011-yil 1-may.
- ↑ „'Narnia': Walden, Fox in discussions on 'The Magician's Nephew'“. Inside movies. EW (2011-yil 23-oktyabr). 2014-yil 14-iyulda asl nusxadan arxivlangan. Qaraldi: 2025-yil 25-noyabr.
- ↑ „Gresham Shares Plans for Next Narnia Film“. Narnia Web (2012-yil may).
- ↑ „Fourth "Chronicles of Narnia" Movie in Works from Mark Gordon Co“. Deadline (2013-yil oktyabr).
- ↑ Otterson, Joe (October 3, 2018). „'Chronicles of Narnia' Series, Films in the Works at Netflix“. Variety. Qaraldi: October 3, 2018.
- ↑ Andreeva, Nellie. „Netflix to Develop 'The Chronicles of Narnia' TV Series & Films“. Deadline Hollywood (2018-yil 3-oktyabr). Qaraldi: 2018-yil 28-dekabr.
- ↑ Hibberd, James (3 October 2018). „The Chronicles of Narnia being made into new movies by Netflix“. Entertainment Weekly. Qaraldi: 28 December 2018.
- ↑ Schwartz, Terri „Netflix's Chronicles of Narnia Reboot Hires Its 'Creative Architect'“. IGN (2019-yil 12-iyun). Qaraldi: 2019-yil 16-iyun.
- ↑ Labonte, Rachel „Narnia Producer Hopes Reboot is Episodic But Hasn't Heard From Netflix“. Screen Rant (2020-yil 11-may). Qaraldi: 2021-yil 19-fevral.