Kontent qismiga oʻtish

Nafisa Moʻminova

ZiyoSfera, erkin ensiklopediya
(Nafisa Mo‘minovadan yoʻnaltirildi)

Ziyosferada ismi Nafisa va familiyasi Moʻminova boʻlgan boshqa kishilar haqida ham maqolalar mavjud.
Nafisa Moʻminova
Shaxsiy maʼlumotlari
Jinsi Ayol
Fuqaroligi Oʻzbekiston bayrogʻi Oʻzbekiston
Tavallud sanasi 1990-yil 1-fevral (1990-02-01) (36 yosh)
Toshkent
Sport
Qaysi sport shaxmat

Nafisa Moʻminova (tugʻ. 1990-yil 1-fevral, Toshkent) — oʻzbek shaxmatchisi, ayollar oʻrtasida grossmeyster (2013)[1]. Oʻzbek shaxmatchilari orasida birinchi boʻlib xalqaro grossmeyster unvonini qoʻlga kiritdi[2].

Biografiyasi

Nafisa toʻrt yoshida otasi unga shaxmat oʻynashni oʻrgatgan. Fargʻona viloyati Oʻzbekiston viloyati 2-sonli bolalar va oʻsmirlar sport maktabi bitiruvchisi[3]. 2007-yili Nafisa Moʻminova shaxmat boʻyicha qizlar oʻrtasida oʻtkazilgan Oʻzbekiston chempionatida gʻoliblikni qoʻlga kiritdi. 2008-yili Tehronda shaxmat boʻyicha oʻsmirlar oʻrtasidagi Osiyo chempionatida 18 yoshgacha boʻlgan qizlar oʻrtasida ikkinchi oʻrinni egalladi. U shaxmat boʻyicha ayollar oʻrtasidagi Oʻzbekiston chempionatining koʻp karra laureati boʻlib, ikkita oltin (2008, 2011), kumush (2009) va ikkita bronza (2005, 2007) medallarini qoʻlga kiritgan.

Shaxmat boʻyicha ayollar oʻrtasidagi jahon chempionatida qatnashgan:

  • 2008-yilda Nalchikda birinchi raundda Tatyana Kosintsevaga yutqazdi[4] ;
  • 2010-yilda Antakyada birinchi raundda Chju Chenga yutqazdi[5].

U FIDE (2013-2014) ayollar oʻrtasidagi "Gran-pri"da qatnashgan, ammo toʻrtta turnirda oʻninchi oʻrindan yuqoriga koʻtarila olmadi[6].

Nafisa toʻrtta shaxmat olimpiadasida (2008-2012, 2016) Oʻzbekiston sharafini himoya qilgan. U ikki marta (2008, 2016) ayollar jamoalari oʻrtasidagi Osiyo chempionatlarida qatnashgan va jamoaviy bahslarda kumush medalni (2016) qoʻlga kiritgan[7]. 2010- yilda Osiyo oʻyinlarining shaxmat boʻyicha ayollar oʻrtasidagi jamoaviy turnirida qatnashib, jamoaviy bahslarda bronza medalini qoʻlga kiritgan[8]. Shuningdek, 2009-yil Yopiq inshootlardagi Osiyo oʻyinlarining ayollar oʻrtasidagi shaxmat boʻyicha jamoaviy turnirida qatnashib, jamoaviy bahsda kumush medalni qoʻlga kiritdi[9].

Manbalar

  1. ↑ „Title Applications (WGM): Muminova, Nafisa“. 2016-yil 25-martda asl nusxadan arxivlangan. Qaraldi: 2021-yil 26-noyabr.
  2. ↑ https://www.gazeta.uz/ru/2013/03/07/muminova/
  3. ↑ „arxiv nusxasi“. 2017-yil 2-iyunda asl nusxadan arxivlangan. Qaraldi: 2021-yil 26-noyabr.
  4. ↑ 2008 FIDE Knockout Matches
  5. ↑ 2010 FIDE Knockout Matches
  6. ↑ 2013-2014 FIDE Womenʻs Grand Prix
  7. ↑ OlimpBase :: Womenʻs Asian Team Chess Championship :: Nafisa Muminova
  8. ↑ OlimpBase :: Asian Games (chess — women) :: Nafisa Muminova
  9. ↑ OlimpBase :: Asian Indoor Games (chess) :: Nafisa Muminova 
"https://ziyosfera.uz/index.php?title=Nafisa_Moʻminova&oldid=653855" dan olindi