Nadеjda Kеvоrkоva
| Nadejda Vitalyevna Kevorkova | |
|---|---|
| Наде́жда Вита́льевна Кево́ркова | |
 | |
| Tavalludi |
|
| Fuqaroligi |
 Rossiya |
Nadejda Vitalyevna Kevorkova (ruscha: Наде́жда Вита́льевна Кево́ркова; 1958-yil 25-oktyabr, Moskva) – rossiyalik jurnalist va yozuvchi.
Hayoti
Nadejda Kevorkova 1958-yil 25-oktyabrda Moskvada tugʻilgan. Moskva davlat universitetining tarix fakultetida tahsil olgan. Oʻz xotiralariga koʻra, u jurnalistika sohasiga 1988-yilda Aleksandr Ogorodnikov bilan tanishganidan soʻng kirib kelgan. Ular birgalikda dastlab „Бюллетень христианской общественности “ almanaxini, keyinchalik esa „Вестник христианской демократии “ gazetasini nashr etishni boshlagan. 1992-yildan boshlab Kevorkova „Radonej“ pravoslav gimnaziyasida faoliyat yuritgan[1].
1997–2002-yillarda „НГ Религии “ nashrining doimiy sharhlovchisi boʻlgan[1]. 1998-yilda „Независимой газеты “ning AQSHdagi maxsus muxbiri sifatida faoliyat yuritgan. Livan, Afgʻoniston, Pokiston, Eron, Iroq, Turkiya, Sudan, Suriya, Gʻazo va Shimoliy Kavkazda reportyor boʻlib ishlagan[1].
Russia Today sharhlovchisi, „Nezavisimaya gazeta“, „Novaya gazeta“, „Gazeta (Gazeta)“, „Ogonyok“, „Russkiy Newsweek“ va boshqa ommaviy axborot vositalaridagi maqolalar muallifi hisoblanadi. Zamonaviy dunyoda pravoslavlik va din mavzusida koʻplab maqolalar yozgan[1]. Bundan tashqari, Kevorkova „Katta Rossiya ensiklopediyasi“ uchun bir qator maqolalar tayyorlagan[2].
„Джихад русской литературы “ hujjatli serialining muallifi va boshlovchisi.
2010-yilda u International Women of Courage Award mukofotiga nomzod etib koʻrsatilgan.
2024-yil may oyida u terrorizmni oqlashda ayblanib qamoqqa olingan (Rossiya Federatsiyasi Jinoyat kodeksining 205.2-moddasi 2-qismi). Jinoyat tarkibi uning shaxsiy telegram kanalidagi 2018-yildagi xabarida hamkasbi va doʻsti Oʻrxon Jamolning (Markaziy Afrika Respublikasida oʻldirilgan) matnidan keltirgan iqtibosida, shuningdek, 2021-yilda „Tolibon“ bilan bogʻliq boshqa xabarida koʻrilgan[3].
2025-yil 12-martda Moskvaning Ikkinchi Gʻarbiy okrug harbiy sudi Nadejda Kevorkovani „terrorizmni oqlash“ ishi boʻyicha 600 ming rubl miqdorida jarimaga hukm qildi[4]. Dastlab, hukmda 700 ming rubl jarima miqdori koʻrsatilgan edi, biroq jurnalistning tergov hibsxonasida oʻtkazgan vaqtini inobatga olib, u 600 ming rublgacha kamaytirildi[5]. Ayblov tomoni unga 500 ming rubl jarima va besh yil davomida internetda yozishni taqiqlash bilan birga 6 yillik koloniyada jazolashni talab qilgan edi. Kevorkovaning oʻzi aybini tan olmadi. U sud zalida qamoqdan ozod etildi[6].
Shaxsiya hayoti va oilasi
Oʻgʻli – jurnalist Vasiliy Polonskiy[d]. Uning otasi Andrey Valentinovich Polonskiy. Nabirasi bor. 2022-yil fevralgacha „Dojd“ telekanalida ishlagan, kanal yopilgandan soʻng esa „Живой гвоздь “ YouTube kanalida faoliyatini davom ettirgan.
Sobiq turmush oʻrtogʻi – 1966-yilda tugʻilgan jurnalist va siyosatchi Maksim Shevchenko[7][8][9].
Asarlari
- Палестина. Сопротивление. Москва: Сам Полиграфист, 2013 — 220-bet. ISBN 978-5-00077-037-5.
- Если я забуду тебя, Иерусалим.. Москва: Перо, 2017 — 199-bet. ISBN 978-5-906961-85-3.
- Falastin: Agar oʻlishim lоzim boʻlsa…, Hamid Sodiq tarjimasi, Toshkent.
Manbalar
- ↑ 1,0 1,1 1,2 1,3 Надежда Кеворкова: Церковь не нуждается в журналистике! Wayback Machinedagi asl nusxadan arxivlangan arxiv nusxasi. (2-dekabr 2020-yil) // Православие и мир, 02.10.2010
- ↑ Masalan, „Dvoryan institutlari“ maqolasi.
- ↑ Jurnalistku Kevorkovu arestovali po delu ob opravdanii terrorizma Wayback Machinedagi asl nusxadan arxivlangan arxiv nusxasi. (16-may 2024-yil) // РБК, 07.05.2024
- ↑ „Суд в РФ приговорил журналистку Надежду Кеворкову к штрафу“ (ru). Deutsche Welle (2025-yil 12-mart). 2025-yil 18-martda asl nusxadan arxivlangan. Qaraldi: 2025-yil 17-mart.
- ↑ „Журналистке Кеворковой назначен штраф в 600 тысяч рублей“ (ru). Радио Свобода (2025-yil 12-mart). 2025-yil 18-martda asl nusxadan arxivlangan. Qaraldi: 2025-yil 17-mart.
- ↑ „Журналистке Надежде Кеворковой назначили 600 тысяч рублей штрафа по делу об оправдании терроризма из‑за двух постов в телеграме“ (ru). Медиазона (2025-yil 12-mart). 2025-yil 18-martda asl nusxadan arxivlangan. Qaraldi: 2025-yil 17-mart.
- ↑ „Приплыли“. 2016-yil 4-martda asl nusxadan arxivlangan. Qaraldi: 2015-yil 14-oktyabr.
- ↑ „Жена Шевченко: неевреи ЦАХАЛа ненавидят палестинцев“. 2016-yil 4-martda asl nusxadan arxivlangan. Qaraldi: 2015-yil 14-oktyabr.
- ↑ „Максим Шевченко: Надежда Кеворкова насильно удерживается на территории Израиля“. 2018-yil 1-fevralda asl nusxadan arxivlangan. Qaraldi: 2015-yil 14-oktyabr.