NOʻSHIRAVON

Noʻshiravon
Qishloq
Mamlakat	Oʻzbekiston
Viloyat	Jizzax viloyati
Tuman	Baxmal tumani

Noʻshiravon — Jizzax viloyati Baxmal tumanidagi qishloq aholi punkti. U Sangzor mahalla fuqarolar yigʻini hududida joylashgan.

Etimologiyasi

Mutaxassislar qishloq nomidagi noʻsh soʻzini qadimiy soʻgʻd tilidagi goʻzal, yaltiroq maʼnolarini anglatgan nuj soʻzi bilan bogʻlaydilar. Oykonim tarkibidagi ravon soʻzining kelib chiqishi esa turli talqinlarga ega.

Baʼzi tadqiqotchilar ravon soʻzini tekis yoki silliq maʼnolaridan tashqari loyiq, munosib yoki joiz maʼnolarida ham izohlaydilar. Ayrim qarashlarga koʻra, ravon soʻzi ravot (yoʻl boʻyidagi qoʻrgʻon yoki karvonsaroy) soʻzining mahalliy talaffuzda oʻzgargan shakli bo‘lishi mumkin.

Yana bir talqinga ko‘ra, soʻgʻd tilidagi nuj (yangi) soʻzi oʻzbek tilida noʻsh shakliga oʻzgargan, ravon esa ravot soʻzining oʻzgargan koʻrinishi hisoblanadi. Shu bois ayrim tadqiqotchilar Noʻshiravon nomini aslida Yangiravot shaklidan kelib chiqqan deb talqin qiladilar.