Kontent qismiga oʻtish

Muzun Almellehon

ZiyoSfera, erkin ensiklopediya
Fayl:Muzoon Almellehan - Global Citizen Festival Hamburg 01.jpg
Muzun Almellehon Gamburgdagi Global Citizen Festivalida (2017)

Muzun Almellahon (arabcha: مزون المليحان‎‎; 1999-yilda tugʻilgan) — suriyalik faol va qochqin. Suriyalik qizlarning maktabda qolishi uchun olib borgan ishlari bilan tanilgan. „Suriyaning Malalasi“ deb ham atashgan[1]. 2017-yil iyun oyida UNICEFning eng yosh „Ezgu niyat elchisi“ga aylangan[2].

Hayoti

Almellahon 1999-yil 16-aprelda Imon va Rokon Almellahonlar oilasida tugʻilgan[3]. U Suriyaning Darʼo shahrida ulgʻaygan[1][3]. Otasi maktab oʻqituvchisi boʻlgan[3]. Uning ikki ukasi va bir singlisi bor[1][3]. Suriya fuqarolar urushi boshlangach, ular yashab turgan shahar hukumat tomonidan qamal qilingan. 2014-yil boshlarida janglar keskinlashgach, oilasi Iordaniyaga koʻchib oʻtgan va 3 yil davomida qochqinlar lagerlarida yashagan[1]. Almellahon oilasi bir necha bor koʻchishga majbur boʻlgan. Ular Darʼodan qochib, Iordaniyadagi qochqinlar lagerlaridan panoh izlaganida Muzun oʻzi bilan faqat kitoblarini olganini aytgan, chunki uning uchun eng muhim narsa taʼlim boʻlgan[4]. Ular yashagan birinchi lager Zaʼatari boʻlib, keyinchalik u yerdan Iordaniyadagi yana bir lager Azraqqa koʻchishgan[5]. U yerda boʻlgan paytda oilasiga Kanada yoki Shvetsiyaga koʻchib borish takliflari tushgan. Almellahonning otasi logistika sabablariga koʻra bu takliflarni rad etgan[5]. Keyinchalik Almellahon 2015-yil sentyabrida David Cameron eʼlon qilgan reja doirasida oilasining Buyuk Britaniyaga koʻchishini kelishib olgan[5], bu rejaga koʻra Britaniya hukumati 20 0000 nafar suriyalik qochqinni qabul qilishni rejalashtirgan edi[1]. Ikki yarim oy oʻtib, oila Nyukaslga olib kelingan[5] va ular Buyuk Britaniyaga qabul qilingan ilk suriyalik qochqinlar qatorida boʻlgan[1]. Almellahonlarning farzandlari mahalliy maktabga joylashtirilgan. Almellahon Kenton Schooldagi 9 nafar qochqin bolalardan biri boʻlgan[5], u jurnalist boʻlishga qiziqishini bildirgan[1].

Faoliyati

Qizlar taʼlimini himoya qilishga Almellehonni Zaʼatari lageridagi sinfida 40 nafar qizning yarmi turmushga chiqish uchun maktabni tashlab ketgani undagan. Bolalar nikohi Suriyada uncha keng tarqalmagan boʻlsa-da, fuqarolar urushi boshlanganidan keyin keskin oshdi[6][7]. Almellahon ota-onalarni farzandlarini, ayniqsa, qizlarni erta turmushga berish oʻrniga qochqinlar maktablarida qoldirishga koʻndirishga urinishi bilan tanildi[1]. U, shuningdek, bolalarni maktabda qolishga undashga va bolalar nikohining oldini olishga harakat qilgan[8].

Almellahon Malala Yusufzayning doʻsti boʻlib, u bilan 2014-yilda Yusufzay Almellahon yashayotgan qochqinlar lageriga tashrif buyurganida tanishgan. Keyinchalik Almellahonni Yusufzayning oʻzi Nobel tinchlik mukofotini olgan marosimga taklif qilgan[1]. Yusufzay Almellahon Buyuk Britaniyaga kelganidan soʻng ham uni borib koʻrgan[1]. Almellahonning faoliyati bir qator mamlakatlarda eʼtirof etilgan[3] va bu uning „Suriya Malalasi“ taxallusini olishiga olib kelgan[1][3][9]. 2015-yilda u BBCning 100 ayoli roʻyxatiga kiritilgan[10].

2017-yil 16-oktyabrda Muzun urushdan jabr koʻrgan mamlakat oʻquvchilari bilan uchrashish, ularni qoʻllab-quvvatlash va yordam berish uchun migratsiyadan soʻng ilk bor yana Iordaniyaga safar qilgan. Ular mamlakatdagi eng ogʻir sharoitlarda ham taʼlim olishga qatʼiy bel bogʻlagan edilar[11].

Almellahon 2017-yil iyun oyida UNICEFning eng yosh „Ezgu niyat elchisi“ga aylangan[2].

Yana qarang

Manbalar

  1. ↑ 1,00 1,01 1,02 1,03 1,04 1,05 1,06 1,07 1,08 1,09 1,10 Lizzie Dearden. „Syrian refugee girl's message to world leaders: 'Give us the power to make our hopes and dreams come true'“. The Independent (2016-yil 4-fevral). 2022-yil 18-iyunda asl nusxadan arxivlangan. Qaraldi: 2016-yil 14-noyabr.
  2. ↑ 2,0 2,1 „UNICEF names Muzoon Almellehan, a Syrian refugee, as goodwill ambassador“. FirstPost (2017-yil 20-iyun). Qaraldi: 2022-yil 21-fevral.
  3. ↑ 3,0 3,1 3,2 3,3 3,4 3,5 Thompson, Craig „Newcastle offers new homes to Syrian refugees – but Sunderland has offered no help“. Chronicle Live (2016-yil 30-may). Qaraldi: 2016-yil 14-noyabr.
  4. ↑ Mertens, Maggie. „When Muzoon Almellehan Fled War-Torn Syria, She Only Brought One Thing—Her Schoolbooks“ (en). Glamour. Qaraldi: 2018-yil 3-may.
  5. ↑ 5,0 5,1 5,2 5,3 5,4 „Muzoon Almellehan: the Syrian teenager who is the talk of the Tyne“. The Guardian (2015-yil 27-yanvar). Qaraldi: 2016-yil 14-noyabr.
  6. ↑ „Syrian teen advocates for girls' education“. New York Times (2015-yil 4-iyun). Qaraldi: 2016-yil 14-noyabr.
  7. ↑ Strochlic, Nina „Meet the Malala of Syria“. The Daily Beast (2014-yil 9-sentyabr). Qaraldi: 2016-yil 14-noyabr.
  8. ↑ Woollaston, Victoria (5 November 2016). „How Newcastle embraced a teenage Syrian refugee“. Wired. Qaraldi: 14 November 2016.
  9. ↑ Purewal, Harpreet „If Dove expects women to cheer up, it hasn't been paying attention“. The Guardian (2016-yil 24-oktyabr). Qaraldi: 2016-yil 14-noyabr.
  10. ↑ „BBC 100 Women 2015: Who is on the list?“ (en-GB). BBC News (2015-yil 17-noyabr). Qaraldi: 2019-yil 17-avgust.
  11. ↑ „Muzoon Almellehan returns to Jordan to meet Syrian refugees striving to get an education“. UNICEF. Qaraldi: 2018-yil 3-may.

Havolalar

"https://ziyosfera.uz/index.php?title=Muzun_Almellehon&oldid=635971" dan olindi