Muzlik davri (film)

Muzlik davri
	Ice Age
	Fayl:Ice Age.jpg; Film posteri
Rejissyor(lar)	Chris Wedge
Prodyuser(lar)	Lori Forte
Ssenariy; muallif(lar)i	Michael Berg ; Michael J. Wilson ; Peter Ackerman
Rollarda	Ray Romano; John Leguizamo; Denis Leary;
Bastakor(lar)	David Newman
Montajyor(lar)	John Carnochan
Studiya	Blue Sky Studios; 20th Century Fox Animation
Distribyutor	20th Century Fox
Premyera; sanasi	2002-yil 15-mart (AQSh);
Davomiylik	81 daqiqa
Mamlakat	AQSH
Til	inglizcha
Byudjet	$59 million
Daromad	$383,2 million
Keyingi film	Muzlik davri: Jazirama issiq

Ushbu sahifa nomi mavzuning rasmiy tarjimasidir. Iltimos, uni oʻzgartirmang.

Muzlik davri (inglizcha: Ice Age) – 2002-yilda ekranlarga chiqarilgan AQSh kompyuterli animatsion filmi; Muzlik davri franshizasidagi birinchi film. Blue Sky Studios studiyasi tomonidan ishlangan, 20th Century Fox kinokompaniyasi tomonidan esa tarqatilgan. Filmga Chris Wedge rejissyorlik qilgan. Film bosh qahramonlariga Ray Romano, John Leguizamo, Denis Leary, Goran Višnjić va Jack Black ovoz bergan.

Syujeti

Film voqealari muzlik davrida sodir boʻladi. Havolar sovishni boshlagani ortidan butun hayvonlar janubga migratsiya qilishni boshlaydi. Sid ismli besoʻnaqay yalqov ikki karkidon hujumiga uchraganda, Manny ismli serjun mamont uni qutqarib qoladi. Ayni zamonda Soto ismli qilich tishli yoʻlbarslar toʻdasi yoʻlboshchisi birodarlarining oʻlimi uchun odamlar qabilasidan oʻch olishni istab, qabila yetakchisining oʻgʻli – Roshan ismli goʻdakni oʻgʻirlashni maqsad qiladi. Diego Roshan va uning onasini qoʻldan chiqarganda, Soto unga goʻdaksiz toʻdaga qaytmasligini aytadi. Sid va Manny daryo boʻyida Roshan va uning jarohatlangan onasini topib olishadi. Roshanning onasi oʻlimidan oldin ularga oʻgʻlini ishonib topshiradi. Diego Sid va Mannyga goʻdakni uyiga qaytarishda yordamlashishini aytadi, ammo uning asl rejasi Roshan va Mannyni Sotoning yoniga olib borish boʻladi. Shunday qilib, uchovlon sayohatga yoʻl olishadi. Manny va Sid bilan yaqin doʻst boʻlib qolgan Diego ularni Soto qoʻygan pistirma haqida ogohlantiradi. Uchovlon pistirmaga yoʻliqqanda, Sotoning toʻdasiga pand beradi, ammo Diego Mannyni qutqarayotib jarohat oladi. Manny va Sid Roshanni odamlar qabilasiga qaytaradi. Pirovardida Manny, Sid va Diego boshqa hayvonlar bilan janubga migratsiya qiladi.

Ovoz berganlar

Ray Romano – Manny (mamont)
John Leguizamo – Sid (yalqov)
Denis Leary – Diego (qilich tishli yoʻlbars)
Chris Wedge – Scrat (olmaxon)
Goran Višnjić – Soto
Diedrich Bader – Oscar
Alan Tudyk – Lenny
Stephen Root – Frank
Jane Krakowski – Rachel
Lorri Bagley – Jennifer
Kristen Johnston – Sylvia
Tara Strong – Roshan^[2]

Manbalar

↑ ^1,0 ^1,1 „Ice Age (2002)“. Box Office Mojo. Box Office Mojo, LLC. Qaraldi: 23-iyul 2009-yil.
↑ Tara Strongning rasmiy veb-sayti^{[sayt ishlamaydi]}^{[sayt ishlamaydi]}

Havolalar

Multfilm, multiplikator yoki multiplikatsiyaga oid uşbu maqola çaladir. Siz uni boyitib, ZiyoSferaga yordam berişingiz mumkin.

[auto-1] 1,0 ^1,1 „Ice Age (2002)“. Box Office Mojo. Box Office Mojo, LLC. Qaraldi: 23-iyul 2009-yil.

[2] Tara Strongning rasmiy veb-sayti^{[sayt ishlamaydi]}^{[sayt ishlamaydi]}

[1]

[2]