MuzART
| MuzART | |
|---|---|
| Umumiy maʼlumot | |
| Kelib chiqishi | 2001-yil |
| Mamlakat |
 Qozogʻiston |
| Faoliyat yillari | 2001 — hozirgacha |
| Tarkib | Kenjebek Janabilov, Saken Maygʻaziyev, Meyrambek Bespayev |
| Sobiq aʼzolar | Maqsat Bazarbayev, Bolat Joldasov |
| Vebsayt | via-muzart.kz |
MuzART (qozoqcha: МузАРТ) – qozoq vokal va cholgʻu ansambli. Dastlab guruh uchta qoʻshiqchidan iborat boʻlib, hozirda sakkiz nafar: Meyrambek Bespayev, Saken Maygʻaziyev, Kenjebek Janabilov, Gʻalimjan Artiqbayev, Yerlan Qulaxmetov, Beksultan Arman, Yerik Jasaqbayev. Guruhning badiiy rahbari Yerlan Junisbay, musiqa rahbari Beksultfn Arman.
Tarixi
2001-yil aprelda „MuzART“ guruhi tashkil etildi. Guruhning asl tarkibi: Saken Maygʻaziev, Meyrambek Bespayev va Maqsat Bazarbayev[1]. Guruhning birinchi qoʻshigʻi „Sening koʻzing“, soʻzi Muqagʻali Maqatayev, qoʻshiq muallifi Qanat Ibragimov.
- 2003-yil 16—17-dekabr kunlari „Oʻz elim“ nomli konsert dasturi boʻlib oʻtdi.
- 2003-yildan 2004-yilgacha guruh Rossiya va Xitoyda gastrollarda boʻldi.
- 2005-yilda Maqsat Bazarbayev guruhni tark etdi va uning oʻrniga Kenjebek Janabilov keldi[2].
- 2006-yilda guruh Turkiyada yakkaxon konsert dasturini taqdim etdi.
- 2007-yilda guruh aʼzolari soni 8 kishiga koʻpaydi va vokal va cholgʻu ansambliga aylandi.
- 2008-yil mayda „MuzART“ vokal-instrumental guruhining yakuniy kontserti boʻlib oʻtdi.
- 2008-yil 14-dekabrda ansambl Sankt-Peterburg shahrida konsert berdi.
- 2011-yilda „MuzART“ guruhi 10 yilligi shu munosabat bilan 27-aprel kuni Ostona shahrida konsert boʻlib oʻtdi.
- 2013-yil 20-aprel – guruhning 12 yilligi – Olmaota shahrida, Respublika saroyida kontsert boʻlib oʻtdi.
- 2016-yilda guruhning 15 yilligi Ostonada Qozogʻiston konserta zalida boʻldi[3].
Ijodi
Vokal va cholgʻu guruhining qoʻshiqlari asosan estrada janriga tegishli. Ansambl repertuarida xalq va retro qoʻshiqlarni ham topishingiz mumkin. 10 yil davomida guruhda 46 ta qoʻshiq bor. Masalan: „Oʻz elim“, „Shinarim“, „Shashbaulim“, „Qazaqtai el qayda“, „Sagʻindim Almatimdi“, „Ushqongir“, „Anagʻa salem“, „Qayran koʻngil“. 3 ta albom chiqarildi: „Sening koʻzin“, „Atteng-ai“ va „Yesinge al“.
Yutuqlari
Vokalchilar Meyrambek Bespayev, Saken Maygʻaziyev, Kenjebek Janabilev „Darin“ davlat mukofoti laureatlari boʻldi. Ular Qozogʻiston Respublikasida xizmat koʻrsatgan artistlardir. 2013-yil sentyabr oyida MUZZONE telekanalida MuzART „Eng yaxshi guruh“ nominatsiyasida EMA mukofotini qoʻlga kiritdi.
Ayblovlar
2018-yilda L. N. Gumilyov nomidagi Yevrosiyo Milliy universiteti oʻqituvchisi Mirzantay Jaqip MuzART xonandasi Meyrambek Bespayevni grant sotib olganlikda ayblagan, shuningdek, uni ikki yil davomida hech qachon maʼruzalarida koʻrmaganini daʼvo qilgan edi. Oʻqituvchi xonandaga „5“ baho qoʻyish haqida universitet rahbariyatining ogʻzaki buyrugʻi borligini ham aytgan[4][4][5][6].
Manbalar
- ↑ Agʻzamqizi, Aqmaral „"Мейрамбек Саят Медеуовті алғысы келген". Сәкен Майғазиев "МузАРТ" тобы қалай құрылғанын айтты“. El.kz (2023-yil 27-dekabr). Qaraldi: 2025-yil 12-aprel.
- ↑ „«Мама подрабатывает техничкой»: солист группы «МузАрт» Кенжебек Турсынбайулы рассказал о своей матери“. Qaz365.kz (2024-yil 26-iyun). Qaraldi: 2025-yil 12-aprel.
- ↑ „«МузАРТ»-тың мерейтойы“. El.kz (2016-yil 11-iyul). Qaraldi: 2025-yil 12-aprel.
- ↑ 4,0 4,1 „Преподаватель обвинил казахстанских артистов в покупке грантов — 365info.kz“. 2018-yil 5-iyulda asl nusxadan arxivlangan. Qaraldi: 2018-yil 5-iyul.
- ↑ „Кайрата Нуртаса обвинили в покупке образовательного гранта“. 2018-yil 5-iyulda asl nusxadan arxivlangan. Qaraldi: 2018-yil 5-iyul.
- ↑ „Доцент ЕНУ обвинил Нуртаса, Дугалову и Беспаева в покупке грантов“ (deadlink). 2019-yil 28-mayda asl nusxadan arxivlangan. Qaraldi: 2018-yil 5-iyul.