Muxsin Xodjiyev
| Muksin Xodjiyev Tadjiyevich | |
|---|---|
 | |
 | |
|
Mansab davri 2017-yildan – hozirgacha | |
| Oʻtmishdoshi | Zokirov Botir Sobitovich |
| |
|
Mansab davri 2019-yildan – hozirgacha | |
| Shaxsiy maʼlumotlari | |
| Tavalludi |
29-noyabr, 1957-yil Farg'ona viloyati, Qoʻqon shahri |
| Fuqaroligi |
Oʻzbekiston |
| Millati | oʻzbek |
| Istiqomat joy(lar)i |
Guliston Oʻzbekiston |
| Maʼlumoti | oliy |
| Mukofotlari | "O'zbekiston Respublikasi o'rta maxsus kasb-hunar ta’limi a’lochisi" koʻkrak nishoni, "Mehr-saxovat" koʻkrak nishoni, "Yoshlarni vatanparvarlik ruhida tarbiyalashdagi xizmatlari uchun" koʻkrak nishoni |
Muksin Tadjiyevich Xodjiyev (1957-yil 29-noyabr, Qoʻqon, Fargʻona, Oʻzbekiston SSR) – Guliston davlat universiteti rektori (2017-yildan beri)[1]. Texnika fanlari doktori, professor[2]. 2023-yilda Qozon federal universiteti, 2024-yilda Turkiyaning Balikesir universiteti faxriy professori. Antique world — “Antik dunyo” Xalqaro ilmiy akademiyasining akademigi (2009).
Hayoti
1957-yil 29-noyabrda Fargʻona viloyati Qoʻqon shahrida tugʻilgan. Toshkent toʻqimachilik va yengil sanoat institutini tamomlagan (1980).
Karyerasi
1980-1981-yillarda Toshkent shahar markaziy paxta tozalash sanoati ilmiy-tekshirish instituti kichik ilmiy xodimi, 1981-1984-yillarda Toshkent shahar markaziy paxta tozalash sanoati ilmiy-tekshirish instituti kunduzgi boʻlim aspiranti, 1984-1985-yillarda Toshkent shahar markaziy paxta tozalash sanoati ilmiy-tekshirish instituti kichik ilmiy xodimi, 1985-1986-yillarda Toshkent toʻqimachilik va yengil sanoat instituti Paxtani dastlabki ishlash kafedrasi assistenti, 1986-1988-yillarda Toshkent toʻqimachilik va yengil sanoat instituti Paxtani dastlabki ishlash kafedrasi dotsenti, 1988-1989-yillarda Toshkent toʻqimachilik va yengil sanoat instituti Paxtani dastlabki ishlash kafedrasi katta ilmiy xodimi,1989-1994-yillarda Toshkent toʻqimachilik va yengil sanoat instituti Paxtani dastlabki ishlash kafedrasi dotsenti, 1994-1996-yillarda Toshkent toʻqimachilik va yengil sanoat instituti Paxtani dastlabki ishlash kafedrasi katta ilmiy xodimi, 1996-1998-yillarda Toshkent toʻqimachilik va yengil sanoat instituti Paxtani dastlabki ishlash kafedrasi dotsenti, 1998-1999-yillarda Toshkent toʻqimachilik va yengil sanoat instituti Paxta texnologiyasi va mexanika fakulteti dekani, 1999-2000-yillarda Toshkent toʻqimachilik va yengil sanoat instituti Paxtani dastlabki ishlash kafedrasi professori, 2000-2002-yillarda Toshkent toʻqimachilik va yengil sanoat instituti muxandis-iqtisodiyot va kimyo texnologiyasi fakulteti dekani, 2002-2011-yillarda Buxoro oziq-ovqat va yengil sanoat texnologiyasi instituti rektori, 2011-2012-yillarda Buxoro yuqori texnologiyalar muhandislik-texnika instituti rektori, 2012-2013-yillarda Toshkent toʻqimachilik va yengil sanoat instituti paxtani dastlabki ishlash kafedrasi professori, 2013-2014-yillarda Toshkent toʻqimachilik va yengil sanoat instituti tabiiy tolalarni dastlabki ishlash texnologiyasi kafedrasi professori, 2014-2017-yillarda Toshkent toʻqimachilik va yengil sanoat institutining tabiiy tolalarni dastlabki ishlash texnologiyasi kafedrasi mudiri kabi lavozimlarda ishlagan. 2017-yildan beri Guliston davlat universiteti rektori[3].
Ilmiy faoliyati
Texnika fanlari doktori, professor K.Hafizov rahbarligidagi “Совершшенстевование процесов воличного джинрования с примениением вибрирующих отбойного органа и ножа” mavzusida ilmiy tadqiqot olib borgan. 1984-yil dekabr oyida nomzodlik dissertatsiyasini himoya qilgan. 1998-yilda texnika fanlari doktori, professor D.Yakubov maslahatchiligida “Paxtani g‘aramlash va minimodulli zichlashning mexanizatsiyalashgan texnologik jarayonini ko‘rsatkichlarini asoslash va nazariyasini yaratish” mavzusidagi doktorlik dissertatsiyasini himoya qilgan. Muxsin Xodjiyevning ilm-fan sohasida 400ga yaqin asosiy ilmiy va uslubiy ishlari mavjuddir.
Mukofotlari
2007-yilda “O'zbekiston Respublikasi o'rta maxsus kasb-hunar ta’limi a’lochisi” koʻkrak nishoni bilan taqdirlangan. Shuningdek, "Mehr-saxovat", "Yoshlarni vatanparvarlik ruhida tarbiyalashdagi xizmatlari uchun" ko'krak nishonlari bilan mukofotlangan.
Manbalar
- ↑ „AQSHlik o‘qituvchi – GulDU talabalariga dars beradi“. UzA.uz. Qaraldi: 22-mart 2025-yil.
- ↑ „Isaev Shaxboz Shavkatjonovichning falsafa doktori (PhD) dissertatsiyasi himoyasi haqida e’lon“. Oliy attestatsiya komissiyasi. Qaraldi: 22-mart 2025-yil.
- ↑ https://guldu.uz/uz/universitet/tuzilma/2-rectors-office.html