Kontent qismiga oʻtish

Mustafa Yılmaz

ZiyoSfera, erkin ensiklopediya
Mustafa Yılmaz

Yılmaz 2023-yilda
Tugʻilishi 1992-yil 5-noyabr (1992-11-05) (33 yosh)
Mamak, Turkiya
Saravha Grossmeyster (2012-yil)
FIDE reyting 2634 (avgust 2026)
Yuqori reytingi 2665 (dekabr, 2023-yil)

Mustafa Yılmaz (1992-yil 5-noyabrda tugʻilgan) – turkiyalik shaxmatchi, u 2012-yil sentyabr oyida Xalqaro shaxmat federatsiyasi (FIDE) tomonidan grossmeyster (GM) unvoniga sazovor boʻlgan[1]. U shaxmat boʻyicha uch karra Turkiya chempioni.

Faoliyati

U 2008-yilda FIDE ustasi (FM) va 2009-yilda xalqaro usta (IM) unvonlariga sazovor boʻlgan[2]. U Anqaradagi Mamak shahrida tugʻilgan[3].

Yilmaz yetti yoshida shaxmat oʻynashni boshlagan, bunga uning katta opasi, shuningdek, shaxmat boʻyicha Turkiya chempioni Ezgi Yilmaz ham turtki bergan[4]. U Anqara shahrining Mamak tumanida ayollar oʻrtasida grossmeyster (WGM) unvonini qoʻlga kiritgan Kübra Öztürk bilan bir xil shaxmat kursida tahsil olgan[5].

2008-yilda Yılmaz Turkiya milliy shaxmat terma jamoasiga qabul qilingan. Oʻsha yili u Germaniyaning Drezden shahrida boʻlib oʻtgan 38-shaxmat Olimpiadasida ishtirok etgan[6]. 2009-yilda u final bosqichida Barış Esenni magʻlub etib, 11½/13 natija bilan Turkiya tarixidagi eng yosh shaxmat chempioniga aylangan[5][7].

Turkiya Shaxmat federatsiyasi tashabbusi bilan 2012-yilda u Burak Fırat va Demre Kerigan bilan birga Moskva shahridagi Rossiya Davlat Ijtimoiy Universitetining shaxmat boʻlimiga oʻqishga kirgan; bunda shaxmat ustalaridan saboq olish hamda rus tilini oʻrganish maqsad qilingan[8].

2023-yil yanvar oyida Yılmaz Tata Steel shaxmat musobaqasi turnirida 9/13 natija bilan ikkinchi oʻrinni egallagan.

U 2023-yilgi Shaxmat boʻyicha Jahon kubogida ishtirok etib, uchinchi bosqichgacha yetib borgan va ikkinchi klassik partiyada katta imkoniyatni qoʻldan boy berganidan soʻng, tezkor tay-breykda turnirning 3-raqamli ishtirokchisi Fabiano Karuanaga magʻlub boʻlgan. Jahon kubogidan soʻng Yılmaz Yevropa klublar kubogi hamda FIDE Grand Swiss 2023 turnirlaridagi muvaffaqiyatli ishtiroklari tufayli reytingini sezilarli darajada oshirgan. Yevropa klublar kubogida u 5,5/7 natija qayd etib, Vallejo Ponsni magʻlub etgan va faqat armanistonlik grossmeyster Haik Martirosyanga yutqazgan. FIDE Grand Swiss 2023 musobaqasida esa 6,5/11 natija koʻrsatib, faqat birinchi turda reytingi 2750 boʻlgan Richard Rapportga magʻlub boʻlgan hamda Martirosyan va Harikrishna kabi taniqli raqiblarni yenggan. Ushbu turnirdagi umumiy musobaqa koʻrsatkichi (TPR) 2753 ni tashkil etgan.

Shundan soʻng u Yevropa jamoalar shaxmat chempionatida Turkiya terma jamoasining birinchi taxtasida oʻynagan va 4,5/8 natija qayd etgan; Turkiya jamoasi umumiy hisobda 22-oʻrinni egallagan.

U yana Shaxmat boʻyicha 2025-yilgi Jahon kubogi etgan. Turnirda 97-raqamli ishtirokchi sifatida u birinchi va ikkinchi turlarda mos ravishda 161-raqamli Aldiyar Ansat va 32-raqamli Bu Xiangzhini 1,5–0,5 va 2,5–1,5 hisobida magʻlub etgan, ammo uchinchi turda 33-raqamli Shant Sargsyanga 0,5–1,5 hisobida yutqazgan.

Yutuqlari

Turkiya chempionati
  • 2009-yil – chempion
  • 2017-yil – chempion[9]
  • 2022-yil – chempion[10]
Jahon yoshlar shaxmat chempionati

2012-yil – 19-oʻrin[11][12]

Manbalar

  1. ↑ „List of titles approved by the 83rd FIDE Congress (1-9 September 2012)“. FIDE.com (2012-yil 17-sentyabr). Qaraldi: 2022-yil 12-yanvar.
  2. ↑ „List of titles approved by the 83rd FIDE Congress (1-9 September 2012)“. FIDE.com (2012-yil 17-sentyabr). Qaraldi: 2022-yil 12-yanvar.
  3. ↑ „3.Geleneksel Mamak Satranç Şenliği“ (tr). Türkiye Satranç Federasyonu-Ankara İl Temsilciliği. Qaraldi: 2013-yil 16-iyul.
  4. ↑ „Türk satranç tarihine geçti“ (tr) (2009-yil 28-aprel). Qaraldi: 2013-yil 16-iyul.
  5. ↑ 5,0 5,1 „İn cin yok, Mustafa Yılmaz var“ (tr) (2009-yil 10-aprel). Qaraldi: 2013-yil 16-iyul.
  6. ↑ „38th Chess Olympiad Turkish National Teams-Men“ (tr). Turkish Chess Federation. Qaraldi: 2013-yil 16-iyul.
  7. ↑ „Mustafa Yılmaz tarihe geçti..“ (tr) (2009-yil 28-aprel). Qaraldi: 2013-yil 16-iyul.
  8. ↑ „Satrancı, "ana vatanı"nda öğreniyorlar“ (tr) (2012-yil 10-yanvar). Qaraldi: 2013-yil 16-iyul.[sayt ishlamaydi]
  9. ↑ „Türki̇ye Satranç Federasyonu“.
  10. ↑ „Türkiye Şampiyonu GM Mustafa Yılmaz“.
  11. ↑ „World Junior Championship Tournament“. Chessgames.com. Qaraldi: 2013-yil 16-iyul.
  12. ↑ „Ipatov dünya şampiyonu“ (tr) (2012-yil 26-avgust). Qaraldi: 2013-yil 16-iyul.

Havolalar

"https://ziyosfera.uz/index.php?title=Mustafa_Yılmaz&oldid=635149" dan olindi