Musohon qori Abbosiddinov

Musohon qori Abbosiddinov islomshunos-imomdir. 1974-yil Namangan shahrida tavallud topgan. Dastlabki diniy bilimni togʻasi qoʻlida olgan. Oʻrta maktabni tamomlagach, Namangan shahridagi Mulla Qirgʻiz madrasasiga kirib, uni 2000-yilda tamomlagan. 2001-2005-yillarda Toshkent Islom Universitetining Islomshunoslik-Dinshunoslik yoʻnalishi boʻyicha bakalavriatini tamomlab, 2005-2007-yillarda mazkur oliygohning Islomshunoslik yoʻnalishi boʻyicha magistraturasini ham tugatgan. Oilali, 4 nafar farzandi bor. Muso qori Qur'oni karimni yoshligidayoq toʻla yod olgan. Uning qiroati nafaqat Oʻzbekistonda, balki dunyoning boshqa koʻplab davlatlarida ham katta qiziqish uygʻotib kelmoqda^{[manba kerak]}. Jumladan u Malayziya, Eron, Turkiya kabi mamlakatlardagi Qur'on musobaqalarida muvaffaqiyatli ishtirok etgan^{[manba kerak]}. 2004-yili ramazon oyida AQShda yashovchi musulmonlar Muso qorini yurtlarida tarovih namozlarida Qur'onni xatm qilib berishini iltimos qilib, chaqirdilar^{[manba kerak]}. Buhga javoban Muso qori AQShda boʻlib, u yerlik ahli muslimlarni oʻzining betakror ovozidagi Qur'on tilovati bilan xushnud qilib qaytdi. Ayni paytda Muso qori Toshkentdagi Shayx Zayniddin (Koʻkcha) Jome' masjidida imom noibi sifatida faoliyat olib bormoqda.