Muso ibn Bugʻa al-Kabir
| Muso ibn Bugʻo al-Kabir | |
|---|---|
| Tavalludi | 819-yildan oldin |
| Vafoti | 877-yil |
| Fuqaroligi | Abbosiy xalifaligi |
| Qoʻshin turlari | Abbosiy Turk qoʻmondoni |
| Xizmatdagi yillari | tax. 862 – 877-yillar |
Muso ibn Bugʻa al-Kabir (877-yilda vafot etgan) asli turkiy boʻlgan abbosiylar lashkarboshisi.
Muso ibn Bugʻo al-Kabir xalifa al-Moʻtasim (833—842-yillar hukmronligi) davridagi yetakchi turk sarkardalaridan biri boʻlgan Bugʻo al-Kabirning oʻgʻli. Muso 861-yilda xalifa al-Mutavakkilning oʻldirilishida ishtirok etgan yoki hech boʻlmaganda tashkilotchi boʻlgani ehtimoli mavjud. 862-yilda Bugʻo vafot etgach, Muso otasining oʻrniga idoralarini boshqarishni davom ettirgan va " Samarradagi anarxiya " muammolarida ham muhim rol oʻynagan. Nihoyat, u gʻalaba qozongan hamda vazir va muvaqqat hokim al-Muvaffaq bilan yaqin aloqasi mavjud boʻlgan. Shu tufayli 870-yildan to 877-yilda vafot etgunigacha Abbosiylar xalifaligining eng qudratli sarkardasiga aylangan. Uning oʻgʻillari Ahmad, Muhammad va al-Fadl ham xalifalikning eng qudratli arboblaridan boʻlgan, ayniqsa , Zanjilar qoʻzgʻoloniga qarshi boʻlgan yurishda mardonavor kurashishgan.