Muhammad ibn Abdavayh ibn Jabala
Muhammad ibn Abdavayh ibn Jabala al-Anbariy (arabcha: محمد بن عبدويه بن جبلة) – IX asrda yashagan Abbosiylar xalifaligi amaldori. Barqa va Hims hokimi boʻlib xizmat qilgan.
Faoliyati
Muhammad al-Maʼmun xalifaligi davrida (h. 813–833) Misrda lashkarboshi va hokim sifatida xizmat qilgan Abdavayh ibn Jabalaning oʻgʻli edi[1]. Muhammad ham otasiga oʻxshab harbiy va boshqaruv faoliyatini tanladi va xalifa al-Vosiq (h. 842–847) hukmronligi davrida Shimoliy Afrikadagi Barqa viloyati hokimi sifatida xizmat qildi. Bu viloyatni boshqarish davrida u bir guruh berberlar va arab qabilalari qoʻzgʻoloniga duch keldi. Bu isyon xalifa al-Vosiq tomonidan armiya qoʻmondoni Roja ibn Ayyub al-Hidariyni mintaqani tinchlantirish uchun joʻnatgunga qadar davom etgan. Keyinchalik Roja isyonni bostrishga muvaffaq boʻlgan[2].
854-yilda Muhammad Hims viloyati hokimi etib tayinlandi, chunki avvalgi hokim Abu al-Mugʻis Muso ibn Ibrohim shahar aholisi tomonidan quvilgan edi. Oradan bir yil oʻtib, Muhammad Himsda yirik qoʻzgʻolonga duch keldi, ammo Damashq va Ramladan kelgan qoʻshimcha kuchlar yordamida isyonni bostirishga muvaffaq boʻldi. Ushbu qoʻzgʻolon oqibatida xalifa al-Mutavakkil Muhammadga shahar aholisi ustidan qattiq jazolar joriy etishni buyurdi, bir qancha mahalliy yetakchilar qatl etildi va shaharning nasroniylardan iborat aholisi toʻliq quvgʻin qilindi. Isyonni bostirishdagi qatʼiyati va sadoqati uchun al-Mutavakkil Muhammadni 50,000 dirham, qimmatbaho sovgʻalar hamda sharaf liboslari bilan mukofotlagan[3].
Manbalar
- ↑ For the background of this family, see Crone 1998, s. 8 & n. 68.
- ↑ Gordon et al. 2018.
- ↑ Kraemer 1989, ss. 130–31, 133–35; Gordon et al. 2018, s. 1267; Cobb 2001, s. 99; Gil 1997, ss. 296–97.
Adabiyotlar
- Cobb, Paul M.. White Banners: Contention in 'Abbasid Syria, 750-880. Albany, NY: State University of New York Press, 2001. ISBN 978-0-7914-4879-3.
- Crone, Patricia (1998). "The 'Abbāsid Abnā' and Sāsānid Cavalrymen". Journal of the Royal Asiatic Society. Third 8 (1): 1–19. doi:10.1017/S1356186300016400.
- Andoza:A History of Palestine, 634-1099
- The Works of Ibn Wadih al-Ya'qubi: An English Translation. Leiden and Boston: Brill, 2018. ISBN 978-90-04-35621-4.
- The History of al-Ṭabarī, Volume XXXIV: Incipient Decline: The Caliphates of al-Wāthiq, al-Mutawakkil and al-Muntaṣir, A.D. 841–863/A.H. 227–248, SUNY Series in Near Eastern Studies.. Albany, New York: State University of New York Press, 1989. ISBN 978-0-88706-874-4.