Muhammad al-Xorazmiy (Zaynu-l-mashoyix Abul Fazl)

Muhammad al-Xorazmiy
Shaxsiy maʼlumotlar
Vafoti	milodiy 1139-yil (hijriy 533-yil)
Dini	Islom
Tanilgan sohasi	mufassir, adib, nahvshunos va tilshunos olim

Muhammad ibn Abul Qosim al-Xorazmiy al-Baqqoliy, al-Hanafiy (hijriy 533-yil (milodiy 1139-yil)da vafot etgan) — mufassir, adib, nahvshunos va tilshunos olim boʻlgan. Laqabi — „Odamiy“. Arab tili va eʼrob boʻyicha saboqni az-Zamaxshariydan olgan, ustozidan keyin uning oʻrnini egallagan. Undan va boshqalardan hadis tinglagan.

Asarlari

• „Tafsiru-l-Qurʼon“ („Qurʼon tafsiri“);
• „Miftohu-t-tanzil“ („Tanzil kaliti“);
• „al-Iʼjob fi ilmi-l-eʼrob“ („Eʼrob ilmiga taʼzim“);
• „al-Bidoya fi-l-maʼoniy va-l-bayon“ („Ritorika ilmiga kirish“);
• „Manozilu-l-arab“ („Arablarning manzillari“);
• „Tarojimu-l-aʼmom“ („Amakilarning tarjimai hollari“);
• „Taqvimu-l-lison“ („Tilni isloh etish“);
• „Azkoru-s-salot“ („Namozning zikrlari“);
• „Asroru-l-kizb“ („Aldovning sirlari“);
• „Iftixoru-l-arab“ („Arablarning faxrlari“).