Kontent qismiga oʻtish

Muhammad al-Amin masjidi (Bayrut)

Koordinatalari: 33°53′41.89″N 35°30′22.93″E / 33.8949694°N 35.5063694°E / 33.8949694; 35.5063694
ZiyoSfera, erkin ensiklopediya
Masjid
Muhammad al-Amin masjidi
arabcha: جامع محمد الأمين‎‎
Masjidning 2019-yilgi holati
Mamlakat  Livan
Shahar Bayrut
Koordinatalar 33°53′41.89″N 35°30′22.93″E / 33.8949694°N 35.5063694°E / 33.8949694; 35.5063694
Yoʻnalishi sunniy
Masjid turi Jomeʼ-Masjid
Meʼmoriy uslub Usmonli meʼmorchiligi
Meʼmor Azmiy Faxuriy
Binokorlik 2002—2008
Asosiy sana:
Gumbazlar soni 5 ta
Gumbazlar soni 5 ta
Balandligi 72 m (236 ft)
Gumbaz balandligi 42 m (138 ft)
Minoralar soni 4 ta
Minoralar soni 4 ta
Minoralar balandligi 72 m (236 ft)
Qurilish materiali tosh
Holati amaldagi
Tarovih
Saharlik va iftorlik

Mohammad Al-Amin masjidi (arabcha: جامع محمد الأمين‎‎), shuningdek, Koʻk masjid deb ham ataladi, balandligi 72 metr boʻlgan, minoralar tomi 65 metr balandlikda, asosiy gumbaz uch qismi 48 metr, uning tomi 42 metr boʻlgan sunnaviy masjid boʻlib, Livanning Bayrut shahri markazida joylashgan.

19-asrda bu yerda bir zaviya qurilgan. Eski zaviyaga tutash yetarli yer maydonini qoʻlga kiritish boʻyicha oʻn yillik tayyorgarliklar yakunda yangi masjid qurilishiga olib kelgan. Masjid 2008-yilda ochilgan boʻlib, Avliyo George Maronit sobori yonida joylashgan.

Tarixi

19-asrda bu yerda shayx Abu Nasr al-Yofi nomi bilan atalgan zaviya qurilgan. Abu Nasr bozorlari (Souk Abu Nasr) ham shu hududda joylashgan boʻlib, 1975-yilgacha zaviya bilan birga faoliyat koʻrsatgan[1][2].

2020-yil 4-avgustda masjid Bayrut portidagi portlashlar oqibatida jiddiy shikastlangan. Uning lyustralari va derazalari chilparchin boʻlib ketgan, pol esa siniq oynalar bilan qoplangan edi[3].

Qurilish va meʼmoriy yechim

Livan fuqarolar urushi tugaganidan koʻp oʻtmay, marhum bosh vazir Rafiq Haririyning xayriyasi evaziga Muhammad al-Amin masjidining poydevori 2002-yil noyabr oyida qoʻyildi. Haririy 2005-yil 14-fevralda suiqasd qurboni boʻlgan va uning jasadi Bayrutdagi Shahidlar maydoni hududida, masjid yoniga dafn etilgan. Masjid Haririyning dafn marosimi uchun ham foydalanilgan[4].

Masjid qurilishi vaqtida arxeologlar sharq-gʻarb yoʻnalishidagi asosiy Rim koʻchasining (Decumanus Maximus) bir qismini, uning yoʻl qoplamasi va ustunlarini aniqladilar[5]. Masjid uchun ilk tosh qoʻyilgach, 2003-yilda birinchi beton quyildi. 2005-yilga kelib masjid meʼmorchilik inshootlari qad rostlay boshladi va 2008-yilda masjid ochildi[6].

Azmiy Faxuriy tomonidan usmonli turk meʼmorchiligi uslubiga yaqin shaklda loyihalashtirilgan ushbu masjidda bir vaqtning oʻzida 6 400 nafargacha ibodat qiluvchi sigʻadi[7]. Muhammad al-Amin masjidida beshta gumbaz boʻlib, ularning barchasi och koʻk plitalar bilan qoplangan. Ichki bezaklarda naqshinkor shiftlar va gumbaz doirasi mavjud. Lyustraga oʻxshash bezak mehrob qarshisida osilib turadi.

Gallereya

Yana qarang

Manbalar

  1. ↑ Vloeberghs, Ward. Architecture, Power and Religion in Lebanon: Rafiq Hariri and the Politics of Sacred Space in Beirut. BRILL, 2016-01-01. DOI:10.1163/9789004307056_006. ISBN 978-90-04-30705-6. 
  2. ↑ Hallaq, Hassan. Bayrut al-mahrousa fil'ahd al-'uthmâni (ar). Beirut: Dar al-Jami'at, 1987. 
  3. ↑ „In pictures: Beirut 'like a war zone' after deadly blast“. Al Jazeera English (2020-yil 5-avgust). Qaraldi: 2020-yil 6-avgust.
  4. ↑ Knudsen, Are (December 2016). "Death of a Statesman - Birth of a Martyr". Anthropology of the Middle East 11: 1–17. 
  5. ↑ Vloeberghs, Ward „The Genesis of a Mosque: Negotiating Sacred Space in Downtown Beirut“, . European University Institute Working Papers 17. Florence: Robert Shuman Center for Advanced Studies, 2008. 
  6. ↑ Hallaq, Hassan. Al-tarikh alijtima'i wa al-siyasi wa al-iqtisadi fi Bayrut (ar). Beirut: Dar al-Jami'at, 1987. 
  7. ↑ „Mohammed Al Amin Mosque“. The Libshop Travel Guide (2024). Qaraldi: 2024-yil 2-dekabr.

Havolalar

Vikiomborda „Muhammad al-Amin masjidi (Bayrut)“ mavzusi boʻyicha mediafayllar bor. 

"https://ziyosfera.uz/index.php?title=Muhammad_al-Amin_masjidi_(Bayrut)&oldid=631220" dan olindi