Muhammad Usmon Damoniy
Muhammad Usman Damani | |
|---|---|
| Shaxsiy maʼlumotlar | |
| Tavalludi | 1828/1829 |
| Vafoti |
1897 (yoshi 68–69)) Mussa Zai Sharif, Dera Ismoilxon, Britan Hindistoni |
| Dini | Islom |
| Imom | Sunniy islom, Hanafiy, soʻfiy, Naqshbandiy |
Muhammad Usman Damoniy 19-asr (1828–1897) Janubiy Osiyoda (hozirgi Pokiston) Naqshbandiy tariqatining nufuzli musulmon olimi va soʻfiy shayxi boʻlgan.
Hayoti
Muhammad Usmon hijriy 1244-yilda hozirgi Pokistondagi Dera Ismoilxon tumanining Loni shaharchasida Mavlono Musa Jonning oilasida tugʻilgan. Otasi Damoniy qabilasidan, onasi esa hind soʻfiy avliyosi Bande Navoz avlodidan boʻlgan[1]. U Hoji Dost Muhammad Qandariyning xalifasi va vorisi, Dera Ismoilxondagi Mussa Zai Sharifdagi xonqohning sohibi edi.
Faoliyati
Shayxi unga sakkiz soʻfiy tariqatining ijozatini (xilofat) bergan, yaʼni Naqshbandiy Mujaddidiy, Qodiriy, Chishtiy, Suhravardiy, Shattoriy, Madoriy, Kubroviy va Qalandariy[2].
Maktublari Tuhfa Zohidiya nomi ostida, urdu tarjimasi bilan birga toʻplam holida nashr qilingan. Hayotining soʻnggi yillarida u yangi kelganlardan bay’at olmay, ularni ikki yetakchi xalifasidan biriga, yaʼni oʻgʻli Muhammad Sirojuddin Naqshbandiy va Sayyad Lol Shoh Hamdoniyga yoʻnaltirar edi.
U hijriy 1314-yil 22-shaʼbon seshanba kuni (1897-yil 26-yanvar) vafot etgan va Mussa Zai Sharifda oʻzining shayxi Hoji Dost Muhammad Qandariy qabri yoniga dafn qilingan[1]. Uning janoza namozini oʻgʻli Muhammad Sirojuddin Naqshbandiy oʻqigan[2].
Silsila
Xoja Muhammad Usman Damoniy soʻfiylikning Mujaddidiy yoʻnalishiga mansub boʻlib, u Naqshbandiy soʻfiy tariqatining asosiy tarmogʻidir. Uning ruhiy silsilasi Muhammadga, oʻn birinchi hijriy asr mujaddidi Shayx Ahmad Sirhindiy orqali yetib boradi.
Xalifalari
- Muhammad Sirojuddin Naqshbandiy, oʻgʻli va vorisi (v. 1915)
- Sayyad Lol Shoh Hamdoniy (v. 1896)
- Mavlono Sheroziy
- Abdurrahmon Bahodur Kilmiy (v. 1922)
Yana qarang
Manbalar
- ↑ 1,0 1,1 „Showroom friend“. 2011-yil 7-oktyabrda asl nusxadan arxivlangan. Qaraldi: 2024-yil 2-sentyabr.
- ↑ 2,0 2,1 „Hazrat Khwaja Usman Damani“. 2009-yil 25-mayda asl nusxadan arxivlangan. Qaraldi: 2024-yil 2-sentyabr.