Muhammad Izzaddin I
Said Muhammad Izzaddin I Dovodiy Bohraning 23-Daʼi al-Mutlaqi | |
|---|---|
محمد عِزّالدين | |
 Said Muhammadning maqbarasi | |
| Unvoni |
|
| Shaxsiy maʼlumotlar | |
| Vafoti | Safar al-Muzaffar oyining 27-sanasi 946-yil (milodiy 1539-yil) |
| Zabid, Yaman | |
| Dini | Islom |
| Diniy oqimi |
Ismoiliylar Dovudi Bohra |
| Yurisprudensiya | |
Said Muhammad Izzaddin (arabcha: محمد عزالدين) (milodiy 1539-yil / hijriy 946-yil Safar oyining 27-sanasi Yamanning Zabid shahrida vafot etgan) ismoiliy shia islomining kichik mazhabi boʻlgan Dovudiy Bohraning 23-daʼi al-Mutlaq lavozimida faoliyat olib borgan[1]. Dovudiy Bohralar oʻz eʼtiqod tizimini Yamanga bogʻlaydilar. Bu tizim Fotimiylar xalifaligidan kelib chiqqan boʻlib, ular asosiy yoʻnalishlar: sunniy islom va Zaydiy islomdan farq qilganligi sababli taʼqib ostiga olingan. Taxminan 1567-yilda Daʼvat (mazhabning diniy tashkiloti) Hindistonning Gujarot viloyatiga koʻchirilgan.
Hayoti
U 22-chi daʼi Said Ali Shamshuddinning oʻrnini egallaydi va oʻzidan keyin Said Yusuf Najmiddinga vorislikni topshirgan. Said Muhammad Ali Valid avlodidan 17-chi daʼi va Yamandan chiqqan oxirgi Daʼat Mutlaqun edi. U Masarda istiqomat qilardi, biroq Zaydiy imomi al-Mutavakkil Yahyo Sharafiddinning shafqatsiz zulmi tufayli u yerni tark etishga majbur boʻladi. Said Hasan ibn Nuhning vafotidan soʻng, u Masar qal’asini Zaydiy imomiga topshirishga majbur boʻlgan.
Vafoti
Said Izzaddin Hajga borish niyati bilan Zabidga yetib keladi, biroq zaydiy izdoshlari kemadagi ichimlik suvini zaharlab qoʻyishgan edi va bu Saidga ham taʼsir qilgan. Buni bilgach, u darhol Zabidga qaytib keladi va bir necha kundan soʻng vafot etadi.
Vorislik
Said Muhammad Izzaddin Said Yusuf Najmiddinga nass (vorislik huquqi) beradi. U uchta maktub tayyorlaydi: bittasi Yamanda saqlanib, qolgan ikkitasi Hindistonga turli kemalarda joʻnatiladi. Izzaddin Hindistonga nass maktublarini yuborgan paytda, unga uzoq masofa tufayli Hindiston vaziyati va Said Najmiddin ahvolidan bexabar boʻlishi mumkinligi aytiladi. Said Muhammad Izzaddin bunga javoban: "Maktub Yusuf Najmiddinga yetib boradi va u Daʼi al-Mutlaq boʻladi, " deb aytadi[2].
Manbalar
- ↑ Zaereen.com, List of Daʼi al-Mutlaq of Dawoodi Bohra
- ↑ [1]; syedna-mohammed-izzuddin-ra-23rd-dai
Havolalar
- Daftary, Farhad. The Ismāʿı̄lı̄s: Their History and Doctrines, Second, Cambridge: Cambridge University Press, 2007. ISBN 978-0-521-61636-2.