Vikilugʻatda ushbu soʻzga oid batafsil maʼlumot beruvchi sahifa mavjud: muhammad
Muhammad (arabcha: مُحَمَّد) — arabcha erkaklar ismi boʻlib, „maqtovga sazovor“ degan maʼnoni bildiradi. Bu ism arab tilidagi „maqtamoq“, „hamd aytmoq“ maʼnolarini anglatuvchi „ḥammada“ (حَمَّدَ) feʼlining majhul nisbatdagi sifatdoshidan olingan. Feʼlning oʻzi esa uch undoshli somiy tildagi Ḥ-M-D oʻzagidan kelib chiqqan. Ismning Muhammed, Muhamad, Mohammad, Mohammed, Mahammad, Maxamed, Mehemmed, Mehemmet, Mohamad, Mohamed, Mehmet, Mahometus, Mamadou, Magomed va boshqa turli xil yozilish shakllari ham mavjud. Dunyodagi eng ommabop ism deb hisoblanuvchi bu nom, 2014-yil iyul oyi holatiga koʻra, taxminan 150 million erkak va oʻgʻil bolaga berilgan[1].
Bu ismni 2017-yildan beri XitoyningShinjon mintaqasida yangi tugʻilgan chaqaloqlarga qoʻyish taqiqlangan[2]. Shuningdek, Pokistondagi Ahmadiya jamoasi uchun ham bu nom man etilgan[3].
