Muborak Yoʻldoshev
- Vikipediyada ismi Muborak va familiyasi Yoʻldoshev boʻlgan boshqa kishilar haqida ham maqolalar mavjud.
| Muborak Yoʻldoshev | |
| Haqiqiy ismi | Muborak Saydaqulovich Yoʻldoshev |
| Tavalludi | 1934-yil 23-fevral |
Muborak Saydaqulovich Yoʻldoshev (1934-yil 23-fevral, Chimkent shahri) – teatr rassomi, Oʻzbekiston xalq rassomi (2000).
Hayoti
Toshkent teatr va rassomlik sanʼati institutini tugatgan (1962; Ch. Ahmarov, M. Saidov, V. Riftinlardan taʼlim olgan). Navoiy nomidagi akademik opera va balet katta teatrida rassom (1962—64; J. Puchchinining „Floriya Toska“ operasi va b.), Samarqand opera va balet teatrida bosh rassom (1964— 72; S. Boboyevning „Yoriltosh“ va „Ham-za“ operalari, B. Asafyevning „Boqchasaroy favvorasi“, M. Ravelning „Bolero“, S. Balasanyanning „Layli va Majnun“ baletlari va b. spektakllarning sahna bezaklarini yaratdi). Toshkent teatr va rassomlik sanʼati institutida pedagog (1972—80). Y. ijodida tarixiy mavzu yetakchi oʻrin tutadi: "Goʻroʻgʻli, „Koʻhna Urganch“, „Alpomish“, „Avesto“, „Xoʻja Hofiz“ turkumida asarlar, „Amir Temur“ triptixi va b.; Y., shuningdek, portretlar („Kompozitor Karim hoji“, „Ergash Jumanbulbul“, „Pulkan shoir“, „Islom shoir“ va b.) mavzuli asarlar („Samarqand bozori“, „Amir Temur maqbarasi“ va b.), natyurmortlar („Siren“ va b.) muallifi hamdir. Y. 1965-yildan respublika va chet mamlakatlarda oʻtkaziladigan koʻrgazmalarda oʻz asarlari bilan faol ishtirok etadi[1].
Manbalar
- ↑ Fayl:National Encyclopedia of Uzbekistan logo.png „Muborak Yoʻldoshev“, Oʻzbekiston milliy ensiklopediyasi (M-harfi). Toshkent: „Oʻzbekiston milliy ensiklopediyasi“ Davlat ilmiy nashriyoti, 2000–2006-yillar.
 | Ushbu maqola chaladir. Siz uni boyitib, ZiyoSferaga yordam berishingiz mumkin. Bu andozani aniqrogʻiga almashtirish kerak. |