MuammarQazzofiy (1942, Sirt - 2011, Tripoli) — Liviya davlat arbobi, polkovnik. Liviya universitetining tarix fakulteti va harbiy kollejni tugatgan. Liviyada monarxiyani agʻdarib tashlagan inqilob (1969-yil1-sentyabr) yoʻlboshchisi. 1969-1979-yillarda Liviya Inqilobiy qoʻmondonlik kengashi raisi, shuningdek, 1969-yil sentabrdan qurolli kuchlar bosh qoʻmondoni, 1976-yil oktabrdan Oliy Bosh qoʻmondoni. 1970-1972-yillarda Bosh vazir va mudofaa vaziri. 1972-1977-yillarda Arab sotsialistik ittifoqi tashkiloti raisi. 1977-1979-yillarda Liviya Umumxalq kongressi Bosh kotibi. 1979-yil martdan Liviya Arab Xalq Sotsialistik Buyuk Jamaxiriyasi va uning Inqilobiy rahbariyati boshligʻi, Ulugʻ Al-Fath Inqilobi rahbari. 2011-yilda hokimiyatdan agʻdarildi.
